InfoHub Logo

6 - synyp
Taqyryby: Qazaqtyń ulttyq taǵamdary (prezentasıasymen)

Sabaqtyń maqsaty:
Bilimdilik: qazaqtyń ulttyq taǵamdarynyń erekshelikterin, ulttyq taǵamdardyń daıarlaý tehnologıasynyń ádis - tásil joldaryn úıretý;
Damytýshylyq: oqýshylardyń ulttyq taǵamdar týraly bilimderin, qyzyǵýshylyǵyn, erkin sóıleý, oılaý qabiletterin damytý;
Tárbıelik: oqýshylardy ulttyq salt - dástúrdi saqtaýǵa baýlý. Taǵam jasaýdyń tásilderin úıretý kezinde tazalyqqa, uqyptylyqqa, únemdilikke tárbıeleý.

Sabaqtyń túri: aralas sabaq
Sabaqtyń ádisi: túsindirý, suraq - jaýap, áńgimeleý, toppen jumys.
Sabaqtyń kórnekiligi: qazaqy dastarqan, qazaqtyń darqan dastarqany ensıklopedıa, slaıd, býklet
Pánaralyq baılanys: bıologıa, ádebıet, tarıh

Sabaq barysy
İ. Uıymdastyrý kezeńi.
a) sálemdesý ádebi: Sálemdesý, oqýshylardyń kóńil - kúıine, densaýlyǵyna basa nazar aýdarý.
á) sabaqqa qatysýyn baqylaý: joq oqýshylardy belgileý, kezekshilerdi anyqtaý, quraldardy tekserý.

İİ. Úı tapsyrmasyn tekserý.
1. Jarma dándi daqyldaryna ne jatady?
2. Jarmalar qandaı taǵamdyq zattarǵa baı?
3. Jarmalardyń alǵashqy óńdelýi ne úshin qajet?
4. Jarmadan qandaı taǵam túrlerin jasaýǵa bolady.
5. Jarmalardy saqtaý tásilderin ata.
6. Makaron ónimderiniń qandaı túrlerin bilesin?
7. Makaronnyń shyǵý tarıhy qandaı?

İİİ. Jańa sabaq.
«As qadirin bilmegen ashtan óledi, at qadirin bilmegen jaıaý qalady», «As – adamnyń arqaýy». Osy maqaldar qandaı maǵyna beredi. Durys aıtasyńdar olaı bolsa búgingi taqyrybymyz: Qazaqtyń ulttyq taǵamdary. Búgin biz topqa bóline otyryp ulttyq taǵamdar týraly, olardyń daıyndalýy jaıly tolyq tanysatyn bolamyz. Men 3 topqa bóldim. Sol top boıynsha tapsyrmalarmen jumys jasaımyz.
1 top. Et taǵamdary: qazaqsha et, sorpa, qýyrdaq, qazy, qarta, jal - jaıa, shujyq, súr et, quıryq - baýyr.
2 top. Sút taǵamdary: qymyz, shubat, aıran, sary maı, qurt, kilegeı, súzbe, irimshik.
3 top. Un taǵamdary: baýyrsaq, shelpek, quımaq, qattama t. b.

Tapsyrma: Qazir ulttyq taǵamdar, jumbaq, maqal - mátel týraly kim kóp biletinin baıqap kóreıik.
1. Nan bar jerde...... (jan bar)
2. Aırandy uıytý tásilin ata.
3. Shujyq qalaı jasalady?
4. Baýyrsaqtyń qandaı túrlerin bilesiń?
5. As adamnyń.... (arqaýy)
6. Qazaqsha etti qalaı pisiredi?
7. Ettiń sory qýyrdaq, unnyń sory.... (baýyrsaq)
8. Baýyrsaqtyń jasalý jolyn ata.
9. As atasy.... (nan)
10. Qatty, ári tátti dámin kim jep kórgen? (Qurt)
11. Qazy - qarta degenimiz ne?
12. Qýyrdaqtyń jasalý jolyn ata.
13. Ústi tas, asty tas, ortasynda pisken as. (Taba nan)
14. Shubat neden jasalady?
15. Qaımaq degenimiz ne?
16. Syldyr suıyq, sý emes, İshseń sýsyn qanady.
Aq bolsa da qar emes, Sheshýin kim tabady? (Sút)
17. As qadirin bilmegen ashtan óledi, at qadirin bilmegen.... (jaıaý qalady)
18. Tabaq tartý retin ata.
19. Qaımaqtyń túrlerin ata.
20. Jylqynyń etin jeseń tisine kiredi, jemeseń.... (túsine kiredi)
Kelesi tapsyrmada top boıynsha qaǵaz betine qazaqtyń baı dastarqanynyń jobasyn salyp kórsetesińder.

İÚ. Sabaqty pysyqtaý (refleksıa). INSERT kartasy
Sizder búgingi sabaqta belsendi boldyńyzdar. Men sizderge birneshe suraq qoıǵym kelip tur. Sabaq nesimen qyzyqty boldy?
Sabaqtan ne úırendim?
Neni bildim?
Neni bilgim keledi?

Búgingi sabaqta qazaqtyń ulttyq taǵamdaryn meńgergenderińizdi baıqadym. Barlyqtaryńyz sabaqqa belsene qatysyp otyrdyńyzdar. Qoldaryndaǵy jıtondardy sanap jiberińizder.
Úİ. Úıge tapsyrma. Basqa ulttardyń ulttyq taǵamdaryna referat
Úİİ. Oqýshylardyń bilimin baǵalaý. Oqýshylardyń sabaqqa belsene qatysyp, suraqtarǵa jaýap berýine qaraı bilimderin baǵalaý.
Úİİİ. Jumys ornyn retke keltirý