InfoHub Logo

Qyz ósse - eldiń kórki.
Maqsaty: 1 Balalardy óziniń ata - tegin uǵynyp bilýge, boıyna ulttyq sanany sińirýge tárbıeleý. 2. halyqtyń salt - dástúrin, ádet - ǵurpyn, aýyz ádebıeti shyǵarmalaryn oqý arqyly rýhanı jan dúnıesin baıytý.
3. ulttyq salt – dástúrdi qasterleı bilýge úıretý.
Kórnekiligi: kompúter, ınteraktıvti taqta.

İ júrgizýshi: Qaıyrly kún, qurmetti kórermen qaýym, ustazdar, qadirmendi ata - analar!
«Búldirshin arý - 2013» baıqaýyna hosh keldińizder!

Sahna sazdy áýenge bólengende,
Óteýi qoshemetsiz tólengen be
Jıylǵan «Qyz synyna» jaqsy úmitpen,
Bas ıip sálem berdik kórermenge.

İİ júrgizýshi: Qurmetti kórermen qaýym, búgingi saıysqa óz ónerlerin synaýǵa, baqtaryn synap birneshe kórikti de, symbatty, bilimdi qyzdarymyz qatysqaly otyr. Endi sol qyzdardy qoshemetpen ortaǵa shaqyraıyq.

İ júrgizýshi: Saıyssaq san qıynǵa qaramaı shyn,,
Kórinip naǵyz óner qalar aıqyn.
Bolsyn jurt ádilqazy alqasymen
Ónerin talapkerdiń saralaıtyn.
Sonymen, ádilqazy alqasymen tanys bolyńyzdar.

İİ júrgizýshi: Kishkentaı arýlar, saıysymyzdyń sharttarymen tanys bolyńyzdar:
- Men qazaqtyń qyzymyn ( tanystyrý)
- Ónerliniń órisi uzaq. ( óz ónerlerin kórsetedi)
- Bilim saıysy( suraqtarǵa jaýap berý)
- Qol óner saıysy
- Sulýlyq álemi ( jazǵy sán úlgisin kórsetý)

İ júrgizýshi: Jatsa da san mátelder jańa túlep,
Turǵan joq estip jurtym alǵashqy ret.
Halyqtyń danalyǵy qatesiz ǵoı,
Aıtylǵan « sálem sózdiń anasy» dep halqymyz sálemdesýge úlken mán bergen. Sondyqtan arýlarymyzdyń sálem berýi jáne ózderin tanystyrý.
Ortaǵa 1 - nomerli arýdy shaqyramyz.

İİ júrgizýshi: Serpiltip qoıǵan jıi jón eldi de
Kez keldi bar ónerdi tóger mine.
Boıynda bolsa eger shyn daryny,
Órisi keń árqashan ónerlige.
Qurmetti jankúıerler kelesi shartymyz boıynsha arýlarymyz óner saıysyna túsedi. Ortaǵa 1 - shi arýdy shaqyramyz.

İ júrgizýshi: Júkteler ala bóten oǵan mindet,
Úndegen óz tilińdi jetik bil dep
Bekerge sóz qadirin biletinder
Aıtpaǵan « óner aldy qyzyl til» dep degendeı halqymyzda sheshendigimen attary ańyzǵa aınalǵan qyzdarymyz qanshama! Endeshe sondaı asyl qasıetter kishkentaı arýlarymyzdyń boıynda tabyla ma dep suraqtarǵa jaýap berýge shaqyramyz.
1) El rámizderin ata, qaı jyly qabyldandy?

2) Ulttyq teńgemiz qaı jyly qabyldandy?

3) Ata zańymyz qaı jyly qabyldandy?
4) Ánuranymyzdyń avtorlaryn ata
5) Aqmola qala qaı jyly Astana aty berildi?

6) Qyz balanyń áshekeı buıymdaryn ata.
( bilezik, shashbaý, saqına, syrǵa)
7) Qazaqtyń ulttyq oıyndaryn ata.
( Qyz qýý, asyq atý, aqsúıek)
8) Qyz balaǵa baılanysty maqaldar aıt.
9) Qazaqtyń qandaı salt - dástúrlerin bilesiń?
(« Tusaý keser», « Súndet toı», « Tilashar», « Shildehana»)
10) Erýlik degen ne?

İİ júrgizýshi: Óneri órge júzer talaptynyń
Talaby talmaı ushar qanattynyń.
Áldı álem áýeni óner aty,
Sharpyp ótsin lebimen qanattynyń.
Kelesi shartymyz qolóner saıysy. Qyzdar túrli tústi qaǵazdan quraq túrlerin qurastyrady.

İ júrgizýshi: Symbatyna sán kıim jarasatyn
Aspandaǵy aımen talasatyn.
Ónerine ózi saı kelip turǵan
Arýlarǵa qyzyǵyp qarasa tym.

Mýzyka áýenimen, sán úlgisimen barlyq top qyzdarymyzdy ortaǵa shaqyramyz.

İİ júrgizýshi: Kýá boldyq búgingi saıysqa,
Barlyq topty baǵaladyq saıysta.
Jeńimpazdy anyqtaıtyn kez týdy
Sóz kezegin beremiz ádil qazyǵa.
Barlyq synnyń qorytyndysy boıynsha sóz ádil qazylar alqasyna beriledi.