InfoHub Logo

13i naýryz kúni Nur-Sultan jáne Almaty qalalarynda koronavırýs indeti alǵash ret anyqtaldy. Ókiletti adamdardyń operatıvti jumysy nátıjesinde, kóptegen mekemeler jedel onlaın formatqa kóshti. Al 3 kúnnen keıin barlyq bilim berý mekemeleri qashyqtyqtan oqytýdy bastady. Keshegi kóktemnen beri bas aıaǵy 10 aı ótipti. Birneshe aıdan keıin koronavırýstyń bir jyldyǵyn toılaıtyndaı da bop qalyppyz. Álbette, sóz arasynda tilge tıek etti demeseńiz, vırýs kelgeli jetisip júrgen eshkim joq!           

Onlaın bilim júıesin baıaǵyda-aq meńgerip alǵandar álemniń mundaı formatqa 2008 jyly kóshkenin rastaıdy. Bir suhbatynda «Shonbay» onlaın ýnıversıtetiniń negizin qalaýshy  Qýanysh Shonbaı: «biz taǵy 10 jyl qashsaq bolatyn edi, biraq karantın bastalyp ketti» degen edi. Rasynda, vırýs bizge basqa sheshim qaldyrmady. Azamat densaýlyǵyn alǵashqy orynǵa qoıatyn memleket úshin elde karantın jarıalap, qaıǵyly oqıǵanyń aldyn alý basty shart edi.                                                                                                    

Árip tanyǵaly dástúrli bilim berýdi ǵana ıgergen oqýshy men stýdent úshin búl júıe tym tańsyq boldy. Kútpegen ózgerister sanada san suraqty qaldyrdy. Ne bolsada onlaınnyń ábigerimen alǵash bop tanysqan ustazdar qaýymy. Bilim alýshylardyń demalysy kezinde-aq muǵalimderge saıt júıelerin ıgerý tapsyrylǵan edi. Osy tusta tehnıkalyq jaýapkershilikti ǵana emes, shákirtiniń sabaqqa degen qyzyǵýshylyǵyn da qatar baqylaǵan ustazdar eńbegin atap ótpeske bolmas!           

Bastapqyda baıaý ınternet, tehnıkalyq aqaýlar, bilim berý saıttaryndaǵy keleńsizdikter degen syndy máselelermen betpe-bet keldik. Degenmen, jańa oqý jylynda jańa platformalardy iske qosyp, tolyqqandy bilim alý múmkin boldy. Ne bolsada ózgerister tájirbıe qoryn jınaqtaýdyń basty sebepkeri.

Qashyqtyqtan bilim alýǵa kóptiń eti úırendi. Ekrannyń ar jaǵyndaǵy ustazben baılanys nyǵaıdy, stýdenttiń ózindik jumysqa degen jaýapkershiligi artty, izdenis baıqaldy. Birazy, kompúterlik sheberligin shynyqtyrsa, endi bir bóligi bilimniń qaınar kózin tapty. Ne bolsada, shekteýli jaǵdaıda, sheksiz múmkindikterge ıe stýdentter jańa formattan kóp dúnıe meńgergenine esh shúbá joq!

Asem Jýldasova 2 kýrs, jýrnalısıka mamandyǵy Abylaı han atyndaǵy Qazaq halyqaralyq qatynastar jáne álem tilderi ýnıversıteti

---