InfoHub Logo

Ál-Farabı atyndaǵy Qazaq ulttyq ýnıversıteti Quacquarelli Symonds jahandyq reıtıńinde 165-orynǵa kóterilip, úlken serpilis jasady. 2020 jylda keminde eki Qazaqstandyq JOO-nyń álemniń úzdik top-200 ýnıversıtetterine kirgizý týraly Elbasy N.Á.Nazarbaev pen QR Bilim berý men ǵylymdy damytýdyń memlekettik baǵdarlamasyna engizilgen mindetti jetekshi Qazaqstandyq ýnıversıtet sátti oryndady. QazUÝ álemdik ǵylymı-bilim berý keńistigindegi joǵary deńgeıge saı ekendigin rastady. Quacquarelli Symonds eń tanymal jáne bedeldi halyqaralyq reıtıń agenttigi álemniń joǵary oqý oryndary boıynsha zertteýdiń jańa nátıjelerin jarıalady. QS analıtıkalyq esebinde atap ótilgendeı, bıyl QazUÝ 42-shi orynǵa kóterilip, jahandyq reıtıńte 165-shi orynǵa ıe boldy jáne "álemdegi úzdik 200 ýnıversıtettiń qataryna engen alǵashqy Qazaqstandyq joǵary oqý orny boldy". Reıtıńtiń aldyńǵy sapynda Massachýsets tehnologıalyq ýnıversıteti, ekinshi jáne úshinshi orynda – Stenford jáne Garvard ýnıversıtetteri tur. Álemdegi úzdik on joǵary oqý ornyn amerıkandyq jáne brıtandyq joǵary oqý oryndary quraıdy. Postkeńestik kezeńde bul topqa tek eki ýnıversıtet – Lomonosov atyndǵy MGÝjáne QazUÝ kirgen bolatyn. QazUÝ rektory, akademık Ǵalym Mutanov bastaǵan ýnıversıtet ujymynyń QazUÝ jahandyq básekege qabilettiligin arttyrý jónindegi úlken jumysy qazirgi tańda aldyńǵy orynda tur. Klasterlik tásil negizinde keshendi qurylymdyq jańǵyrtý júrgizildi jáne nátıjege baǵdarlanǵan basqarý júıesi engizildi, olar bilim men ǵylymnyń túbegeıli jańa sapaǵa kóshýine yqpal etti. Jetekshi sheteldik ýnıversıtettermen birlese otyryp, qos dıplom baǵdarlamalary men aǵylshyn tilindegi bilim berý baǵdarlamalary júzege asyrylýda, sonyń arqasynda QazUÝ-da Qazaqstandaǵy eń kóp sheteldik stýdentter bilim alýda. Olardyń sany ótken jylǵydan qazir 15 ese ósti. Maıkrosoft kompanıasy QazUÝ-dyń sıfrlyq damý modelin úzdik tájirıbelerdiń biri retinde tanydy. Ýnıversıtette álemge áıgili joǵary tehnologıalyq korporasıalardyń ǵylymı-bilim berý ortalyqtary ashyldy, "ıdeıany generasıalaýdan bastap ony komersıalandyrýǵa deıin" ǵylymı-tehnologıalyq dáliz quryldy. Ony tıimdi paıdalaný QazUÝ-ǵa bes jyl ishinde ǵylymı jobalar kólemin 2,5 ese arttyrýǵa múmkindik beredi. Qazaqstandyq avtorlardyń halyqaralyq reıtıńtik ǵylymı jýrnaldardaǵy árbir besinshi jarıalanymy QazUÝ ǵalymdaryna tıesili. Osy kezeńde ýnıversıtettiń ınfraqurylymy shamamen 50 paıyzǵa ósti. Qazaq ulttyq ýnıversıtetiniń álemdik bilim berý-ǵylymı keńistiktegi kóshbasshylyq pozısıalaryn basqa da halyqaralyq reıtıńtik agenttikter rastaıdy. QazUÝ álemniń eń ekologıalyq top-200 jáne tehnologıalyq damyǵan top-50 joǵary oqý oryndarynyń qataryna kiredi. QazUÝ 12 shet elde ál-Farabı ortalyqtaryn qurdy. Osy jetistikterdiń barlyǵy QazUÝ-dy túrki jáne ıslam áleminiń úzdik ýnıversıteti dep tanýǵa yqpal etedi.

---