InfoHub Logo

Qazaqstan, týdy altyn dáýiriń
Maqsaty: Oqýshylardy qazaq halqynyń san ǵasyrlyq tarıhynan málimet berý, táýelsiz elimizdiń jetistikterimen, halqymyzdyń birtýar uldary týraly shejire men derekter tanystyrý. Otan súıgishtikke, patrıotızmge tárbıeleý.
Túri: Sahnalandyrylǵan derekti fılm.
Kórnekilikter: Kompúter, slaıdtar tizbegi (22),

Barysy:
Slaıdpen Qazaqstannyń jeri, terıtorıasy, shekarasy, qalalary kórsetiledi.
1 - júrgizýshi:
İ. Armysyzdar, qurmetti ustazdar men ata - analar, oqýshylar! Bizdiń «Qazaqstan, týdy altyn dáýiriń» atty saltanatty keshimizge qosh keldińizder.
2 - júrgizýshi:
1. Sizderdi elimizdiń eń úlken merekesi Respýblıka kúnimen quttyqtaımyz. Qazaqtyq ulttyq batyry Baýyrjan Momyshuly kezinde «Otan úshin otqa tús, - kúımeısiń» degen. Óıtkeni Otan - qasıetti uǵym. Otanymyzǵa, týǵan halqymyzǵa adal qyzmet etý – bizdiń azamattyq boryshymyz. Qazaqstan Respýblıkasynyń týǵan kúni qazaq tarıhyna altyn árippen jazylady.

1 - júrgizýshi:
Atyńnan aınalaıyn, egemen el,
Táýelsiz kúniń týdy kenele ber.
Mereıiń qutty bolsyn, Táýelsizdik!
Ǵasyrdyń toıy bolshy kele berer.
Qazaq jeri bir shetinen ekinshi shetine deıin qus qanaty talatyn ulan - ǵaıyr keń ólke. Ol soltústiginde Reseımen, Shyǵysynda Qytaı halyq Respýblıkasymen, al batysynda Ázirbaıjan Respýblıkasymen shektesedi. Qazaq jeri keń baıtaq, tabıǵaty da ár alýan.

2 - júrgizýshi:
Qazaqstan terıtorıasy boıynsha dúnıe júzinde 9 - oryn alady, al TMD elderi boıynsha 2 – oryn alady. Qazaqstannyń jer aýmaǵy 2, 7 mln. sharshy shaqyrym.
Almaty - jeri jaısań oblys,
Aqtóbe - ólke aq tarysy - mol yrys.
Atyraý - mol qazaqtyń munaıy.
Jambyl - jaılaý, qazynaly shuraıly.
Jezqazǵan - ken, buzylmaǵan aımaǵy.

1 - júrgizýshi:
Kókshetaý – kóp - kógildir kól aımaǵy,
Qaraǵandy - qara altynnyń qoımasy,
Qostanaı - qut qyzyl bıdaı qymbat,
Qyzylorda – kúrishti syr salasy,
Oral - kóne Aq Jaıyqtyń jaǵasy.
Astana – Arqada ystyq alqaby,
Shymkent - ystyq ońtústigimniń maqtany.

2 - júrgizýshi
Óskemen - ór shyǵysta Altaı alyp,
Pavlodar - qara Ertistiń saıasy,
Qyzyljar - soltústigim armanym,
Semeı - ańyz, Shyńǵystaýdaı qorǵandy,
Taldyqorǵan - jer jánnat, kóp baǵy.

1 - júrgizýshi:
Otandy biz Atameken
Dep aıalap aıtamyz,
Óıtkeni ony meken etken,
Babamyz ben atamyz.
Otan degen – Atameken.
Otan degen – týǵan jer.
Otan - apa
Otan úlken
Qazaqstan týǵan eli.

2 - júrgizýshi
Qaıran, qazaq eli. Jas urpaqqa aıta almaǵan, jetkize almaǵan jan dúnıeńdi dir etkizgen syrǵa, muńǵa toly tarıhı paraqtary qanshama.

1 - júrgizýshi:
5. Qazaq halqy bul dúnıede ne kórmedi? Sonaý «Aqtaban shubyryndy, Alqakól sulama» zamanynan bastap, qoısha qyrylǵan «repressıa» jyldaryna deıingi aralyqta halqymyzdyń keń jahan dalada ómir súrdi, ne joıylyp ketý qaýipi turǵan edi.

2 - júrgizýshi
Ótken HV ǵasyrda Qýatty Qazaq handyǵyn qurdyq. Alaıda táýelsiz qazaq memleketi beıbit tynysh ómir súre almady. Ulan baıtaq elimizge jan - jaqtan kóz tigip, oıran salýshylar kóbeıdi. Qannan - qapersiz jatqan elimizdiń Jońǵar qalmaqtary tutqıyldan shabýyl jasap, qalyq jurtty qan jalatty.

