InfoHub Logo

Narıman Qurbanov ekologıalyq jarysqa qoldaý bildirip, qala turǵyndaryn tazalyqqa shaqyrdy Almatyda «Taza Qazaqstan» respýblıkalyq baǵdarlamasy aıasynda ótip jatqan aýqymdy «Almaty – bizdiń ortaq úıimiz» atty qalalyq naýqan jalǵasýda. 1 naýryzda bastalǵan bul bastamaǵa kún saıyn qarapaıym turǵyndardan bastap, Olımpıada qaharmandaryna deıin kóptegen adam qosylyp jatyr, dep habarlaıdy Almaty.tv.

Mysaly, Almatynyń Áýezov aýdanynda erekshe júgirý jarysy ótti. Qatysýshylar ózderiniń fızıkalyq daıyndyǵyn kórsetip qana qoımaı, qorshaǵan ortany qorǵaýǵa da belsendi atsalysyp, qoqys jınaý jyldamdyǵy boıynsha jarysty. Jarysqa 2024 jylǵy Parıj Olımpıadasynyń kúmis júldegeri Narıman Qurbanov ta qosyldy.

«Men sportshy retinde, olımpıada júldegeri retinde barlyq almatylyqty jyl saıynǵy «Almaty – bizdiń ortaq úıimiz» naýqanyna atsalysýǵa shaqyramyn. Almatyda týyp-ósken adam retinde qalamyzdyń tazalyǵy – qolymyzda ekenin jaqsy túsinemin. Árbir azamat tek úıiniń emes, qalanyń da tazalyǵyna úles qosýy kerek dep oılaımyn. Sonda ǵana biz kóshede erkin júrip, qalamyzdyń sulýlyǵyna súısine alamyz», – dedi sportshy.

Aıta keteıik, tyǵyz kestesine qaramastan, tanymal sportshy súıikti qalasynyń ıgiligi úshin ekologıalyq aksıalarǵa únemi ýaqyt tabady.

«Biz árdaıym barynsha shyǵýǵa, úıimizdiń, mektebimizdiń mańyn tazartýǵa tyrysamyz. Búkil komandamyzben osyndaı aksıalarǵa belsendi qatysamyz», – dedi Narıman Qurbanov.