InfoHub Logo

- Siz suramadyńyz ǵoı.

- Neni suramadyńyz deısiz?

- Men sizden "qaı jerde qyzmet isteısiz?" dep suradym ǵoı.

- Iá, suradyńyz. Men biraq aıttym ǵoı qaı jerde qyzmet isteıtinimdi.

- Maǵan sizdiń qyzmetińizdiń túkke de qajeti joq.

- Olaı bolsa nesine suradyńyz?

- Siz sodan keıin ózińiz qaı jerde qyzmet isteısiz dep suraýyńyz kerek edi. Biraq siz suraǵan joqsyz.

- Endi soǵan renjip otyrsyz ba?

- Renjimeı qaıtedi?! Suraıdy ǵoı deımin. Joq, suraýdyń ornyna... Qaıdaǵy bir aýa-raıy týraly áńgime qozǵap kettińiz. Osynyń bárin ádeıi isteısizder-aý deımin?!

- Siz kádimgideı renjip otyrsyz ǵoı. Al aıtyńyzshy, ne qyzmet edi ol sonshalyqty?

- Sonshalyqty dep keketpeı-aq qoıyńyz, bildińiz be?! Ol siz keketetindeı qyzmet emes.

- Aıtpaısyz ba endi?

- Nesine aıtady?! Suraıtyn shyǵar deımin. Suraýdyń ornyna... Qaıdaǵy bir aýa-raıy týraly...

Teris burylyp, tomsyraıyp otyrdy.

---