InfoHub Logo

Sabaqtyń taqyryby: San esim (prezentasıasymen)
Sabaqtyń maqsaty:
Bilimdilik: Oqýshylardyń san esim týraly bilimderin keńeıte otyryp, sóılem ishinen san esimderdi taýyp, san esimniń zat esimmen baılanysyn, jazylý emlesin meńgertý. Sóz taptary olardyń túrlerin, suraqtaryn, sóılemderdi sóz taptaryna taldaı bilýge úıretý.
Damytýshylyq:
Jańa tehnologıa elementterin paıdalana toppen, juppen, oqýlyqpen jumys jasaı otyryp bilim sapasyn arttyrý.
Tanymdyq tapsyrmalar arqyly oı belsendiligin, shyǵarmashylyq qabiletterin damytý. Kompútermen jumys isteý arqyly pánge qyzyǵýshylyqtaryn qalyptastyrý.
Tárbıelik:
Oqýshylardy tabıǵattaǵy tirshilik ıelerin súıe bilýge, qorǵaýǵa tárbıeleý.
Sabaqtyń túri: Dástúrli emes.
Ádis - tásilderi: túsindirý, suraq - jaýap, oıyn, kórnekilik, testilik, ózindik jumys, toptyq.
Kórnekiligi: oqýlyq, tirek - syzba, kompúter, sýretter, qıma qaǵazdar, test.
Pánaralyq baılanys: dúnıetaný, matematıka.

Sabaqtyń barysy: İ. Uıymdastyrý kezeńi
1) Sálemdesý:
Balalar, qazaq tili sabaǵymyzǵa qurmetti qonaqtar kelip otyr. Qonaqtarǵa ózimizdiń bilimderimizdi kórsetip, belsene qatysaıyq.
2) Psıhologıalyq daıyndyq:
Úlkenge de siz,
Kishige de siz,
Sálem berdik sizderge
Qurmetpenen biz.
3) – Úıge qandaı tapsyrma berildi?
4) – Balalar, búgingi sabaqta oqýlyq tapsyrmalarymen jumys jasaı otyryp, san esim týraly bilimderińdi odan ári damytamyz.

İİ. – Aldymen, oıymyzdy jınaqtap, ótken bilimimizdi eske túsireıik.
- Tilimizdegi sózder nelerge bólinedi?
- Biz qandaı sóz taptarymen tanystyq?
- Endi ekrandaǵy tirek - syzba boıynsha, sóz taptary týraly ne biletinimizdi ortaǵa salaıyq. (Slaıd 7.)
1) Zat esim degenimiz ne? Qandaı suraqtarǵa jaýap beredi? (Kim? Ne? Kimder? Neler?)
2) Zat esimniń túrlerin ata. (jekeshe, kópshe)
3) Etistik degenimiz ne? Qandaı suraqtarǵa jaýap beredi?(Ne istedi? Ne qyldy?)
4) Etistikterdiń túrlerin ata. (dara, kúrdeli)
5) Syn esim degenimiz ne?
6) San esim degenimiz ne?

İİİ. Jańa sabaq. Neniń sýretterin kórip turmyz? San esimder qandaı sóz tabymen baılanysyp tur? Osy jerden qandaı bir oıǵa kelýge bolady? San esimder zat esimmen baılanysyp tur.
IV. Dápterimizdi ashyp, búgingi kún retimen berilgen úlgidegi Q q árpi men Qustar sózin kórkem etip jazamyz. (Slaıd 8.) (Áriptiń bastalý núktesi men baılanystaryna nazar aýdara jazyńdar).
- Qustar sózine aýyzsha dybystyq taldaý jasaý.

