InfoHub Logo

Sarmattardyń qoǵamdyq qurylysy, sharýashylyǵy men turmysy
Konspekt
Carmattarda áıelderdiń qoǵamdaǵy orny basqa kóshpeli taıpalarǵa qaraǵanda joǵary turdy. Carmat áıelderi erlermen birge jasaq quramyna kirgen. Oǵan áıelderdiń qabirlerinen qarý - jaraqtyń kóp tabylýy dálel bolady.
Carmat taıpalarynda ańshylyq qosymsha kásip boldy. Ańshylyq qyzyqtaý, seıil qurý qyzmetin atqardy. Ań men qustardy sadaqpen atty, ıt qosyp, uraǵa jyǵyp ustady.
Carmattar negizinen kóshpeli mal sharýashylyǵymen aınalysqan. Sharýashylyǵynda kóshpeli, jartylaı kóshpeli turmyspen qatar otyryqshylyq ta damydy. Edil men Jaıyq boıyn, Qara teńiz jaǵalaýyn mekendegen sarmattarda malshylyqpen qatar eginshilik te mańyzdy oryn alǵan.
Sarmattar turqy qysqa, jyl boıy óriste jaıylyp, tebindeýge úırengen jylqylarmen birge alys joryqtarǵa minetin qazanattardy ósirgen. Olarǵa tek aqsúıekterdiń, áskerbasylardyń qoly jetken.
Batys Qazaqstan aýmaǵynan tabylǵan Besoba qorymyndaǵy qabirde eki abyz áıel jerlengen. Olar shalqasynan jatqyzylyp, bastary ońtústik - batysqa qaratylǵan. Qabir ishinen qol aına, altyn syrǵalar, monshaqtar jáne qasqyr beınesi salynǵan úsh aıaqty qurbandyq taqta tabyldy.
Alǵashqy qaýym kezinde qaýymnyń barlyq máselelerin rý aqsaqaldary, taıpa kósemderi qaýym múshelerimen aqyldasa otyryp sheshken. Al áskerı demokratıa kezinde qaýymnyń máselelerin tek áskerbasshylary men qolbasshylar sheshken. Olar qarapaıym qaýym múshelerimen sanaspaǵan.
Syntas qorymynyń birinshi obasynda úsh savromat jaýyngeri jerlengen. Ortada áskerbasy jatyr. Jaýyngerlerdiń janynan jebeniń qola ushtary, temir qanjarlar, temir aýyzdyqtar, qysh ydystar tabyldy. Sonymen birge qasqyr músini, kıik, taýteke bastary beınelengen súıek qasyqtar shyqty.
Sońǵy sarmat kezeńine jatatyn Araltóbe eskertkishi Atyraý oblysy, Jylyoı aýdanynan tabyldy. Bul qorymnan úsh oba qazyldy. Qabirden kósemniń qarýy, abyz asataıaǵynyń bólikteri, áshekeıli buıymdary tabyldy.
Sarmattardyń ydystary qyshtan jáne metaldan jasalǵan. Qysh qumyralardyń túbi jaıpaq ári shuńǵyl bolyp keledi. Qazandy temirden quıyp jasaǵan. Shyny ydystardy ózderi jasamaǵan, shyǵys elderinen alǵyzǵan. Teriden torsyq, saba, kónek, mesterdi jasaǵan.

Konspekt suraqtar
1. Sarmattar ómirindegi qosymsha kásip:
2. Sarmattardyń negizgi sharýashylyǵy:
3. Sarmattarda qazanattardy kim ıelengen:
4. Sarmattardyń Besoba qorymynda jerlengen:
5. Sarmattarda áskerı demokratıa zamanynda qaýymnyń ishki, syrtqy máselelerin sheshti:
6. Úsh savromat jaýyngeri jerlengen qorym:
7. Araltóbe eskertkishi tabylǵan jer:
8. Sarmattardyń ydystary jasalyndy:
9. Sarmat áıelderine berilgen quqyq:
10. Araltóbe eskertkishi qaıda ornalasqan:
11. Qandaı zattardy sarmattar ózderi jasamaı, shyǵys elderinen alǵyzǵan:
Taqyryptyń testi