InfoHub Logo

Baıqaýdyń maqsaty: Jastarǵa sapaly bilim berip qana qoımaı, sonymen qatar tárbıe de berý. Adamǵa eń birinshi bilim emes tárbıe kerek. Tárbıesiz berilgen bilim adamzattyń qas jaýy. Ol keleshekte onyń ómirine apat ákeledi dep beker aıtylmasa kerek. Bilimdi, mádenıetti, ana tilin qasterleıtin, ulttyq salt - dástúrlerdi, ádet - ǵurypty boıyna sińirgen bolashaq pedagog daıyndaý. Stýdentterdiń bilim kókjıegin keńeıtip, jeke tulǵa retinde jan - jaqty damytý. Uqyptylyqqa, ádeptilikke, ujymdylyqqa, adamgershilikke tárbıeleý. Zaman talabyna saı básekge qabiletti bolashaq maman daıarlaý.

Baıqaýdyń barysy:
Alǵy sóz
Bilim joly qıynda qasterli jol.
Jas urpaqqa sapaly bilim berý, ǵylymǵa baýlý, sanaly tárbıe berý, qazirgi ómir aǵymyna beıimdeý, jańa ustazdyń basty mindeti dep esepteımiz.
Biz Qazaqstannyń bolashaǵyn daıyndap jatyrmyz. Bizdiń túlekterimiz qazaq qoǵamynyń elıtasyn quraıdy. Sondyqtan búgingi ashyq tárbıe saǵatynyń maqsaty qyzdarymyzdy bilim nárimen sýsyndatyp qana qoımaı, qazaq salt - dástúrin, ádet - ǵurpyn darytatyn, bilimin shyńdaıtyn “Qyz erkem - qylyǵymen kórkem”atty qyz syny baıqaýyn ótkizip otyrmyz, bastaýǵa ruqsat etińizder.

1 - Júrgizýshi:
Salamatsyzdar ma, qurmetti ulaǵatty ustazdar men stýdentter.
2 - Júrgizýshi:
Qaıyrly kún qadirli qonaqtar, ustazdar jáne stýdentter.
1 - júrgizýshi: Jany syrly janary tań qyzdar - aı,
Sáýle shashqan ómirge nur qyzdar - aı.
Kórik bolǵan kógimde juldyzdar - aı,
Qudiretpen jaralǵan jan qyzdar - aı, degendeı.
«qyz erkem – qylyǵymen kórkem» atty qyz syny baıqaýyna qosh kelipsizder!
2 - júrgizýshi: Qos janarlar gaýhardaı móldiregen,
Min tappaısyń júzderinen kúlimdegen.
Kerbez basyp myń buralǵan arýlarym,
Qutty bolsyn sátti bolsyn qadamdaryń,- deı kelip, búgingi baıqaýymyzǵa qatysýshy stýdentterimizdi sahna tórine shaqyramyz.

Saıysqa bes stýdentimiz túsetin boldy, qoldap qol shapalaqtap otyraıyq.
Dý qol shapalaq!
1 - júrgizýshi:
Qurmetti kórermender jáne jankúıerler!
Búgingi baıqaýymyzdyń ádil qazylar alqasymen tanys bolyńyzdar.

2 - júrgizýshi:
Stýdentterimiz synalatyn baıqaýymyzdyń sharttarymen tanysaıyq:
1 kezeń - ózin tanystyrý;
2 kezeń - óz ónerin kórsetý;
3 kezeń - aspazdyq sheberligin kórsetý;
4 kezeń - sándik óner;
5 kezeń - maqal - mátelge, hımıalyq jáne salt - dástúrimizge baılanysty suraq - jaýap.
6 kezeń - úı tapsyrmasy (qol óneri boıynsha úı tapsyrmasy, 1apta buryn berilgen).
1 - júrgizýshi: /1 kezeń – ózin tanystyrý/
Arýlar kelip otyr tanysýǵa,
Sypyrdy tomaǵasyn osy dýǵa.
Ushyp kelgen qyrandaı keriltedi,
Ádeppen izetpen tanysýǵa.

1 nómirli stýdentimiz ózin tanystyrýy
Sóz anasy sálem dep,
Amandasyp alaıyn.
Kópke jalǵas sálem der,
Armysyzdar aǵaıyn,
Synǵa alyp qyzdardy.
Demeýshilik jasaǵan,
Merekege aldymen.
Qutty bolsyn aıtaıyn,
Sátti ómir syılaǵan.
Ana baqyt syılaıyn,
Ómir gúli arýlar.
Sulýlyqty jyrlaıyn,
Qazaq qyzy qaısar da,
Inabatty bolatyn.
Qazaq elim tý tikken,
Qazaqstan jasasyn.
Tanystyrsam ózimdi,
Men de qazaq qyzymyn.
Qazaq qyzy máńgilik,
Qazaq qyzy jasasyn.
Zúlpybektiń ekinshi,
Qarlyǵash atty qyzymyn.
Ońtústiktiń óńiri,
Týǵan jerim tuǵyrym,
Shaǵalaly Shardara,
Shalqar teńiz sýynyń,
Uzyn - Ata kıeli,
Qut mekenim aýylym.
Oqý ordam - bilim nárin toqıtyn,
Jaratylystaný fakúltetinde oqımyn.
Hımıa kafedrasy - naǵyz bilim ordasy,
Oqý toby bilimdiler arnasy.
Tálimgerim apaıym,
Stýdentteri bir týǵan balalardaı.
Dańqy bıik oqý ordam maqtanatyn.
Stýdentteri abyroıyn asqaqtatqaı.
Aıaýly asyl Meıramkúl,
Zeınette anam,
Alty perzent ósirgen,
Dara danam.
Óteý múmkin qaryzdy emestigin,
Bilem ana, jar bolsyn haq taǵalam.
Boıjettim búginde armandarǵa,
Qazaq qyzy atyna daq salmaýǵa,
Armanyma jetsem dep umtylamyn,
Ómir syny aldymda, Allam qolda.

