InfoHub Logo

Qazaqstanda jol-kólik oqıǵalaryna qatysty zańnamaǵa ózgerister engizilip, keıbir jazalar jeńildetildi. Buryn jol apatyna kináli júrgizýshiler, eger adam ólimi bolmasa da, 6 aıǵa deıin kólik júrgizý quqyǵynan aıyrylatyn. Jańa ózgeristerge sáıkes, mundaı jaǵdaıda júrgizýshi 80 000 teńge aıyppul tólep, júrgizýshi kýáligin saqtap qalady.Bul týraly Arysinfo.kz tilshisi habarlaıdy.

Bul ózgerister júrgizýshilerdiń áleýmettik jáne ekonomıkalyq jaǵdaıyn eskerip, olardy qatań shekteýlerge ushyratpaı, tártip saqtaýǵa yntalandyrýǵa baǵyttalǵan. Burynǵydaı kólik basqarý quqyǵynan aıyrý kóptegen azamattar úshin qıyndyq týdyrǵandyqtan, zańnamaǵa osyndaı ózgerister engizildi.

Aıyppul kólemi ulǵaıtylǵanymen, júrgizýshilerdiń jaýapkershiligi jeńildemeıdi. Eger jol-kólik oqıǵasy aýyr jaraqattar nemese adam ólimimen aıaqtalsa, kináli tulǵa qatań jazaǵa tartylady.

Jańa ózgeristerdiń basty maqsaty – júrgizýshilerge ádiletti jaza júıesin qalyptastyrý jáne jol qaýipsizdigin odan ári nyǵaıtý. Sondyqtan jol erejelerin saqtaý – árbir júrgizýshiniń basty mindeti.