InfoHub Logo

Qyrǵyzstan mektepterinje 12 jyldyq bilim berý júıesi engiziledi,dep habarlaıdy Infohub.kz.

Qyrǵyzstan úkimeti jalpy bilim berýdiń jańa memlekettik standartyn bekitti. Jańa júıe 2025 jyldyń qyrkúıek aıynan bastap iske qosylady. Bul reforma bilim sapasyn jaqsartýǵa jáne ulttyq bilim berý júıesin halyqaralyq standarttarǵa sáıkestendirýge baǵyttalǵan.

Jańa bilim berý júıesiniń qurylymy:

Bastaýysh bilim – 1-6 synyptar
Negizgi bilim – 7-9 synyptar
Orta bilim – 10-12 synyptar

12 jyldyq júıege kóshýmen qatar, oqýshylardy baǵalaý júıesi de ózgeredi. 1-3 synyptarda dástúrli baǵa qoıý alynyp tastalyp, 4-synyptan bastap baldyq baǵalaý engiziledi. 7-12 synyptarda krıterıaldy baǵalaý ádisi qoldanylyp, oqýshylardyń ózin-ózi baǵalaý daǵdylaryna erekshe kóńil bólinedi.

Qyrǵyzstannyń bilim mınıstri Dogdýrkúl Kendırbaevanyń málimdeýinshe, bakalavrıattyń oqý merzimi 4 jyldan 3 jylǵa qysqartylady. Sebebi keıbir ýnıversıtettik baǵdarlamalar mekteptiń joǵary synyptarynda oqytylatyn bolady.

Bul ózgerister eldegi bilim berý sapasyn jaqsartyp, oqýshylardyń halyqaralyq standarttarǵa saı daıyndalýyna múmkindik beredi dep kútilýde.