Asty muz, ústi de muz, ózi qalyń,
Aq darıa qaptaǵan jerdiń bárin.
Kórip turmyn «janyńdy qoımaımyn» dep;
Terisinen sýyq jeldiń doldanǵanyn.
Úskirik, kúńgirttengen, aýa shańyt,
Júregim shydamaıdy, túrin tanyp.
Óz kózime senbeı júr óz kóńilim,
Qudaı-aý, men de kedeı boldym ba anyq.
Balasy emes pe edim Qutpanbaıdyń?
Myńdy aıdaǵan naǵashym jáne qaınym.
Bar ma edi bul mańaıda bir aı buryn,
Menen súıgen kisisi bir qudaıdyń?
Maıda jal, qaz moıyndy tobym qaıda?
Bárinen sypyryldym bir-eki aıda.
Ústine jel shyqpasa, adam shyqpaı,
Bula ósken aıa kózim qandaı jaıda.
Taramys taspasy da qolǵa túspeı,
Qý súıek boldy, qaldy árbir saıda.
Neshe jyl beınettenip ósirgende,
Qaıǵysy óz basyma bolǵan paıda.
Terlese janym shyǵa jazdaýshy edi,
Kim minip, kim jemedi bar ma aıla?
Otyrdym birjolata qara maldan,
Bári óledi, kóterem ana qalǵan.
Ólimsekke qý qamys ne bolady,
Sasqandyqtan qorany buzyp salǵan.
Bura tartar kólik joq, júrmin jaıaý,
Onda joq et azaıǵan, ashtyq taıaý.
1919
* Bul arada 20 shaqty betteı joǵalǵan.

---