InfoHub Logo

«Tántán qyz» tarıhyn aıtýshylar «Myrza bul kúıdi bir úlken toıda shyǵarǵan eken» desedi. Jazdyń kúni, mı qaınatqan shilde aıy. Kórshi aýyldyń úlken jıynynda bas qosqan el saýyq qurdy. Myrza aq ordanyń týyrlyǵyn túrgizip tastap, kúı darıasyn tasytty. Kenet kúıshiniń kózi bópesin jubata almaı júrgen órimdeı qyzǵa túsedi. Myrza tanı ketedi. «Jaqynda ǵana sheshesi ólgen jetim qyz Jibek qoı...» — dep ishteı kúbirleıdi.

Qyz qolyndaǵy bópesin jubata almaı: «Áýppálı, bópem-aı, áýppálı, bópem-aı» dep, muńly áýen yrǵaǵyna qosylady. Myrzadan janyndaǵylardyń biri: «Bul kimińiz edi, tanysyńyz ba?» — dep suraıdy.

— Oı shyraqtarym-aı! Bul bir sheshesi ólip, qamkóńil bolǵan Jibek atty jetim qyz edi. Qolyndaǵy kótergen bópesi — anadan jastaı qalǵan ózinen keıingi sińilisi. Myna — halyq jınalǵan jıynǵa keleıin dese, qolyndaǵy bópesinen kele almaı, kelmeıin dese, úıde jalǵyz otyra almaı, endi mine, eki ortada tán-tán bolyp júrgen ǵoı, — dep kúrsinedi Myrza.

 

---