«Kebin kıgen óledi,
Kebenek kıgen keledi»,
Maıdanǵa kókeń ketkende,
Osylaı bári dep edi.
Bópem, bópem, bópem-aý,
Qaı jerde qaldy kókeń-aý?!
Keı-keıde bizdiń halyq ta,
Ótirik aıtady eken-aý!
«Oralar týǵan jerine,
Topyraq cap ber»,- dedi de,
Duǵasyn oqyp, kúbirlep,
Ájeń de qalǵan jónine.
«Oralsyn aman jerine,
Kórissin týǵan elimen»,-
Dedim de, kózdeı qaltaǵa
Topyraq túıip berip em.
Bópem, bópem, bópem-aý,
Qaı jerde jatyr kókeń-aý?!
Kóbisi bizdiń yrymnyń
Túkke alǵysyz eken-aý!
«Úlken úıden dám tatsa,
Keshikpeı qaıta oralar.
El-jurty qarǵap, ant atsa,
Kstkennen kelmes, joǵalar
Degesin, úlken shańyraq,
Dám berip edi jamyrap.
Alaqan jaıyp artynan,
Aq tileý aıtqan ańyrap.
Aýjalyn túıip zamannyń,
Ortaǵa salyp bar malyn,
Ala jibin adamnyń
Attamap edi ardaǵym.
Nelikten táńirim ony aldy,
Oranýshy edi alǵysqa.
Dáýqara aman oraldy,
Orandy qaıta qarǵysqa.
Bópem de bópem, bópem-aý,
He jazdy seniń kókeń-aý?!
Halyqtyń keıde alǵysy,
Qarǵystan beter eken-aý!
Áldı, áldı, bópem-aý,
Bári de beker eken-aý!
«Sabyr da túbi - sary altyn»
Sarǵaıyp qashan jetem-aý?!

---