InfoHub Logo

Zamanaýı robototehnıka, iri kompanıalardyń kóbi osy salaǵa kóz tigip, qarapaıym tutynýshynyń qaltasyn nysanǵa alyp, úı robotyn jarysa jasaýǵa kirisken sátke de kelip jetti. Bul jarysqa jasandy ıntellekt negizinde áreket etetin robot Saram-dy ázirlep jatqan Samsung-ta qosylǵan tárizdi.

Qazirgi sátte Samsung kompanıasy ózderiniń zaýyttary úshin ónerkásiptik robottardy óndirýmen aınalysyp jatyr, Saram da eń birinshi kezekte dál osy maqsatta qoldanylatyn bolyp josparlanǵan. Baspasóz qyzmeti habarlaǵandaı, basqarý isin rettep otyratyn baqylaýshy aspap robot negizinde zaýyt qoımalarynda aýyr metaldardy kóterý jáne ornynan jyljytý úshin qoldanylady, alaıda onyń qyzmeti bolashaqta úı kómekshisi retinde paıdalanýǵa deıin keńeıtiletin bolady. Osy maqsatta Samsung tipten «Saram» saýda markasyn tirkep te úlgerdi.

Qazirgi sátte Samsung óz robotyn halyqqa kórsetýge ázir emes, biraq qazirdiń ózinde onyń eki aıaqpen tik júrý fýnksıasy bar bolatyny belgili, jáne túrli kedergiler men jerdiń birkelki tegis emes jaǵdaılaryna baılanysty taban býynynyń búgilý buryshyn retteı otyryp, eki aıaqty robotqa denesin tik ustaýǵa múmkindik beretin tik júrýdiń ınovasıalyq tehnologıasy da qoldanylady dep boljanýda.

P.S: Qyzyqty ári paıdaly málimetterdi jiberip almaý úshin, bizdiń telegram kanalymyzǵa da jazylyńyzdar: @bilimall

---