InfoHub Logo

"QazAzot" zaýytyndaǵy apattan keıin tórt jumysshy aýrýhanaǵa tústi: eki adam reanımasıada

18 shilde kúni Aqtaýdaǵy «QazAzot» kásipornynda bolǵan óndiristik apat saldarynan tórt adam zardap shekti. Mańǵystaý oblysy ákimdiginiń habarlaýynsha, eki jumysshy aýyr kúıikpen reanımasıa bólimine, qalǵan ekeýi travmatologıaǵa jatqyzylǵan.

— "Zardap shekkenderge kómektesý úshin elimizdiń bas reanımatology men kúıik medısınasynyń jetekshi mamandaryn jumyldyrdyq. Jumysshylardyń jaǵdaıy turaqty, olarǵa qajetti medısınalyq kómek kórsetilip jatyr," — delingen resmı habarlamada.

Apatqa baılanysty Mańǵystaý oblystyq eńbek ınspeksıasy tekseris júrgizip, otpen jumys júrgizýge ruqsat qujattary bolmaǵanyn anyqtaǵan. Osyǵan baılanysty Qylmystyq kodekstiń "Eńbekti qorǵaý erejesin buzý" baby boıynsha is qozǵaldy.

«QazAzot» kompanıasy bul oqıǵany "erekshe aýyr óndiristik apat" dep baǵalap, zardap shekken qyzmetkerler men olardyń otbasylaryna qajetti kómek kórsetetinin málimdedi.

Kásiporyn 2005 jyly Aqtaýda qurylǵan. Kompanıa amıak selıtrasy, amıak pen azot qyshqylyn óndirýmen aınalysady. «QazAzottyń» negizgi ıesi – kásipker Baharıdın Ablazımov, onyń baılyǵy Forbes Kazakhstan málimeti boıynsha 295 mıllıon dollarǵa baǵalanady.