InfoHub Logo

Astana qalasy, № 64 mektep - lıseı
Bastaýysh synyp muǵalimi
Bekjanova Bahtıgýl Nýrmýhambetovna

Sabaqtyń taqyryby: Qutyqtaý jazyp úırenemiz
Sabaqtyń maqsaty: Oqýshylardyń sóıleý mádenıeti men sózdik qoryn keńeıtý, saýatty jazýdy pysyqtaý.
Damytýshylyq: Oqýshylardyń tez oılanyp, tıanaqty jaýap berý, sypaıy sóıleý qabiletterin damytý.
Tárbıelik máni: Uqyptylyqqa, mádenıettilikke, sypaıylyqqa tárbıeleý.
Sabaqtyń ádis - tásilderi: suraq – jaýap,
Pán aralyq baılanys: ádebıettik oqý, eńbek, mýzyka.
Kórnekilik: quttyqtaý hattar, pochta qutysy.
Sabaqtyń tıpi: bekitý.
Qoldanylatyn tehnologıa:

Sabaqtyń barysy
Uıymdastyrý kezeńi
a) Úlkenge de siz,
Kishige de siz.
Barshańyzdy qurmettep,
Bas ıemiz biz!

á) Qolymyzdy kúnge qaraı sozyp,
Kúnnen jylý, shýaqty nur alamyz.
Birinshi óz júregimizge beremiz,
Qaıtadan qolymyzdy kúnge sozyp.
Qaıta kúsh qýat alyp bir - birimzge syılaımyz!

Endi osy jyly lebimizdi bir - birimizge hat arqyly joldaımyz!

- Al, hat jazý úshin óte bilimdi saýatty bolý kerek.
- Biz endi bilimimizdi shyńdap alaıyq.

(mýzyka)

Bul hat tasýshy Pechkın. Óz tapsyrmasyn hat arqyly joldapty. Ol senderge birneshe tapsyrma daıyndapty.
1 - hat
- Berilgen sóz tirkesinen sóılem qurap jazý.
- Sóılemdegi sózderdiń baılanysyn syzba arqyly kórset.
- Jaıylma sóılemdi jalań sóılemge aınaldyr
- Berilgen sóılemdi suraýly, lepti, habarly sóılemge aınaldyryp jazyp, sońyna tıisti tynys belgisin qoı.
- Tasymal (5 býyndy sóz)

2 - Hat
Hat tasýshy Pechkın bizge taǵy bir tapsyrma beripti.
1. Balalar qazir qoldaryńdaǵy quraldarmen ashyq hat jasap, quttyqtaý
jasańdar! Ol úshin senderge ashyq hat jasaýǵa tehnologıa pániniń muǵalimi GaýHar Aqpazıevna kómektesedi.

Qazaqstan halyqtarynyń birligi kúnine arnap quttyqtaý hat jazamyz.

Sergitý sáti

2 jattyǵý
Mátindi bólim boıynsha oqytý, suraqtar qoıý
1. Mátin kim týraly aıtylǵan?
2. Nurbol qandaı úıirmege qatysatyn?
3. Nurbol qandaı júldege ıe boldy?
4. Nurboldy kim quttyqtady?
5. Nurboldy qalaı quttyqtaǵanyn mátinnen kim taýyp oqyp beredi?
6. Sodan beri aıdyn qandaı úıirmege baratyn boldy?
7. Aıdynnyń basty armany qandaı?

Endi dápterge Aıdynnyń Nurbolǵa arnaǵan quttyqtaý sózin jazamyz

3 jattyǵý
Mátindi oqytý.

1. Almastyń mektebinde qandaı mereke boldy?
2. Ol merekede oqýshylar ne istedi?
3. Úıge kelgennen keıin Almastyń esine kim tústi?
4. Andreı qaıda turady?
5. Almas Andreımen qashan tanysqan?
6. Almastyń oıyna ne keledi?
7. Ol kimmen aqyldasty?
8. Anasy qandaı aqyl aıttty?

Sonymen balalar Almas, Andreıge qandaı hattyń túrin jazdy?
Al, jedel hatpen ashyq hattyń aıyrmashylyǵy qandaı?

Jedel hat bir habardy shuǵyl túrde qashyqta turatyn bireýge tez jetkizý úshin jazylady. Jedel hat mátininde sóılem jáne sózder qory az, ári naqty bolady.
Jedel hat qysqa ári nusqa túrde jazylady.
«Hat» aqparat tasymaldaýdyń bir túri.
«Hat» aqparat kózi.
«Hat» jazba túrinde saqtalatyn tarıhı muraǵat bolyp qalady.

Qazir aqparatty tehnologıalardyń damý zamanynda habardy tez jetkizýdiń basqa bir túrleri bar. Solar jaıly bilemiz be? Atap shyǵaıyq.

Qorytyndy: Demek balalar, hat jazar aldynda oıymyzdy jınaqtap, mazmunyn talqylap, ishteı oılanyp, jazý erejelerin eske túsirip baryp hat jazýǵa kirisý kerek eken.
Ár hattyń óz ereksheligi bar ekenin bildińder.

Úıge tapsyrma: Mine balalar, úıde myna Pechkınniń elektrondy pochtasyna jedel hat jazyp jiberýlerińe bolady. Árıne ata-anamyzdyń kómegi qajet.

Muǵalim:
Balalar hatty, quttyqtaýdy, ashyq hattardy taǵy óleń joldarymen de jetkizýge bolady. Qazir osyndaı quttyqtaý óleńdi bárimiz birge shyrqaıyq. Ol úshin oqýlyqtaǵy 5 - jattyǵýǵa nazar salyp, ishteı oqyp shyǵyńdar.