InfoHub Logo

Qazaqstannyń ata-analar qaýymdastyǵy, muǵalimder jáne mektep dırektorlary muǵalimderdiń aptalyq júktemesin azaıtý máselelerin talqylady, dep QR BǴM baspasóz qyzmeti habarlaıdy.

«Bilim salasy máseleleri men onda bolyp jatqan ózgeristerdi mınıstrliktiń júıeli túrde talqylaı bastaǵany bizdi qýantady. Bizdiń usynystarymyz áldeqashan pisip-jetilgen máseleler, - dep málimdedi qaýymdastyq ókili Sofá Evdokımova. - Máselen, búginde oqýshylarǵa túsetin júkteme óte úlken. Osy oraıda, eń aldymen Qazaqstandaǵy 300 myń muǵalimniń júktemesin azaıtý qajet dep esepteımiz. Qazirgi ýaqytta olardyń júktemesi aptasyna 18 saǵatty quraıdy, ony kem degende 2 saǵatqa azaıtý qajet. Synyptarda oqýshylardyń kóp bolýyna baılanysty, pedagogtardyń tárbıelik jumys júrgizýge ýaqyttary jetpeıdi. Mınıstrlikti jurtshylyqpen, muǵalimder kásipodaǵymen jáne depýtattardyń qatysýymen basqa da máselelerdi talqylaýdy jalǵastyrýǵa shaqyramyz».

Astanadaǵy №77 mektep dırektorynyń orynbasary Aıman Súbebaevanyń aıtýynsha, muǵalim júktemesin 2 saǵatqa azaıtýdyń jáne onyń jalaqysyn saqtap qalýdyń birden-bir joly - joǵary synyp oqýshylarynyń aptalyq júktemesin 39 saǵattan 35 saǵatqa deıin, negizgi jáne bastaýysh mektep oqýshylarynyń oqý saǵattaryn da osyǵan proporsıonaldy túrde qysqartý. Olaı bolmaǵan jaǵdaıda oblystar men qala mektepterinde kóptegen jańa oqý oryndary ashylýy tıis, oǵan qarajat ta, múmkindik te ázirge az.

«Bul ıdeıa joǵary synyp baǵdarlamalaryn 5 kúndik oqý aptasyna kúnine 7 sabaqtan asyrmaı syıǵyzýdy talqylaý aıasynda da qarastyryldy. Ony júzege asyrýǵa bolady, tek tıptik oqý josparlaryn ǵana aýystyrý qajet», - dedi QR BǴM mektepke deıingi jáne orta bilim departamenti dırektorynyń orynbasary Aınur Maýsymbaeva.

Ata-analar men pedagogtardyń ózara árekettestigin nyǵaıtý sharalaryn usynǵan Sofá Evdokımova qaýymdastyqtyń bıylǵy kóktemde ár mekteptiń ár synybynda júrgizilip jatqan ata-analar chattary arqyly eń ózekti máseleler týraly aqparat taratý bastamasyn jarıalady.

«Jaz boıy ata-analarǵa bala jadynyń qalaı jumys isteıtindigi, krıterıaldy baǵalaý, shet tilderin oqýdyń paıdasy, synı kózqaras daǵdylaryn damytý jáne ózge de taqyryptar boıynsha onnan astam fılm taratyldy. Sonymen birge, ata-analarǵa 15 túsindirý hattary men suhbat jiberildi. Qazir sabaq kesteleriniń tıimdi úlgileri, qamqorlyq keńesteriniń jumysy, sportshy oqýshylardy dene shynyqtyrý sabaqtarynan bosatý jáne t.b. taqyryptardaǵy 30-dan astam shaǵyn fılm ázirlenip jatyr. Mundaı aqparat toptamasyn tek ata-analarǵa baǵyttap otyrmyz. Olardyń barynsha paıdaly, senimdi ári qyzyqty aqparat alýy biz úshin mańyzdy», - dep óz sózin túıindedi S.Evdokımova.

---