1 - júrgizýshi:
HV ǵasyr basynda dúrlikken el údere kóship, aqtaban shubyryndyǵa aınaldy. 1723 j. Qazaqtar ash - jalańash jaıaý shubap bir kóldiń basyna kelip, kóldi aınala sulap jatypty, Sonda aqsaqal kisi:
- Balalar, adam bastan keshken jaqsylyqty qalaı umytpasa, jamanshylyq kórgenin de solaı umytpaý kerek. Bizdiń kórgen beınetimizdiń aty «Aqtaban shubyryndy, Alqakól sulama» bolsyn depti.

Slaıd: 1mln adamnan, ıaǵnı sol kezdegi halyqtyń 40 paıyzynan aıyryldy.

2 - júrgizýshi
Qarataýdyń baýraıynda qalyq qazaq bas qosty. Olardy birlikke Tóle bı shaqyrdy:
Ýa, halqym, sóz qadirin bilesiń:
Jańbyr jaýmasa, jer jetim,
Basshy bolmasa, eli jetim
Uqpasa aıtqan sóz jetim
Atyń jaqsy bolsa
Er jigittiń pyraǵy
Balań jaqsy bolsa
Jan men tánniń shyraǵy – dep,
Jaýgershilik zamanda halqymyzdyń aryn oılap, jer daýyn, el daýyn ádil sheship, qara qyldy qaq jarǵan, elge tek birlik, bereke, tynyshtyq tilegen aıbyndy da ardaqty Tóle bı, Qazybek bı, Áıteke bı el taǵdyryna qatysty jaılarǵa belsen qatysyp, bátýaly ister tyndyrǵan.

1 - júrgizýshi:
HVİİİ - HİH ǵasyrlarda halqymyz erkindik pen táýelsizdiginen aıyryldy. Kómek kútken aq orys qazaq halqyn azdyra bastady. Ulan - ǵasyr dalamyz ımperıa menshigine aınaldy. Halqymyzdyń basynan qara tuman serpilmedi. HH ǵasyrdyń 16 jyly maýsym jarlyǵyna jigitterdi bermeımiz dep qarsylyq kórsetkenderi oqqa ushyrady. Azamat soǵysy jyldarynda sharýashylyq kúızeliske ushyraýynan, adamdardyń asharshylyqqa dýshar bolýyna 950 mln qazaq. Iaǵnı halqymyzdyń 19 paıyzy apat bolyp, 400 myń qazaq otbasy elden ketýge májbúr boldy.

2 - júrgizýshi
1923 - 1933 j. Bolǵan adam aıtqysyz asharshylyqta 9 mln - daı halyqtyń 2, 2 mıllıony opat boldy. Taǵy da ashtyq, taǵy da jalańashtyq, taǵy da ólim. Ál joq, dymy quryǵan sorlylar elin tastap ketýge májbúr boldy. Búginde atamekenin tastap ketken halqymyzdyń sany 1 mıllıon 518 myń.

1 - júrgizýshi:
1937 jyly qazaq halqynyń qanshama aıaýly azamattary, betke ustar shamshyraqtary qýǵyn - súrginge ushyrap, elim dep júrip – halyq jaýy atandy. Sol kezde abaqtyǵa jabylǵandardyń sany 105 myńǵa jetti. Olardyń 27 myńnan astamy atyldy.

2 - júrgizýshi
1941 - 1945 j. Aralyǵynda azamat tarıhynda bolmaǵan alapat soǵysta birlik, dostyq jolynda jan qıǵan qazaq batyrlary fashızmmen búkil adamzattyqty qorǵap, erekshe erlik úlgisin kórsetti. Bul qasiretti soǵysta qurban bolǵan 27 mln adamnyń 350 myńnan astamy qazaqtar edi.

1 - júrgizýshi:
Qazaq halqynyń eń sońǵy ólip, tirilýi – bizdiń halqymyzdyń qaıǵy - qasiretine, sonymen birge maqtanyshyna aınalǵan 1986 jylǵy Jeltoqsan oqıǵasy edi. Osy oqıǵaǵa qatysty degen jalǵan jalamen 99 adam sottaldy, 264 adam joǵarǵy oqý oryndarynan, 758 adam komsomoldan, 52 adam komýnıstik partıa qatarynan shyǵaryldy, ártúrli jazalar berildi.

2 - júrgizýshi
Jeltoqsan oqıǵasy HH ǵasyrdyń eń uly oqıǵalarynyń biri. Óıtkeni Jeltoqsan oqıǵasy kóptegen elderge egemendik, táýelsizdik ápergen zor saıası áleýmettik qubylys boldy. 1986 jyldyń jeltoqsanyndaǵy qazaq jastarynyń tógilgen qanymen búgingi táýelsizdigimizdiń tuńǵysh paraǵy jazylǵan edi.

