InfoHub Logo

Shákerimniń ákesi Qudaıberdi - Qunanbaıdyń úlken báıbishesi Kúńkeden týǵan jalǵyz balasy. Aqyldy, dáýletti adam bolǵan. Qudaıberdiniń Tólebıke (qoly ashyq bolǵandyqtan jurt Dámetken dep atap ketken) jáne Botantaı degen áıeli bolǵan. Dámetkennen Omar, Murtaza, Sháke, Shákerim týǵan. Shákerimniń báıbishesi Máýennen Sýfıan, Taýfyq, Máımine, Ǵalıa esimdi eki ul, eki qyz týǵan. Sýfıannyń jeńgeleı alǵan áıelinen Shámel, odan Baný týǵan. Osy Baný maqalanyń basynda biz sóz etken ánshi Quralaıdyń anasy bolyp shyqty.

Shákerimniń ekinshi áıeli Aıǵanshadan Ǵafýr, Qabysh, Ahat, Kámpıt (ol jas kezinde qaıtqan, Jákish (Jákibala), Gúlnár men Zıat týǵan. Ǵafýrdyń Aqlıma, Mákeı atty áıelderi bolǵan. Mákeıden Baıazıt, Lábıba, Naǵıma, Kámılá týǵan. Joǵaryda anasynyń esteligin aıtqan Maqsat Japparhanuly Kámılanyń balasy. Shákerim uly Qabyshtyń otbasy asharshylyqtyń qurbany bolypty.  Shákerim uly Ahattyń áıelderi – Saǵıla, Qadısha, Bátıma. Saǵıladan týǵan eki bala 1931 jyly Raıhannyń úıinde qaıtys bolǵan eken. 

Ahat Shákerimuly zerdeli, saýatty, aqyldy adam bolǵan deıdi. Ol Shákerimnen taraǵan birneshe urpaqqa qamqorlyq tanytyp, olardyń bilim alýlaryna jón siltegen. Shákerimniń Aıǵanshadan týǵan kenje uly Zıat náýbet jyldary Qytaıǵa ótip ketken eken. Qytaıda otasqan áıelinen týǵan balasy Mereke Almatyda turdy. Shákerimniń kenje qyzy Gúlnár 1970 jyly Almatyda qaıtys bolǵan. 

Saıa Moldaıyp

---