InfoHub Logo

Tobyqty eli men Qarjas eli arasynda jer daýy shyǵyp, onyń aıaǵy úsh-tórt jylǵa sozylypty. Aıtylǵan bitimge eki jaq kelise almaı narazy bolyp, joǵary jaqqa shaǵym jasap, bılikti buzdyra beripti. Sóıtip, bul daý tótenshe sıeziń talqysyna túsipti. Sıeze tobyqtylar atynan Qunanbaı bı, Qarjas jaǵynan Shormannyń Musasy sóz saıysyna túsipti. Eki bı biraz aıtysyp, bir bitimge kele almapty.

Musa kezekti bir sózinde:

— «Meniń ata-babama baqyt qonǵan, bizdiń mártebemiz bıik, salmaǵymyz basym, baıtaq jatqan elim baı, kókoraı shalǵyn jerim baı, shalqyp jatqan kólim baı» dep, óziniń baılyǵyn termelep maqtana beripti. Sonda Qunanbaı bı oǵan bylaı depti:

— Put boldym dep maqtanba,
Puttan aýyr batpan bar.
Bıikpin dep maqtanba,
Asqar-asqar taýlar bar,
Ar jaǵynda aspan bar.
Basyma baqyt qondy dep,
Tosylmaımyn endi dep,
Aldaýshy jalǵan dúnıege,
Ǵapyl bolyp azbańdar.
Qarsy kelgen dushpanyń,
Basyn kelip ızese,
Oǵanda qyl bostandyq,
Aıaqqa salyp baspańdar.
Baq taısa ajaryna qaramaıdy,
Bireýdi bireý syrttan tabalaıdy,
Basyńa qarapaıym bir is tússe,
Boldy dep bilmestikten shamalaıdy.
«Adamnyń basy Allahtyń doby» degen,
Dám tartsa ár tarapqa domalaıdy.
«Bárekeldi, Qunekeń taýyp aıtty», — dep el razy bolypty.

---