InfoHub Logo

Ár jyly qystyń bastalýymen úlken qalalarymyzdaǵy dúkenderdiń mańdaılary men vıtrınalaryn «rojdestvo» sýretteri men manıkenderi qaptap alady. Tipti «santa klaýs» kıimin kıip kóshelerdi aralap júretin adamdardy da kóremiz. Ulttyq mádenıetimizdiń jańǵyrmaı, kerisinshe batys shıkiliginiń, ásirese hrıstıandyqtyń «santa klaýs» (svátoı Nıkolaı) ańyzdarynyń sanamyzǵa sińirilýi kóńilge qaıaý salary sózsiz. Tipti ulttyq meıramymyz táýelsizdik kúnine osynshalyqty kóńil bóline me eken degen de suraq týyndaıdy. Ár ult óziniń mádenı túp-tamyryn kóterýi, óziniń ádet-ǵurpymen ómir súrýi qalypty nárse. Biraq bizdiń batystyq, tipti hrıstıandyq ádet-ǵuryptarǵa ne qatysymyz bar eken.

Jańa jyl basqa rojdestvo basqa. Jańa jyl ádet, al rojdestvo hrıstıandardyń dinı merekesi. Biraq telebaǵdarlamalarda, kınolarda, jarnamalarda jańa jylmen emes, rojdestvomen quttyqtaýlary, rojdestvony aldyńǵy qatarǵa shyǵarýlary ne maqsatta boldy eken?

Bárimiz bilemiz bilimniń ulty bolmaıdy, tehnıkada da solaı. Batystyń bilimin, tehnıkasyn alýymyz, órkendeýimiz, olardan da ozat bolýymyz kerek. Biraq batystyń, salt-dástúrlerine, jaman ádetterine elikteýdiń sebebi ne eken?

Orystarmen basqa da azshylyqty quraıtyn hrıstıan ulttardy eseptemegende elimizdiń kópshiligi musylmandar. Áıtse de «krıstmass» (rojdestvo hrıstovo), «svátoı valentın», «pasqa» kúnderin toılaıtyndardyń ultjandylyǵy, dinı ojdandary qaıda qaldy eken?..

Sózdi qorytyndylaı kelgende otandastarymyz, táýelsizdik, aıt,  t.b. meıramdarǵa da osynshalyqty mán berse, ulttyq ádet-ǵuryptarymen ustanymdaryna berik bolsa eken degim keledi.

---