Ras, qaıǵy-qasireti bar qaptaǵan,
Ǵumyrlar bar batqan jáne batpaǵan.
Ákelgenmen ár adamǵa bir qaıǵy,
Sol jyldarǵa qarǵys aıtý jat maǵan.
Jandy-jansyz bar tabıǵat túnergen,
Ár keýdede bir sher baryn bilsem men.
Qan maıdanda erlik etse bireýler,
Qarsy jaýǵa biz de shyqtyq túrenmen.
Ańyzdardan tere júrip masaqty,
Ras, ras, kózimizden jas aqty.
Biraq so bir daýyl jyldar, ot jyldar,
Bárimizden bir-bir batyr jasapty.
Batyr jurtym, sol jyldardy ótkerdiń,
Sonda da sen jaqsy kórdiń, jek kórdiń.
Qara emendeı qatyp qalǵan ájeńdi,
Keıingi urpaq, batyr emes dep kórgin!
Keıingi urpaq, saǵan salǵan ótkeldiń,
Saǵasynda ótken jastyq, ótken kún.
Qarshadaıdan qara sharýa atanǵan,
Sen ákeńdi batyr emes dep kórgin!
Sol jyldarǵa qarǵys aıtý jat maǵan,
Sondaǵy men erligime maqtanam.
Balǵyn urpaq, seniń bolashaǵyndy
Bile bilseń, myna bizder saqtaǵan!

---