InfoHub Logo

Qosh bol, Álippe!
Maqsaty: Oqýshylardyń álippeden alǵan bilimderin tıanaqtaý, muǵalimderge,
ata – analaryna ónerlerin kórsetý.
Kórnekilikter: «Qosh bol, Álippe» taqyryby, naqyl sózder jazylǵan plakattar, sharlar, gúlder, býkletter, Maqta qyz ben mysyq ertegisinen kóriniske qajetti bet perdeler, tehnıkalyq quraldar.
Ótilý barysy:
Bezendirilgen zalda mýzyka oınalyp turady.
Muǵalim: Qurmetti ustazdar! Aıaýlyda, ardaqty ata – analar! Qymbatty oqýshylar! Mine búgin biz barlyq ǵylymnyń atasy, bizdiń bolashaǵymyzdyń negizi – álippeni bitirip otyrmyz. Búgin biz sheksiz qýanyshtymyz óıtkeni, alǵash hat tanytyp, saýatymyzdy ashqan, bizdiń jaqyn dosymyz Álippemen qoshtasamyz. Sondyqtan qazir osy ýaqytqa deıin alǵan bilimderińdi kórsetip, án – bımen óleńdermen, jumbaqtarmen órnektep ónerimizdi ortaǵa salaıyq. Bilimimizdiń artyp sóz baılyǵymyzdyń molaıǵanyn, sanamyzdyń óskenin kórseteıik. Bul toı balalaryńyzdyń tusaýkeser toıy ispettes boılarynda jaýapkershilik paıda bolyp, sanaly azamattyq boryshtarynyń alǵashqy asýyn aman – esen asyp ótken toıy. Toılaryńyz toıǵa ulassyn! Balalaryńyz atanyń uly emes, halyqtyń uly bolsyn!

1 – júrgizýshi: Qurmetti ata – analar, ustazdar, 1 – synyp oqýshylarynyń «Qosh bol, Álippe» atty erteńgiligine qosh keldińizder!
2 – júrgizýshi: Balalardyń qoldaryna tuńǵysh ret ustap, betin ashqan oqýlyǵy «Álippe»

1 – júrgizýshi: Bul kitap – búkil álem dúnıesiniń alǵashqy esigi, bilimge bastaıtyn alǵashqy soqpaq.
2 – júrgizýshi: Súıikti álippeniń arqasynda saýatty adam qataryna endik. Sondyqtan álippemen qoshtasý merekesine qatysýshy balardy ortaǵa shaqyraıyq.
(Mýzyka oınalady, balalar zalǵa kiredi, ózderin tanystyrady.)

Darasy bolar dalanyń,
Dinmuhambet degen balamyn!
Sóılegen sózim tym tátti,
Arýjan degen qyzdaryń
Sizderge arnap til qatty.
Dosbolmyn oqýlyqpen dostasqan,
Álippemen qoshtasqan.
Janarys degen balamyn,
Esepti men shaǵamyn
Aı menen kúni anamnyń,
Aqyldysy atamnyń
Men Aısulý bolamyn.
Búgin úlken saltanat,
Meniń atym Nurdaýlet
Jumsaǵanda baratyn
Aıtqan tildi alatyn
Men bolamyn Dıana
Jaqsylyqty jaqtaıtyn
Bárin bilip jattaıtyn
Danıar jigit men bolam.
Arýna qyzbyn keń mańdaı
Ádemimin men qandaı
Meniń atym Arsen,
Ádemimin kórseń.
Barmaǵynan bal tamǵan,
Baldaı tátti men Ásem
Kóp oqıtyn, kóp toqıtyn,
Meniń atym Erasyl
Bı bıleımin aınala,
Meniń atym Aqerke
Synyptyń eń sulýy
Aıjuldyz keldi ortańa
Asqar keldi minekeı,
Jymıyp árkez júzim,
Aqyldymyn sondaı ózim.
Asylmuratpyn dara bala,
Turamyn ylǵı daralana.
Nursultan degen balamyn,
Óskende prezıdent bolamyn.
Apaıyma qolǵanat,
Meniń atym Janat.
Barlyǵy hormen: Armysyzdar ata – ana,
Armysyzdar ustazdar
Bolashaqqa jol bastar
Balalaryń keldi ortańa.