InfoHub Logo

Astanadaǵy «Shabyt» jáne Almatydaǵy T.Júrgenov atyndaǵy Qazaq ulttyq óner akademıasy arasyndaǵy dostyq baılanys, tájirıbe almasý dástúrge aınalǵan. Ótken aptada astanalyq ónerpazdar T.Júrgenov atyndaǵy QazUÓA-da teatrlyq qoıylym kórsetti.

  «Shabyt» ýnıversıtetiniń 20 jyldyǵyna oraı «Drama teatry jáne kıno TV akteri» fakúltetiniń İV kýrs stýdentteri dıplomaldy jumystarynyń qoıylymyn kórsetti.  QR eńbek sińirgen qaıratkeri, prodússer Beknazar-Hanınga Leılo Aqnazarqyzynyń jetekshiligimen M.Áýezovtiń «Qaragóz» tragedıasy, Muztaı Kárimniń «Aı tutylǵan tún» jáne I.Kalmannyń «Sılva» operettesiniń jelisi boıynsha «Men...» stýdenttik kollajyn shberlikpen oryndap shyqty. Dıplomdyq spektáklder naýqanyna oraı aldaǵy aptada almatylyq ónerpazdar Astanadaǵy «Shabyt» ýnıversıtetiniń sahnasynda óner kórsetpek.
      Aman Qulbaev, T.Júrenov atyndaǵy QazUÓA teatr fakúltetiniń dekany, profesor: – Astananyń 20 jyldyǵy jáne «Shabyt» ýnıversıtettiń 20 jyldyq mereıtoıyna arnap eki óner shańyraǵy kelisimge kelgen bolatyn. Iaǵnı İV kýrs drama bóliminiń akterlary dıplomdyq qoıylymdaryn eki sahnada ótkizedi. Endi 24-26 mamyr kúnderi bizdiń stýdentter Astanada M.Áýezovtiń «Qaragózin», Shtraýstyń «Jarqanat» jáne «Arystandar patshalyǵy», «Getsbı» qoıylymyn qoıady. Birinshiden, sahna ónerindegi bolashaq akterlerdyń biz bergen bilimi, deńgeıi, rejıssýra men osy joldaǵy izdenisteri osy dıplomdyq spektáklde kórinedi. Ekinshiden, tájirıbe almasýda mundaı baılanystyń mańyzy aıryqsha.
    

Daryndylardy daralap, talantty tanytatyn qos óner ordalarynyń ujymyna shyǵarmashylyq tabys tileımiz!

---