InfoHub Logo

Sabaqtyń taqyryby: Sóz tirkesi jáne kúrdeli sózder men turaqty tirkester
Sabaqtyń maqsaty:
Tárbıelik: uıymshyldyqqa, ózara kómekke úıretý, tabıǵatty qorǵaýǵa baýlý.
Bilimdilik: sóz tirkesi men kúrdeli sózderdiń jáne turaqty tirkesterdiń aıyrmashylyqtary men uqsastyqtaryn bilý.
Damytýshylyq: baıqaý, oılaý qabiletterin jetildirý, ózdiginen izdený daǵdylaryn qalyptastyrý,
salystyryp otyrylǵan tildik tulǵalardyń ortaq belgileri men ózindik aıyrmashylyqtary jaıynda oı
qorytyndysyn jasaı alý qabiletin damytý, oılaryn durys, júıeli jetkizýge baýlý, shyǵarmashylyq
belsendilikteriniń artýyna jaǵdaı jasaý.
Sabaqtyń túri: dástúrli emes
Sabaqtyń tıpi: jańa bilimdi meńgertý
Sabaqtyń ádisi: salystyrý, baıqaý, zertteý, taldaý, suraq - jaýap, t. b.
Sabaqtyń kórnekiligi: kespe qaǵazdar, slaıdtar.

Sabaqtyń barysy:
İ Uıymdastyrý. Amandasý, túgendeý. Nazarlaryn sabaqqa aýdarý.
İİ Úı tapsyrmasyn tekserý.

İİİ Jańa sabaq.
Sabaqta qoldanylǵan tehnologıa – B. S. Blýmnyń taksonomıasy.
Anyqta, aıyra bil: Tómendegi mysaldardan tek sóz tirkesterin terip jazyńyz.
Eki ezýi qulaǵyna jetti, qos núkte, adal dos, Aral teńizi, qoly ashyq, úıine áketti, júgirip bara jatyr, bilimniń shyńy, jetiqaraqshy, aqbóken.

Eske túsir:
1 - blok.
Sóz tirkesi degenimiz ne?
Sóz tirkesin gramatıkanyń qaı salasy zertteıdi?
Sóz tirkesine qandaı belgiler tán?
Basyńqy syńar degenimiz ne?
Baǵynyńqy syńar degenimiz ne?
2 - blok.
Kúrdeli sóz degenimiz ne?
Kúrdeli sózderdiń qandaı túrleri bar?
Kúrdeli sózder qandaı tásil arqyly jasalady?
3 - blok.
Turaqty tirkes degenimiz ne?
Turaqty tirkesterdi til biliminiń qandaı salasy zertteıdi?
Turaqty tirkester sóılem múshesi qyzmetin atqara ma?

Aınaldyr: Tómendegi esimdi tirkesterdiń basyńqy syńarlaryn paıdalanyp, olardy etistikti tirkesterdiń baǵynyńqy syńaryna aınaldyr.
Meniń otbasym, berik dostyq, kóne qala, sýyq jel, bes kitap, onyń ekeýi, jaınaǵan baq.
/Tapsyrma jazbasha túrde taqtada oryndalady./
Basqa túrde jazý: Tómendegi turaqty tirkesterdi maǵynasy jaǵynan jaqyn sózdermen aýystyr. /Jazbasha, dápterde/
1. Aýladaǵy dáý tóbetti kórgen Asannyń eki kózi sharasynan shyqty. /qorqý/
2. Jınalysqa kelgen adamdar kóp bolǵany sonshalyq – májilis zalynda ıne shanshar jer joq boldy. /tyǵyz, tolyq/
3. Bólmeniń ishi kózdi ashyp - jumǵansha qulaqqa urǵan tanadaı bola qaldy. /tez, tynysh/
4. Jumǵan aýzyn ashpaǵan Temirlan ishteı barmaǵyn tistep otyr. /úndemeý, ókiný/
5. Aqyrynda Daryn Azatty kútpegen jerden muzǵa otyrǵyzyp ketti. /aldaý/