1 - júrgizýshi:
Keń jazıra qutty meken – Gúlistan.
Araı tańym, baqyt bergen shyǵystan.
Qasıetti anam - óziń, týǵan jer.
Babalardan kelgen muram - Nurstan.

2 - júrgizýshi
Búgingi kún – Respýblıkanyń toı kúni,
Jarqyn tilek jan kórkeıtsin bul kúni.
Qazaǵymnyń bar qasıeti kórinip,
Kúı tógilip, bolsyn qyzyq jar kúni.

1 - júrgizýshi:
«Ornynda bar ońalar» demekshi, el ornynda, jer ornynda.

Jerge jeter baılyq joq. Jer bolsa el bolady, el bolsa er bolady. Erlerimizdiń arqasynda «Qazaqstan» egemendi el bolyp, dúnıe júzine tanyldy. Bizdiń otanymyz – egemendi, táýelsiz, qazaq memleketi.
2 - júrgizýshi
Bizdiń qazirgi mektep oqýshylary 1991 - 1992 jyldary dúnıege kelgender. Sondyqtan ótken jyldar jemisin 1991 jyldan bastaımyz.
/Ótken jyldar jemisi slaıdtan kórsetiledi./

1991j. 1 jeltoqsan Qazaqstan Respýblıkasynyń tuńǵysh prezıdenti N. Á. Nazarbaev saılandy.
1991 j. 16 jeltoqsan Qazaqstan Respýblıkasynyń táýelsizdigi jarıalandy.
1992j. Qazan aıynda tuńǵysh qazaq ǵaryshkeri T. Áýbákirov ǵaryshqa samǵady.
1992j. 4 maýsymda Memlekettik Eltańbamyz, Ánuranymyz, baıraǵymyz bekitildi.
1993j. 12 qarashada tól teńgemiz dúnıege keldi
1994j. 30 maýsymda qazaq halqynyń ekinshi qyrany, ǵaryshker Talǵat Musabaev aspan kógine alty aılyq saparǵa attandy.

2 - júrgizýshi:

2000j. Mádenıetti qoldaý jyly.
2001j. Salaýatty ómir salty jyly.
2002 - 2005j. Aýyl jyly bolyp jarıalandy.
2006 j. Elbasynyń «Jańa álemdegi Jańa Qazaqstan» jolaýy. Qazaqstan básekege qabiletti 50 eldiń qataryna eni kerek.
2007j. «Qazaqstan - 2030» baǵdarlamasy 10 jyl.

1 - júrgizýshi
El tarıhy, jer tarıhy ózimiz,
Bolashaqtyń qasıetti kózimiz.
Barlyq ultpen baýyrlasyp jetermiz,
Aq, qarasyn bilip tursa sózimiz.

2 - júrgizýshi:

Qazaqstan HHİ ǵasyrǵa nyq qadam jasap, ıgilikti jańǵyrýlar jalyndy edáýir ilgeri basty. Búgingi tańda búkil halyqtyń, barsha jurtshylyqtyń jáne el basshylyǵynyń órkenıeti turaqtylyqty, azamattyq dinaralyq jáne ultaralyq tatýlyqty saqtaýǵa, memleket aýmaǵynyń tutastyǵy, shekarasynyń myzǵymastyǵyn qamtamasyz etýge, ekonomıkalyq órleýge, kórshilermen jáne álemdik qoǵamdastyqpen jemisti yntymaqtastyqqa baǵyttalyp otyr.

1 - júrgizýshi:
Qazaqstan – tatýlyqtyń, dostyqtyń, birliktiń kıeli besigi. Túri, tili, dini bólek bolǵanymen, júregi «Qazaqstan – týǵan jerim, Otanym, altyn ordam» dep soǵatyn 130 ulttan astam Halyq turyp jatyr. 130 - dan asa ul ókilderi turatyn osynaý qasıetti mekende, asqaqtaǵan ólkede, keńshiligi keremet, darhan dastarhandaı - dalada, egini teńizdeı tolqyǵan, tórt túligi myńǵyrǵan, óndirisi órkendegen mekende ómir súrýshi árbir adam óz Otanyn janydaı súıip, onyń kók baıraǵyn kókke kóterýdi maqtanysh tutady. Qazaqstan alýan túrli ulttardyń mádenıeti men salt - dástúrin toǵystyrǵan keń baıtaq ólke.

Er boldyń erik aldyń astanaly,
Endi kimnen qaraǵym jasqanat?
Táýelsiz memlekettiń shejiresi,
Nursultannyń atymenen bastalady.

Sondyqtan eldiń bolashaǵy da, órleýi de búgingi jas urpaq sizderdiń qoldaryńyzda. «El úmitin er aqtar, er úmitin el saqtar» demekshi el úmitin aqtaý sizdermen ólshenbek.

HHİ ǵasyrda Qazaqstanda beıbitshilik, elimizde tynyshtyq bolyp, egemendi eldigimiz uzaǵynan súıindirsin.