Qyrqa bar Almatynyń shyǵysynda,
Jatyr sonda jaqynyń, týysyń da.
Bul ǵalamdy mise etpes qaıran júrek,
Qaıtip jatyr aıadaı qýysynda?!
Ómirdi keremetteı jyr qylsaq ta,
Keıimesek daýań joq bul bir shaqta.
Biraz kún aldandyryp, aýystyrar
Adamdy bir qursaqtan bir qursaqqa.
Qyrqa bar Alataýdyń baýyrynda,
Sonda jatyr joldasyń, baýyryń da.
Apyr-aı, kelem be dep taǵy munda,
Jóneler qanyń tasyp tamyryńda.
Eriksiz Almatynyń qyryna bul,
Kelmesińe bolmaıdy jylyna bir.
Kelmesińe qoımaıdy.
Ketkenderdiń biri - ákeń, biri - shesheń, biri - baýyr.
Bári jatyr - syrlasyń, qurdasyń da,
Qudaı-aý, qurtý ýshin týǵasyń da,
Qýanar em, osy bir qý qyrqaǵa
Bir-aq ret oralsam bir ǵasyrda.

---