2 nómirli stýdentimiz ózin tanystyrýy
Armysyz ustazdarym, qurdastarym.
Óner súıer úlken kishi qaýymdarym.
Kóktemde qyrda ósken qyzyl gúlmin,
Qol soǵyp, qushaq jaıyp, qabyldaǵyn.
Aıdynda erkin júzgen aqqý edim,
Sózimdi men túıindep júıeleımin.
Halqymnyń ónerde eren qyzdary kóp,
Mendaǵy ónerimmen bóliseıin.
Eligi em erkin júrgen keń dalamnyń,
Ónerge qanatymdy keń qaǵamyn.
Namysyn arýlardyń qorǵaı biler,
Sabyr qyzy GaýHar men bolamyn.
Ustazdardyń kósh basshysy apaıym,
Aıamaǵan jan shýaǵyn bizge talaı.
Sanama siz jaqtyńyz bilim otyn,
«Kemeńger bol»- dep mamandyqtyń hımıadaı.

3 nómirli stýdentimiz ózin tanystyrýy
Amanbysyń, osy otyrǵan halaıyq,
Áýel sizben sálemdesip alaıyq.
Qazylardyń bizge bergen balymen,
Ózimizge saı baǵany alaıyq.
Qozybaeva Bızaqqyzy Gulnuryń!
Men bolamyn, fakúltetim bir gúliń;
Hımıanyń muǵalimi bolýǵa,
Ońtústik Qazaqstan Memlekettik pedagogıkalyq ınstıtýtynda;
Bilim alyp júr búgin.
2 - kýrs hımıa mamandyǵym,
Úmit artyp otyrǵan maǵan búgin.
Aqtaımyn kafedram úmitińdi,
Bolsa eger óner myqty til utymdy.
Merekemen quttyqtap bildireıin,
Áıelder qaýymyna úmitimdi.
Shattyqqa bir kenelsinshi júregim,
Qabyl bolyp shyn tilegen tilegim.
Men ózime qalaǵan sáttilikti,
Qarsylasqan dostaryma tiledim.
“Qyz erkem - qylyǵymen kórkem”- dep jarysty.
Atapsyzdar kórý úshin bar isti.
Osymenen bitti aıtar sózim dep,
Oıymsha otyrǵan kórermen, túgel tanysty menimen.

4 - nómirli stýdent ózin tanystyrýy
Armysyń asyl elim, halqym meniń.
Halqymnyń salt - dástúrin boıyna sińirgen qyzy edim,
Arý tolǵan jolymen aldyńyzda,
Barshańyzǵa sálem berem, basymdy ıem.
Elimizde Táýelsizdiktiń – aq tańyn syılaǵan 1992 jyly, ıaǵnı meshin jyly, qystyń sońǵy aıy, aqpannyń jetinshi juldyzynda, Ońtústik jer uıyǵy sanalǵan, Maqtaral aýdany, Asyq ata kentinde dúnıege kelippin.
Ákem Sabyr men Anam Uljamaldyń qýanyshynda shek bolmaı, dúıim jurtty jıyp toı beripti. Sol shildehana toıda, aýyldaǵy syıly, kóne kóz qarıa Máýlen ata qulaǵyma azan shaqyryp Laýra dep at qoıypty. Maǵan deıin Temirlan, Talǵat atty uldary bolypty. Baqytty bosaǵanyń shańyraǵyn, taǵy bir sábıdiń shattyq úni bólepti. Kóne kóz qarıalardyń batasy men ata - anasynyń tileýiniń arqasynda Ońtústik Qazaqstan Memlekettik pedagogıkalyq ınstıtýtynyń tabaldyryǵyn attadym. Bilim men tárbıeniń sýsyn nárin, osy ystyq uıada boıyma jıyp jatqan jaıym bar. Bilimniń nárimen, aq sút berip baýlyp jatqan ustazymyz ortańyzda. Jerde qyzarǵan qyzǵaldaqtaı qulpyryp 20 jasqa toldym, ıaǵnı ómirimniń 20 kóktemi. Meniń osyndaı dárejege jetkenime kóp adamnyń septigi tıdi:
Birinshi ata - anam,
Birinshi tárbıeshim,
Birinshi ustazym.
Árıne bularǵa degen meniń ómirimdegi eń bıik orynda turar, taǵy da asyl jandar bar, ol árıne ustazdar!