InfoHub Logo

Qazirgi qoǵamdaǵy adamdardyń kózqarastary bul taqyrypqa baılanysty eki túrge bólinedi. Birinshilerine, kitap oqýdy eskirgen jáne kerekti kez-kelgen aqparatty ınternet jelisi arqyly alýǵa bolady dep sanaıtyndar jatady. Ekinshi túrge jatatyn adamdar múldem qarama-qarsy pikirge ıe. Olardyń pikirinshe, kitap - bul úlken bilimge qol jetkizýge múmkúndik beretin aqparat joly jáne ony eshbir vırtýaldy jeli almastyra almaıdy.

Kitaptardy oqýdyń shynyndada kóptegen sebepteri bar. Negizinen bul alýan túrli aqparattar alý, demalý jáne oı-óristi keńeıtýi úshin. Qazirgi tańda kitap oqýdyń, sonymen qatar bir paıdasy, ol ómirde kóp kezdesetin stresstik jaǵdaılarmen kúresýi. Uly jazýshy Ýılám Staıron aıtqandaı: «Kitap oqyı otyra, sen birneshe ómir súresiń», jáne oqý barysynda bizdi basqa álemderge, dáýirlerge alyp kettip, problemalar men ýaıymdardan alshaqtaımyz. Meniń oıymsha, kitap bul ómir bulaǵy, dep senimdi túrde aıtýǵa bolady. Sebebi, dál kitaptan biz ózimizdiń janymyzdy qyınaıtyn suraqtarymyzǵa jıi jaýap izdeımiz.

Eger sizge «Nege kitap oqýy kerek?», degen qarapaıym suraq qoıylsa, ne dep jaýap berer edińiz? Shyndyǵynda, bul suraqtyń jaýaby óte qarapaıym - aqyldy, bilimdi jáne tabysty bolý úshin. Árıne, muny bári biledi, biraq is júzinde kitapi tek birneshe ǵana adam qolyna alady. Biz bala kezimizden bul belsendiliktiń óte paıdaly ekenin bilemiz, biraq sońǵy ýaqyttarda bul máseleni qaıta-qaıta kóterýge týra keledi. 
Sonymen, kitap oqýǵa kóńil bólý kerek pe? Jaýaby mindetti túrde kerek. Kitaptar bizdiń mıymyzdy álemde bolyp jatqan keleńsiz oqıǵalarmen bitelmeı, «taza» qaldyrýǵa múmkindik beredi. Sondaı-aq olar sizdi oılandyrady, taldaýǵa jáne boljaýǵa ıteredi. Bul qasıetter ómirlik ýaıymdardy jeńý men tipti qıyn máselelerdiń sheshimin tabý úshin mańyzdy bolyp keledi.

Ókinishke oraı, adamdar óte qyzyq jandar, sebebi buǵan deıin kitaphanalardaǵy sóreler bos bolyp, kitaptar tapshy bolǵan kezde olardy izdep, kúni boıy kózderin almaı oqyıtyn. Al, qazirgi tańda siz kez-kelgen kitapty ońaı satyp ala alasyz nemese ınternetten jelisinen eki mınýt ishinde eshbir qyıyndyqsyz júkteı alamyz, biraq endigi buǵan qyzyǵýshylyq tanytatyndar óte az.

Qorytyndylaı kele, kitaptardy oqý ıntellekt, shyǵarmashylyq oılaý jáne sizdiń jeke tulǵańyzdyń rýhanı jaǵyn damytý úshin qajet dep aıta alamyn.

Qýttybek Janel Serikbolqyzy KazHQjÁTÝ ýnıversıtetiniń 2-kýrs stýdenti

---