InfoHub Logo

   Bizdiń qazirgi qoǵamdaǵy jastar táýelsizdikti qalaı túsinedi? Qadirin jete bile me? Degen suraqtar sanamda kóp. Osylaı oılana otyryp  men ózimniń elim Táýelsiz Qazaqstan jaıly tolǵanysymdy jetkizemin.

  Bizdiń respýblıka otyz jyl buryn óz táýelsizdigin aldy. Bul táýelsizdik ońaılyqpen kelmedi. Qanshama bozdaqtardyń qany tógilip, ata-baba ańsaǵan táýelsizdikke qıyndyqpen qol jetti. Táýelsizdik alǵan alǵashqy jyldary bizde úlken qalalar, zaýyttar men fabrıkalar bolǵan joq. Otyz ishinde Qazaqstan qaryshtap damyp, birshama jetistikterge jetti. Qazirgi tańda búkil álem biletin, tórtkil dúnıe saıasatta sanasatyn memleket boldy.

  Qazaq eliniń tarıhynda kóptegen quldyraýlar, jeńister men jeńilister boldy. Bizdiń memleket áli de óte jas, ári damýshy memleket bolyp sanalady. Bizdiń bolashaqta ómirimiz jarqyn bolýy, Qazaqstandy budan ári bıik shyńǵa kóterý bizdiń, jastardyń qolynda. Biz dostyq pen beıbitshilikti baǵalaýdy úırenýimiz kerek. Qazaqstandyqtardyń tatý-tátti ómir súrýi úlkenge de, kishige de úlken baqyt.

 Men Otanymdy osynda týǵanym úshin, óz ana tilimde sóıleıtindigim úshin maqtan tutamyn.

 Damýdyń jańa jolyna túsken Qazaqstan azattyqtyń ejelden kele jatqan armandaryn júzege asyrdy. Halyq alǵash ret mádenıetin, tilin, senimin, dini men dástúrin damytý múmkindigine ıe boldy. Búginde respýblıkanyń árbir azamaty óziniń táýelsizdigin maqtan tutady. