Shakıra Qazaqstanǵa kelýi múmkin – uıymdastyrýshylar kelissóz júrgizip jatyr
Shakıra Qazaqstanǵa kelýi múmkin – uıymdastyrýshylar kelissóz júrgizip jatyr,-dep habarlaıdy Infohub.kz tilshisi.
Álemdik deńgeıdegi ánshi Shakıra Qazaqstanda jeke konsert berýi múmkin. Bul týraly Djennıfer Lopestiń Astanadaǵy keshin uıymdastyrǵan prodúser Málik Hasenov málimdedi. Onyń aıtýynsha, qazirgi tańda tanymal juldyzben kelissózder júrgizilip jatyr.
— Men sizderge kishigirim qupıany ashaıyn. Biz Shakıramen kelissóz júrgizýdemiz. Buıyrsa, kúzde naqty sheshim belgili bolady. Jańalyq kútińizder, – dedi Hasenov «Adyrna» tilshisine bergen suhbatynda.
Aıta keteıik, 1 tamyzda Astanada Djennıfer Lopes alǵash ret qazaqstandyq kórermen aldynda óner kórsetti. Al 10 tamyzda ol Almatyda konsert qoıady. Sonymen qatar, qyrkúıek aıynda Astana men Almatyda ataqty Backstreet Boys tobynyń keshteri josparlanyp otyr.
Mádenıet jáne aqparat mınıstri Aıda Balaeva da buǵan deıin Lara Fabıan men Shakıranyń konsertine barǵysy keletinin aıtqan bolatyn.
Eger kelissózder sátti aıaqtalsa, bul Qazaqstandaǵy shoý-bıznes pen konserttik ındýstrıanyń damýyna úlken serpin bolary sózsiz.
You Might Also Like
-
Perızat Qaırat 10 jylǵa sottaldy: Qaıyrymdylyq qarjysyn jymqyrý isi boıynsha úkim shyqty,-dep jazady Infohab tilshisi.
-
Birikken Ulttar Uıymynyń Adam quqyqtary jónindegi joǵarǵy komısary Folker Túrk Irandaǵy ólim jazalary sanynyń kúrt artýyna alańdaýshylyq bildirdi. Onyń málimetinshe, 2025 jyldyń alǵashqy jartyjyldyǵ...
