InfoHub Logo

Taqyryby: Qosh bol, bastaýysh mektep!
Maqsaty: Oqýshylardyń tórt jylda qandaı jetistikterge jetkenin kórsetip óner - bilimderin baǵalaý.
Kórnekilikter: «Qosh bol, bastaýysh mektep» degen jazýy bar perde, sharlar, kúnbaǵys.
Barysy:
Áýen oınalyp turady. Daýys: Dúnıede tańǵajaıyp keremetter joq delinedi, shyńdyǵyn aıta kele, ondaılar barshylyq, tipti olar bizdiń ómirimizde kúndelikti kezdesedi. Tańǵajaıyp keremet – bul bizdiń balalarymyz. Olar gúlder sıaqty, ár jerde bola beredi. Sonymen qatar ómirimizdiń sánin men mánin keltirip turady. Iá, buǵan kim kelispeıdi?
Júrgizýshi:
Qurmetti ustazdar, ata - analar! Búgin mine, osydan 4 jyl buryn kishkentaı bolyp mektep tabaldyryǵyn attaǵan búldirshinderimiz, 4 jyldyq bilimdi ıgerip, bastaýysh mekteppen qoshtasqaly otyr. Bul da bir mereke, qýanysh. Búgingi bizdiń merekelik jıynymyz erekshe bolmaq. Óıtkeni 4 synyptyń muǵalimderi keremet bir gúl ósiripti. Ustazdardyń qamqorqylyǵymen, jylýlyǵymen ósken bul gúl búgin alǵashqy dánin berip tur. (Úlken kúnbaǵys)
Al endi bastaýysh synyp bitirýshilerimizdi ortaǵa shaqyraıyq. Baqtyń dál ortasyndaǵy osy kúnbaǵys 4 synyp dep atalady. Al onyń dánderi balalar sendersińder. Búgin sender mekteptin bastaýysh satysyn aıaqtaǵaly otyrsyńdar, ıaǵnı 5 synypqa kóshýge daıynsyńdar degeni.
Ádilet: Mektebiń mynaý klasyń
Osynda on jyl turasyń,
Ersana: Toqta, qazir bul óleń ózgergen. Ony bylaı aıtý kerek.
Mektebiń mynaý klasyń,
Osyńda toǵyz jyl turasyń:
Tórt jyl bergi kabınette,
Bes jyl arǵy kabınette
Bilim alyp shyǵasyń.
Erasyl: Durys aıtasyń, mine búgin biz 4 jyl oqyp bastaýyshty bitirsek, aǵalarymyz 9 oqyp mektep bitirip jatyr.
Kamıla: Uldar, osy senderdiń 1 - shi synypqa kelgenderiń esterińde me?
Hormen: Iá, esterimizde.
Erasyl: Meni ájem qolymnan jetektep synypqa kirgende aldymnan Nurǵaıyn muǵalim kúlimdep « O, meniń oqýshym keldi ǵoı!» dep qarsy alǵan.
Ádilet: Biz qolyıyzǵa qalam ustaı almaı, árip tanymaı kelip edik. Muǵalim bizge bárin úıretti.
Nazıra: Balalar, biz búgin bastaýyshpen qoshtasý merekesine keldik emes pe?
Hormen: Iá, solaı.
Kamıla: Olaı bolsa bastaıyq.
Hormen: Armysyzdar ustazdar, Qaıyrly kún qonaqtar, Ata - analar, oqýshylar. Búgingi mereke qutty bolsyn! Án - bımen bastaý.
Ádilet: Tógilip shýaq nuryn sáýle shashqan,
Ǵalamat bolashaqqa qushqan ashqan.
Bilimniń taýsylmaıtyn bulaq kózi
Qyzyqty, shejireli nurly dastan.
Erasyl: Sarqylmas shákirtterge bilim qúıgan,
Salt - dástúr boıymyzǵa qýat jıǵan
Súıikti asyl mektep - bilim ordam,
Án bolyp kóńilderge sharyqtaǵan.
Nazıra: Keshe ǵana kelip edik saıańa,
Qarsy aldy mektebim aıalaı
Bastaýyshpen qoshtasatyn kún keldi
Aq ordamyz kúndeı ana, aı ana.
Kamıla: Saıańda bilmniń tańy atqan,
Talaptan dep ediń qanattan.
Mektebim, tolqyǵan darıam
Dalama myń bulaq taratqan.
Ersana: Qaryzdar ǵoı, saǵan árkim
Sen ómirdiń kóktemi
Abzal jandy adamdardyń
Ardaq tutqan mektebi.
Án oryndalady. Kamıla.
Ersana: Bilimniń nárimen sýsyndatqan
Ustazym uly tulǵa dara tunǵan.
A árpinen bastatyp álippeni
Ómirdi bastap berdiń óz qanatyńnan.
Kamıla: Ustazym, alǵashqy ustazym,
Jaqynsyn, anasyń, danasyń
Oqýshyń bıikteń kórinse,
Marqaıyp ósip qalasyń.

Qaraǵandy oblysy, Aqtoǵaı aýdany, Qara sý aýyly
S. Seıfýllın atyndaǵy jalpy negizgi bilim beretin mektep
Mınýarova Aıdana – bastaýysh synyp muǵalimi