V. Sózdik dıktant jazamyz.
Tórt, on, jıyrma, elý, toqsan, onynshy, jetinshi, otyz bes, jıyrma úsh.
Tekserý: (Slaıd 9.)
Ekranda jazylǵan sózderge qarap, árkim óz qatelerińdi teksere qoıyńdar!
(Mysaly: Myrzaqmet, neshe qate? t. s. s.). Jiberilgen qatelerimizdi eske saqtap, ekinshi ret jibermeıtindeı muqıat bolyńdar!
VI. Endi, ekrandaǵy sýretke nazar aýdaraıyq. (Slaıd 10. Proıgryvatel Windows Media arqyly «Orman dybysy» áýeni qosylady.)
- Sýrette jyldyń qaı mezgili beınelengen?
- Kóktemde tabıǵatta qandaı ózgerister bolady?
- Qandaı jyl qustaryn bilesińder?
- Qarańdarshy, balalar qaıda júr dep oılaısyńdar?
- Tyńdaıyqshy, ormanda nelerdiń daýsy estiledi?
- Qustardyń qandaı túrleri bar?
- Sýrette balalar ne istep jatyr?
Muǵalim sózi: Jas uıany aǵashqa kendir jippen baılaǵan jón. Áıtpese, ol ósip turǵan aǵashty býnap zıan keltiredi. Uıanyń qus kiretin aýzy árdaıym ońtústik - shyǵysqa qarap, ilgende 5 - 6 m bıiktikte ilýdi esterińe saqtańdar!
- Osy qurastyrylǵan sóılemderdiń ishinen myna sóılemdi taqtaǵa jazyp, sóz taptaryna taldaıyq.
Eki bala aǵashtyń butaǵyna uıany ornatty.

VII. Sergitý jattyǵýy.
Qarlyǵashqa uqsaıyq,
Qane, qanat jazaıyq,
Qarlyǵash bop ushaıyq
Ushyp - ushyp alaıyq.
Ornymyzdy tabaıyq

VIII. Oqýlyqpen jumys
1 - tapsyrma Mátindegi sıfrlardy sózge aýystyryp san esimi bar sóılemderdi kóshirip jazý.
2 - Tapsyrma Sýret boıynsha mátin qurastyrtyp oǵan at qoıǵyzamyn. San esimderdiń qaı sóz tabymen baılanysyp turǵanyn anyqtaıdy.
3 - Tapsyrma berilgen san esimderge zat esim tirkestirip jazdyrtamyn.

İH. Dıdaktıkalyq oıyn: «Jyldam jaýap».
İ top kez kelgen sóz taptaryna qatysty sóz aıtady.
İİ top - sol aıtylǵan sózge jyldam suraq qoıady.
İİİ top sol sózben sóz tirkesin aıtady.
H. Ózindik jumys jasaımyz.
1. Sabaq, qońyraý, muǵalim
2. Tún, kún, uıqy
3. Kúlki, kúldirgish
4. Kúndelik, jalqaýlyq, ekilik
5. Árip, álipbı
6. Jańbyr, bult, laısań
7. Shash, bas, bantık
8. Kitap, jazýshy, baspa
9. Aǵash, topyraq, tuqym
(Aýyzsha tekserý).

Hİ. Toppen jumys. (Slaıd 12. )
Ekranda ár topqa tapsyrma berilgen. (Oqý)
İ top. Tómendegi neshe? Suraǵyna jaýap beretin sózderdi neshinshi? Suraǵyna jaýap beretin sózge aınaldyryp jaz.
bes synyp -
on alty dápter -
jıyrma úı -
İİ top. Kóp núkteniń ornyna tıisti san esimderdi qoıyp, kóshirip jaz. San esimderdiń astyn syz.
Bolat... jasta. Ol... synypta oqıdy.
İİİ top. Onyń da bil esebin,
Ár aptada neshe kún?
Hİİ. Dıdaktıkalyq oıyn. «Kim kóp biledi?»
San esimderge qatysty kim kóp maqal - mátelder biledi?
1. El ishinde – elý el bar.
2. Jeti ret ólshe, bir ret kes.
3. Erinshektiń isi – eki.
4. Júz teńgeń bolǵansha, júz dosyń bolǵan artyq
5. Er bir ret óledi, qorqaq myń ret óledi.
6. On eki músheń saý bolsa jarlymyn deme,
On saýsaǵyń túgel bolsa, dáýlet emeı nemene.

Hİİ. Ótilgen taqyryptar boıynsha bilimderimizdi bekitý maqsatynda 2 - nusqadaǵy test tapsyrmasyn oryndaımyz.(test paraqshalary)

Hİİİ. Matematıkalyq jumbaq esep. (Slaıd 12. )
- Óleńde ne týraly aıtylǵan?
- Alma qaıda ósedi?
- Óleńde neshe alma qaldy?
- 12 ol qandaı sóz tabyna jatady?
- San esim degenimiz ne?
- Qandaı suraqtarǵa jaýap beredi?
XIV.- Balalar, búgingi sabaqtan ne úırendik?
Sabaq nesimen unady?
XV. Úıge 4 - jattyǵý. Sıfrlardy sózben aýystyryp kóshirip jazyp, san esimderdiń astyn syzý. (Slaıd 13.)
XVI. Baǵalaý.