Qazaqstan mektepterinde sońǵy qońyraý soǵyla ma
Bıyl qashyqtan oqytýǵa qatysty jaǵdaı ózgermese, onda oqý jylynyń aıaqtalýyna arnalǵan sońǵy qońyraý soǵylmaýy múmkin. Bul týraly QR Bilim jáne ǵylym vıse-mınıstri Sholpan Karınova málim etti.
«Bıyl qorytyndy atestattaý bolmaıdy. Buǵan deıin 9-synypta tórt pánnen, 11-synypta 5 pánnen emtıhan jumysyn ótkizý qarastyrylǵan bolatyn. Sondyqtan bul qorytyndy atestattaý júrgizilmeıdi. Barlyq pánder boıynsha jyldyq qorytyndylar negizinde atestat tapsyrylady», — dedi vıse-mınıstr Ortalyq komýnıkasıalar qyzmetindegi onlaın tártipte ótken baspasóz máslıhatynda.
Sonymen qatar Sh. Karınova sońǵy qońyraýǵa qatysty toqtala kele, rásim oqý jyly aıatalǵan kezde bolatynyn, ıaǵnı qorytyndylaıtyn saltanatty shara ekenin eske saldy. Oǵan mektep ujymy men oqýshylar qatysady.
Onyń sózine qaraǵanda, eger jaǵdaı ózgermese, sońǵy qońyraý bolmaýy múmkin.
You Might Also Like
-
Ulttyq bıotehnologıa ortalyǵy genetıkalyq ınjenerıa zerthanasynyń meńgerýshisi, bıologıa ǵylymdarynyń kandıdaty Aleksandr Shýstov COVID-19-ǵa qarsy vaksına jasaý boıynsha júrgizilip jatqan jumystar tý...
