InfoHub Logo

Elbasymyz N.Á.Nazarbaev Ál-Farabı atyndaǵy Qazaq Ulttyq Ýnıversıtetiniń ustazdary jáne stýdentterimen kezdesýde sóılegen sózinde: «HHİ ǵasyrdyń tabaldyryǵy aldynda bilim berý kapıtalǵa aınalýda. Onyń ózi mańyzdylyǵy jaǵynan strategıalyq resýrstarmen básekelese alady, jáne solaı bolýy tıis. Bilim berý isi eldiń damý deńgeıi arqyly baǵalanatyn bolady»-dep, oqý-aǵartý, bilim men ǵylymnan jas qazaq eliniń Ortalyq Azıa "barysyna" aınalýy  mańyzynyń erekshe zor ekenin aıtyp, jastardyń jan-jaqty bilim alýynyń qajettiligine keńinen toqtaldy.

Elbasynyń sóılegen sózinen bilim berýdiń memleket damýynyń asa mańyzdy faktory ekendigine kóz jetkizý qıyn emes. Osylaısha ár ýaqyttyń, ár zamannyń urpaqtary aldynda belgili bir josparlar, mindetter turatynyn aıtpasa da belgili.

Qazirgi tańda elimizdegi joǵary oqý oryndarynyń basty erekshelikteriniń biri – bilim berý keńistiginde básekege qabiletti mamannyń ıntellektýaldyq áleýetin damytý bolyp otyr. Osyǵan baılanysty bolashaq mamandardy kásibı jáne tulǵalyq damytý úrdisi aqparatty joǵarǵy deńgeıde ıgeretin jáne praktıkada bekite alatyn ádisterdi qoldanýdy talap etedi. Bul talap – bilim berý salasynda ınovasıalyq ózgeristerdiń týyndaýyna yqpal ete otyryp, oqytýdyń negizi retinde tulǵalyq damýdy qarastyrady. Óıtkeni, aqparattyq dáýir ekonomıkasy bolashaq mamannyń bilimdi, ári bilikti tulǵasyna táýeldi bolyp otyr.

1934 jyly negizi qalanǵan QazUÝ-de qazirgi tańda 7 ǵylymı-zertteý ınstıtýty, 1 ǵylymı-tehnologıalyq park, 5 ınstıtýt, 30 áleýmettik-gýmanıtarlyq baǵyttaǵy ǵylymı ortalyq, 14 fakúltet, 62 kafedra jáne 7 departament jumysyn atqaryp, atalmysh talaptardy oryndaýǵa barlyq jaǵdaı jasaýda.

QazUÝ, Tarıh, arheologıa jáne etnologıa fakúlteti, tarıh jáne geografıa mamandyǵynyń 1 kýrs magıstranty Janǵalı Shyńǵys. Ǵylymı jetekshi: Kartabaeva E.T.

---