InfoHub Logo

Qozy Kórpesh - Baıan sulý spektakli
Maqsaty: Ǵabıt Músirepovtiń «Qozy - Kórpesh – Baıan sulý» pesasyna negizdelip jasalǵan dramany sahnalyq qoıylym etip kórsetý arqyly oqýshylarǵa shyǵarmanyń mazmunymen tanystyrý; oqýshylardyń ádebıet, óner salasyna degen qyzyǵýshylyqtaryn arttyrý; oqýshylardyń boıyndaǵy ártistik qabiletterin shyńdaý.
Kórnekilikteri: Sahnada kıiz úı ishi, dala kórinisteri. Dybystyq árleý: kúıler, tabıǵat dybystary.
Ótiletin orny: AKT zaly
Rólderdi somdaýshylar:
Qarabaı –
Kúnikeı ( Baıannyń sheshesi) –
Maqpal (Qozynyń sheshesi) –
Qozy - Kórpesh –
Baıan sulý –
Qodar –
Jantyq -
Tańsyq –
Aıdar -
Tańqy –
Jarqyn aqyn –

Oqıǵa Qarabaıdyń úıinde, úıdiń qasynda júrip jatady. Shymyldyq ashylǵanda Qarabaı júktiń ár jerine birdemelerdi tyǵyp júredi.
Qarabaı: Qarabaıdiki degende bul jurttyń qyzyqpaıtyny bolsaıshy! Tek talap alaıyn dep otyr... Tús kórse de meniń jylqymnan basqany kórmeıdi. El deıdi muny! El meken osy? Jaý emes pe torlap turǵan, adyra qalsyn búıtip el bolǵany!.. Jantyq, aı Jantyq, beri kel.
Jantyq: Aý,(kele jatady)
Qarabaı: Jantyqtan basqa deni túzý adam qaldy ma, bul elde?
Jantyq: Jaıma, áıteýir, Qareke?
Qarabaı: Bar bolǵyr, jaı bolýshy ma edi? Áı, beri qarashy, men áýeli ózime, sosyn saǵan ǵana senemin, bilesiń ǵoı?
Jantyq: Árıne, Qareke, o jaǵyn bilemin.
Qarabaı: Bilseń, otyr, myna bir túsimdi joryp kórshi!
Jantyq: E, jorıyn, Qareke, aıta berińiz.(otyrysady)
Qarabaı: Túsińde qalyń qol kórgen qalaı bolady eken?
Jantyq: Qol kórgende, qalaı, ásheıin jurt pa, bolmasa jaý ma?
Qarabaı: Oı, Táńiri! Ásheıin jurt bar ma osy kún jaý bolad ta!..
Jantyq: Onda jaqsylyqqa jorı almaımyn Qareke...
Qarabaı: Oılaǵan jerden shyqtyń... jaý korgenniń nesi jaqsy bolýshy edi, qap, aı, qap, endi qaıttim.
Jantyq: Túsińde ǵoı, áıteýir.
Qarabaı: Al, óńimde bolsa, qaıtem? Nem qalady meniń? Baıandy syltaý qylyp, el meni tonap alar. Baıan degen jaı tyrnaq iliktirýdiń qamy. Baıandy berip kórshi bireýine – kúni erteń kórińdi qazyp, bar malyńa ıe bop shyǵa keledi!.. (ári - beri oılanyp júredi)
Sen bylaı iste, oılastyr osy máseleni. Baıandy bir jaqty qylaıyq.
Jantyq: Jaraıdy, Qareke, oılap kóreıin.(ketedi)
Qarabaı: O, Qudaı, qyz bermediń, pále bergensiń. Jetpis jyl boıy jeti japyraǵyna tisim tımegen qaıran mal jatqa buıyratyn bolǵany da... (Shyǵa berip, kele jatqan, Kúnikeı men Maqpaldy kórip) myna pálesi áli júr me edi sońymda! (Jata qalady)
Kúnikeı: Ýa, koter basyńdy, ash kózińdi... Maqpal kelipti ádeıi izdep.
Qarabaı: Maqpal? Osy tóńirektiki me? Esensiz be? (Tanymaǵan bolady)
Kúnikeı: Naǵyp tanymaı qaldyń?
Maqpal: E, bizdi kimniń tanyǵysy keledi deısiń...
Qarabaı: Kórmegen adamym sıaqty...
Kúnikeı: Qozynyń sheshesi Maqpal emes pe kádimgi.
Qarabaı: Qozy? Estimegen esimim.
Kúnikeı: Baıannyń atyn umytpasań, Qozynyń atyn da umytpaýyń kerek edi ǵoı, Qozy Kórpesh desem, esińe túser me eken?
Maqpal: Qozy men Baıan bir kúnde týmady ma? Birge otyrmadyq pa ol kezde?
Qarabaı: Esimde joq... Odan beri qaıda kóship, qaıda qonbadyq?
Maqpal: Jalǵyz Baıannyń qozydan basqa balamen oınamaıtynyn umytqan ekensiń.
Qarabaı: Oıyn balasyn kim baıqaǵan sol...
Kúnikeı: Baıqamasań, sol eki balany aıyram dep, qasyńnan qýyp jibermediń be, jesir Maqpal men jetim Qozyny.
Qarabaı: Ne dep jaǵalatyp kelesińder, á?(basyn kóterip alady).
Kúnikeı: On jetige tolǵansha tiri bolsa, Qozy men Baıandy qospaı qalmaımyz degen Maqpal ekeýimizdiń antymyz bar - dy: qan quıysqanbyz: (eki áıel qanǵa bylǵanǵan oramaldaryn kórsetedi) Mine... Sol kún búgin jetti, sol ant búgin toldy.
Qarabaı: Á, Qarabaıdy osylaı almaq boldyńdar ma! (áıelderdiń oramaldaryn julyp alyp, laqtyryp tastaıdy).
Maqpal: Ýa, myń jasa! Quldyq, quldyq. Balam malshyń, ózim saýynshyń bolaıyn...
Kúnikeı: Qalma obalyna eki birdeı baldyrǵannyń... Nalyma Maqpal! Sen qaıtyp Qozyǵa estirt, men baryp Baıanǵa estirteıin... Men tas bekindim! Aıyrtpaspyn Qozydan.
Qarabaı: Ne deıdi mynalar, qaıdaǵyny aıtyp (shyǵyp ketedi).
Maqpal: Ataı korme, Kúnikeı. Sóngen órtti qaıta tutat degeniń be... Aıta almaımyn men! Tym bolmasa, kórip qaıtarmyn dep kelip em Baıandy. Eedi ol da múmkin emes batyraıyn qaramdy. (syrttaǵy dabyrdy estip, bular ketedi. Top - top jigitter kele jatady).
Aıdar: Ekpindeme, Qodar myrza!
Qodar: Sen de kókı berme bosqa!
Tańqy: Ózge jurt atqosshy - aý senderge!
Qodar: Aǵalyqtaryń osyndaıda eske túsetin bolsa, qoıa qoıyńdar. Jol meniki, qyz da meniki.
Aıdar: Buryn kelgen men qaıda qalamyn sonda? (Jantyq kele jatyp).
Jantyq: Aý, betke ustar jaısańdarym bir qyz úshin qaıtesińder bet jyrtysyp. Qazir Jarqyn kelsin. Kóremiz Baıannyń ne degenin. Al negizi jigittiń namysy, qyzdyń sheshiminen de mańyzdy emes pe?