InfoHub Logo

Baıqaımyz, úılengen soń ǵashyqtyq sezim sý sepkendeı basylady. Keńesterimiz árqaısyńyzdy óz juptaryńyzben baqytty etedi dep úmittenemiz.

Anyǵynda, bul baqytyn baǵalamaı ajyrasyp tynǵan jannyń keńesi. Árıne, ondaı adam qandaı salıqaly áńgime aıtsyn deıtin shyǵarsyz. Biraq ózgeniń qateliginen sabaq alýymyz qajet. Endeshe baqytyn qolynda baǵalaı almaǵan adamnyń sózine nazar aýdaryńyz:

1. Áıelińizdi qyz kezindegideı kútińiz. Óz áıelińizben qansha jyl birge tursańyz da ony kezdesýlerge shaqyrýdan sharshamańyz. Ol sizge eń bir qymbattysyn syıǵa tartty — senim.

2. Qorǵany bolyńyz. Júregińizdiń túkpirinde áıelińizden basqa eshkim bolmaıtynyn uǵynyńyz.

3. Áıelińizge qaıta-qaıta ǵashyq bola túsińiz. Barlyq adam ózgerýi múmkin. Siz de, jubaıyńyz da ózgeredi. Osy sebepti bir-birińizdi qaıta-qaıta jaqsy kórip turýlaryńyz kerek. Otbasy baqyty úshin kúresýden sharshamańyz.

4. Onyń tek jaqsy qasıetterin kórińiz. Óz áıelińizdiń jaqsy qasıetterin eshbir áıelde joq tátti qylyq dep bilińiz. Áıelińizdi ne úshin jaqsy kóretinińizdi esten shyǵarmańyz.

5. Ony ózgertýge talpynbańyz. Áıelińiz qandaı bolsa, sol qasıetterimen súıińiz.

6. Óz emosıańyzǵa jaýap berińiz. Siz baqytty bolýǵa umtylýyńyz kerek, onymen qosa qarym-qatynasyńyzdy da jarqyn ete túsý sizdiń qolyńyzda.

7. Áıelińizdi eshqashan aıyptamańyz. Áıelińiz sizdiń kóńil-kúıińizdi túsirse nemese ashýlandyrsa, ony eshqashan aıyptaýshy bolmańyz. Múmkin, ol sizdi baıqamaı, oıda-joqta renjitip alǵan shyǵar.

8. Ózi qandaı bolsa, sondaı bolýyna ruqsat etińiz. Áıelińizdiń kóńili áldenege tolmaı otyrsa, birden aralasyp, jaǵdaıdy túzeýge tyryspańyz. Sizdiń maqsatyńyz ony qajet kezinde qoldaı alatynyńyzdy, túsinetinińizdi, kómekke keletinińizdi uǵyndyrý.

9. Onyń janyna azyq bolyńyz. Áıelińiz sóıleıtin mahabbat tilin túsinýge tyrysyńyz.

10. Onyń janynan tabylyńyz. Oǵan tek ýaqytyńyzdy ǵana emes, nazaryńyzdy, janyńyzdy syılańyz. Ómirińizdegi eń mańyzdy adamdardyń biri ekenin umytpańyz.

---