InfoHub Logo

Iork pen Sent-Endrúss ýnıversıtetteriniń psıhologtary iri totyqus-vazalar (Coracopsis vasa) qural-jabdyqtardy paıdalanatyndyǵy jaıly kýálikterdi tapqan. Erkindikte ómir súretin on totyqusty baqylaý sátinde olardyń qural-jabdyqtar arqyly teńiz qabyrshaqtarynan kálsı alyp jatqanyn, jáne de bir-birine quraldardy berip jatqanyn baıqaǵan. Ǵalymdardyń maqalasy Biology Letters jýrnalynda jarıalandy.

Ǵalymdar totyqustardy naýryzdan qazan aıyna deıin, segiz aı boıy baqylap, beınetaspaǵa túsirgen. Baqylanyp otyrǵan on qustyń beseýi qural-saımandardy kálsı untaǵyn nemese jutýǵa yńǵaıly úzindilerdi alý úshin paıdalanǵan. Qustar usaq tastardyń nemese qurma dáneginiń kómegimen qabyrshaqtardy syna tárizdes ýatady, nemese untaq alý úshin qyrnaıdy.

Bul áreket ásirese naýryz jáne sáýir aılarynda qatty baıqalǵan. Muny ǵalymdar qustardyń aldaǵy ýaqytta kóbeıýimen baılanystyrady. Kálsı jumyrtqa basý úshin asa qajet elementterdiń biri. Degenmen, qural-saımandardy erkek qustar belsene paıdalanǵan: juptasý aldynda erkek qustar urǵashylaryn untaqpen tamaqtandyryp, olardyń yqylasyna bólenýge tyrysqan.

Mundaı qubylys qustardyń bul túrinde alǵash baıqalyp otyr. Jalpy janýarlardyń qural-jabdyqtardy paıdalanýy óte sırek kezdesetin jaǵdaı (adam tárizdes maımyldardy sanamaǵanda). Ǵalymdar jabaıy ormanda ómir súretin totyqustardyń bul túrin áli baqylap kórgen joq. Qustar buǵan áleýmettik nemese jeke úıretýden daǵdylandy ma, álde týabitti qasıeti me, bul ázirge belgisiz bolyp otyr.

 

---