Tengrinews.kz / Alıhan Sarıev
Qazaqstanda 7 jáne 9 mamyr qalaı atalyp ótedi: parad bolmaıdy
Bıyl Qazaqstanda 7 jáne 9 mamyr kúnderi dástúrli áskerı parad ótkizilmeıdi. Bul týraly Qorǵanys mınıstriniń orynbasary Asqar Mustabekov Senatta ótken brıfıńte málimdedi.
Bul týraly Infohub.kz aqparat agenttigi habarlaıdy.
Merekelik is-sharalar
Asqar Mustabekovtiń aıtýynsha, Qorǵanys mınıstrligi merekelik is-sharalarǵa qarjy bólmeıdi. Bul sharalardy jergilikti ákimdikter uıymdastyrady.
«Bıyl parad josparlanbaǵanmen, 7-9 mamyr aralyǵynda elimizdiń ár qalasynda, oblystarynda jáne aýdan ortalyqtarynda birqatar is-sharalar qarastyrylǵan. Olar qatarynda plas-konsertter, qarý-jaraq pen áskerı tehnıkanyń kórsetilimi, sondaı-aq Uly Otan soǵysy ardagerlerin shaqyryp, sarbazdar taǵamynan dám tatqyzý úshin shatyrlar tigý bar», - dedi Mustabekov.
Qorǵanys mınıstrligi 7 jáne 9 mamyrǵa arnalǵan barlyq merekelik sharalardyń tolyq tizimin keıinirek usynatynyn habarlady.
Ótken jylǵy parad
Byltyr Astanada Otan qorǵaýshylar kúni men Uly Otan soǵysyndaǵy Jeńistiń 80 jyldyǵyna oraı aýqymdy áskerı parad ótken bolatyn. Oǵan 4 myńnan astam áskerı qyzmetshi, 200-den astam áskerı tehnıka jáne 66 ushaq pen tikushaq qatysqan edi.
-
Jıtel Zapadno-Kazahstanskoı oblastı dobılsá vozvrata sredstv za godovoı abonement v fıtnes-klýb, kotorym ne vospolzovalsá nı razý.
-
Kazakhstan will commemorate Victory Day and Defender of the Fatherland Day with various events, but a traditional military parade is not planned for 2024.
