InfoHub Logo

Ádistemelik taqyryby: «Kórkem shyǵarmany oqytý arqyly oqýshylardyń shyǵarmashylyq qabiletin damytý».

Maqsaty: Oqýshylardyń kórkem shyǵarma oqýǵa qyzyǵýshylyqtaryn arttyra otyryp, olardyń tanymdyq, shyǵarmashylyq qabiletterin ushtaý, til baılyǵyn arttyryp, sóıleý mádenıetin qalyptastyrý, qarym - qatynas etıkasyn jetildirý.

Mindeti: Oqýshynyń;
- kórkem shyǵarmany oqýǵa degen yntyzarlyǵyn oıatý, joǵary estetıkalyq talǵam men qajettilikti qalyptastyrý;
- sóz óneriniń erekshelikterin túsinip, tanýǵa, oı kózimen zerdeleýge negiz bolatyn bilim, bilik, ıkem – daǵdylar qalyptastyrý;
- oıyn saýatty aýyzsha (jazbasha) aıta da, jaza da bilý, baılanystyryp sóıleýdegi til mádenıetin qalyptastyrý jáne damytý, ózindik oı – pikirin dáıekti, júıeli aıta bilýge baýlý.

Qazaqstan Respýblıkasynyń Prezıdenti N. Á. Nazarbaev el halqyna joldaýynda «Qazaqtyń el bolýy, ult taǵdyry – onyń keleshek mektebiniń qalaı bolyp qurylýyna tireledi» - dep atap kórsetti.
Búgingi jas urpaqqa jan - jaqty bilim berý, tárbıeleý árbir ustazdyń basty mindeti. Bilim negizi mektepte qalanatyn bolǵandyqtan, oqýshynyń jeke tulǵalyq kúshin damytý, onyń shyǵarmashylyq múmkindiginiń damýy basty ról atqaryp otyr. Olaı bolsa, qazirgi ustazdar qaýymynyń aldyndaǵy úlken maqsat: ómirdiń barlyq salasyndaǵy belsendi, shyǵarmashylyq is - áreketine qabiletti, erkin jáne jan - jaqty jetilgen tulǵa tárbıeleý.
Bul maqsatqa jetýde ustazdar tereń bilimdi, ádistemelik jaǵynan tolyq qarýlanǵan jáne joǵary mádenı deńgeıi bolýy tıis. Sebebi, árbir pán muǵalimi oqýshylardyń oqýǵa yntasyn oıatyp, olardyń qabiletteriniń damýyna jol ashady. Muǵalim alǵashqy sabaqtan bastap árbir oqýshynyń jeke erekshelikterin, yntasy men beıimdiligin, oqý men eńbekke uqyptylyǵyn eskere otyryp oqý úrdisin júrgizýi kerek.