InfoHub Logo

Qazaqstanda mektepterdegi qaǵaz eseptilik joıylady. Búgin Májilistegi Úkimet saǵatynda QR Bilim jáne ǵylym mınıstri Erlan Saǵadıev osylaı málim etti.

«Búginde biz UBDB, Kúndelik arasyndaǵy qaǵaz eseptilikti alyp tastaı alamyz. Bul turǵyda aıta keterlik birqatar mańyzdy máseleler bar. Birinshi - ol muǵalimderdiń barlyq deńgeıdegi tekserýshilerdiń aldyndaǵy qorqynyshy. Osynyń saldarynan olar elektrondy da, qaǵaz jýrnaldaryn da qatar júrgizýge májbúr. Búginde birinshi mindet- Qarjy, Bilim mınıstrlikteri men prokýratýranyń birlesken nusqaýlyǵyn shyǵarý. Tekserýshiler úshin jýrnaldyń qaǵaz jáne elektrondy nusqalaryn birdeı etý. Osyny barlyq tekserýshilerge jetkizý kózdelip otyr jáne mekteptegi úreıdi joıý maqsatynda tıisti sharalar atqarylýda. Búgingi tańda qujat Qarjy mınıstrliginde», - dedi Saǵadıev.

Budan bólek, ol mektepterdi ınternetpen tolyqtaı qamtamasyz etý máselesine toqtaldy. «Máseleni tez arada sheshý kerek. Sondyqtan «Sandyq Qazaqstan» baǵdarlamasy boıynsha birinshi kezekte tur. Biz bıyl árbir synypqa wi-fi-dy tartýǵa tyrysamyz», - mınıstr.

---