InfoHub Logo

Qulaqta qulaqqap, dalada jaýyn. Jalǵyz kele jatqan men túrli qıal oıǵa shólim qanyp keledi. Zańǵar jazýshy Muhtar Áýezov aıtpaqshy: «Oı da kóp ýaıym da kóp - oılaı berseń, Oı da joq ýaıym da joq - oınaı berseń». Mıda san túrli oı.

Jaqynda ǵana ǵalamtordan myna qyzyq aqparatty oqyp qaldym: «Windows-ta «Con» ataýymen býma (papka) ashý múmkin emes, Bıll Geıtsti bala kezden osylaı mazaqtaǵan eken». Bylaı qarap tursań kúlkiń keledi, degenmen, muny tekserip kórgen men aýyzymdy ashqan kúıi ne kúlerimdi, ne qaıǵyratynymdy bilmeı turyp qaldym. Múmkin, barlyǵymyz bala kúngi osyndaı jaraqatty emdeıtin zattardy oılap tapsaq shynymen jeńildeımiz be, álde jaı jaranyń betin jyly jaýyp qoıamyz ba? Kókeıden qazir ketpeıtini anyq qoı, nege kópshiliktiń sózi bizdi alańdatady?  Nege árbiri óz jónimen júrmeıdi. Bizge berilgen bir jyldaǵy 31 557 600 sekýndymyzdy eldiń oıymen ótkizsek ne bolady?  Ári qaraı osy sózderge mıymda jaýap izdeı bastadym...

Qazirgi tańda eresektermen jarysa jasóspirimder de esirtkige qumar ekeni bárine anyq. Temekiniń quramyndaǵy shaıyrly (smola) zatqa jasalǵan tájirıbeniń nátıjesinde tyshqannyń arqasyna jaǵylǵan jerden qaterli isik paıda bolǵan. Ǵalamtordan myna aqpartty oqysa múmkin jer betinde tútinge qumarlardyń sany az bolar ma edi? Múmkin, barlyǵy men sıaqty oılaı bermeıtin shyǵar. Dese de, sirá, meniń pikirim ózimde qalsyn.

«Denemizdegi eń kúshti bulshyq et – til». Qyzyq aqparattardyń arasynan osyny kóre sala jymıdym da, ras ekenine moıynsundym. 10 báleniń 9-y tilden ekeni anyq. Keıbiri qaljyńdaımyn dep ásirelep jiberedi. Janyńa batatyn ótkenińmen baılanysty jaranyń betine tuz sebedi. Tildiń kúshtiligi sonsha jandy jaralap alatyn qasıeti de bar. Tildi Alla beripti dep artyq sóıleı bermegen jón.

Mine, san túrli oımen kele jatqan men jataqhananyń aldyna jetip alyppyn.  Bir tereń demalyp aldym da, qıal álemimnen tysqary shyǵyp, bólmeme aıaq bastym.

---