InfoHub Logo

Qazaq biliminiń qara shańyraǵy sanalatyn ál-Farabı atyndaǵy Qazaq ulttyq ýnıversıteti kóptegen ıgi bastamalar men jobalardyń uıymdastyrýshysy. Ýnıversıtet bolashaq urpaqqa sapaly bilim berýmen qatar, qazirgi stýdenttiń bolashaq básekege qabiletti maman, dúnıetanymy keń, jan-jaqty damyǵan, ultjandy, sanaly azamat  retinde qalyptasýy úshin túrli jobalardy iske qosýda. Oǵan ózimiz bilim alyp, qyzmet etetin «Pedagogıka jáne bilim berý menejmenti» kafedrasynyń qabyrǵasynda júzege asyrylyp jatqan jobalar dálel bola alady.

«QazUÝ stýdentteri oqýǵa tıis 100 kitap», «Aınalańdy nurlandyr!», «Salaýatty ómir salty», «Jasyl qalashyq» sıaqty  jobalar jastardy adamgershilik pen estetıkalyq mádenıetke tárbıelep, tulǵalyq damýy úshin jaǵdaı jasasa, ǵylymı jáne ınovasıalyq jobalar stýdent-jastardyń  dástúrli tanym ereksheligine uqsamaıtyn jańa júıeni oılap tabý, bilim men materıaldyq múmkindikterdi paıdalana otyryp kóneni óńdeý, bar nárseni jaqsartyp, kem nárseni tolyqtyrý, jańa zat, jańa ádis, jańa jol, jańa orta jańalyǵymen ómirdi jańartý qabiletterin damytýda zor úlesin tıgizýde.

Sonymen qatar, qazirgi tańda bilim ordasy «Jemqorlyqsyz ýnıversıtet» jobasyn belsendi túrde qolǵa alýda. Jobanyń maqsaty: ál-Farabı atyndaǵy QazUÝ-de jemqorlyqqa qarsy áleýmettik orta qalyptastyrý arqyly kez kelgen jemqorlyq qubylystarynyń aldyn alý bolyp tabylady. Osy maqsatty júzege asyrýda tıimdi sheshimderdi qabyldaý úshin áleýmettik zertteýler jáne áleýmettik ınjınırıń qyzmetterin oryndaý ortalyǵy rektordyń turaqty saýalnama blogy arqyly stýdentter, oqytýshylar jáne jalpy áriptester arasynda ózara keri baılanys ornatady. Keri baılanys:

·  Oqytýshy stýdent kózimen

·  Oqytýshy áriptester kózimen

·  Taza sesıa

·  Stýdentterdiń ál –aýqaty

·  Bilim berý júıesiniń sapasy syndy taqyryptardaǵy saýalnamalar arqyly júrgiziledi.

Atalǵan joba negizinde ýnıversıtette nátıjege baǵyttalǵan basqarý júıesi jolǵa qoıylǵan. Nátıjege baǵyttalǵan basqarý degenimiz - álemdik básekege qabilettilik kórsetkishin arttyrýdy kózdeıtin naqty ındıkatıvtik josparlaý jáne jetistikterdi qadaǵalaý úderisi. Osy júıe negizinde bilim ordasy oqytýshylar men qyzmetkerler jumysyn reıtıńtik baǵalaýǵa kóshti. 

Osylaısha, óz kezeginde QazUÝ-nen bastaý alǵan bul baǵyttardyń irgetasy elimizdegi ózge de ýnıversıtetter arasynda tabysty tájirıbesige aınalyp, ýnıversıtetimiz ustanatyn turaqty salaýatty jáne shyǵarmashylyq áleýmettik ortany qalyptastyrýǵa baǵyttalǵan júıe álemdik deńgeıdegi suranysqa ıe biregeı bet beıne qalyptastyrýdyń bastaýy bolady degen senimdemiz.

---