InfoHub Logo

Taqyryby: Qysta qyzyq jumys.
Maqsaty: Balalardy eńbekke baýlý, qyzyǵýshylyqtaryn arttyrý. Jyl mezgilderi týraly túsinik berý, ár jyl mezgiliniń erekshelikterin túsindirý.
Kórnekilikter: sýretter, qys mezgili.
Ádis - tásilderi: suraq - jaýap, túsindirý, kórsetý.
I. Tárbıe jumysynyń barysy.

Uıymdastyrý kezeńi.
- Sálemetsińder me balalar?
- (Balalar jaýaby) Sálemetpiz.
- Qazir bizde kórkem ádebıet sabaǵy. Sabaqqa qajetti qural – jabdyqtardy alyp oqýshy erejege saı otyramyz.
Psıhologıalyq sát.
Bir top bala syrǵanap,
Barady áne, jarysyp.
Qaldy artynda qyr alap,
İzderinen qar ushyp.
Jumbaq.
Shanamen zyrlap jeletin,
Shańǵy, kónkı tebetin,
Aqqala jasap oınaıtyn,
Qaı mezgil dep oılaısyń?
(Qys)
Qys
Qys keldi. Dalada qar jaýyp tur. Kún sýyq, aıaz. Aǵashtardyń butalaryn qyraý basqan. Bireýi kónkı teýip, al, keıbireýleri jotadan tómen qaraı shanamen syrǵanap keledi. Balalardyń bári kóńildi, júzderinen shattyq nury oınaıdy. Asqar men Eldos jalǵyz aıaq jolǵa túsip shańǵylarymen mektepke kele jatty. Kenet doly boran bastaldy.. Ekeýi mektepke qaraı júgire jóneldi. Sol kezde jańǵyrǵan daýys estiledi. Balalar daýys shyqqan jaqqa qaraı júgirdi. Bular jaýrap jylap otyrǵan Murat eken. Ol kónkı teýip júrgen balardan qalyp qoıypty. Asqar men Eldos Muratty úıine ákelip tastady.
Aldymda muz aıdyn
Kóriner alystan.
Asyqqan balalar
Jelmenen jarysqan.
Appaq qar aınala
Kóńildi balalar.
Syrǵanaq oınaımyz
Zýlaıdy shanalar.
- Sýret boıynsha áńgime qurastyrý.
Suraq - jaýap.
- Qazir jyldyń qaı mezgili?
- Balalar, alǵash sabaqqa kelgen kúnderińdi esterińe túsirińder. Sonda sender qalaı kıinip keldińder?
- Al qazir qalaı kıinip júrsińder?
- Qys nesimen qyzyq?
- Qysta biz ne jasaımyz?
Dıdaktıkalyq oıyn.
"Qar jınaý"
- Sabaqtyń sońynda balalarǵa qys týraly óleń oqyp berý.
"Syrǵanaq" B. Jaqyp.
Qys.
Shyńnan syrǵyp tústi de,
Keldi etekke qys, mine.
Aq qarlar aq kóbelek,
Qondy úılerdiń ústine.
Boran soǵyp birde ókpek,
Úıge aıdady kir dep tek.
Muz kórpege orandy,
Sýlar tońyp dirdektep.
Aýlaǵa qar úıgizdi
Betti aıazǵa súıgizdi.
Tońbasyn dep terekter,
Qyraý ishik kıgizdi.
R. Tyshqanbaev
Qys.
Basypty endi arynyn,
Boran túnde burqaǵan
Túsi de qys qarynyń
Aýmaıdy eken ulpadan.
Qar jamyldy baqtarym,
Qyratym da, saıym da.
Taǵypty qys aq qaryn,
Úki etip qaıyńǵa.
Búrkenip aq jelikti,
Jarqyraıdy mańaıym.
Oıǵa shomǵan terektiń,
Aq shalypty samaıyn. R. Sábıtúl