Talaı eldi aralap,
Talaı jerdi saralap,
Biz kelemiz bul kúnde,
Elge úlgi shashqandaı,
Dushpannyń kóńilin basqandaı,
Aıbarly edik bir kúnde.
Tolyqsyǵan eamanǵa,
Qaratylǵan amalǵa,
Elden aýyp kóshken soń,
Ushyrap sapar shekken soń,
He demes kók mı nadandar?
Serpilip tuman ashylar,
Qamyqqan kóńil basylar.
Beınetti qansha kórsem de,
İzdeımin jolyn Alashtyń,
Dushpanmenen talastym.
Bermeımiz eldi qorlyqqa,
Kónbeımiz beker zorlyqqa,
Sony kekteý túri bar.
Shyraǵym Daýlet, sen-daǵy,
Bizdiń jolǵa er daǵy,
Talaptyń min tulparyn.
Saǵan bolsyn bul nusqa,
Bul nusqany berik usta,
Alǵyrdan týǵan suńqarym.
Túzelmes zaman jaılanyp,
Basqa dáýren aınalyp,
Sonda bizge erersiń,
He qyzyqty kórersiń.
Kesheden bergi qyzmet
Etkenińe raqmet.
Qaıyrly bolsyn talabyń.

---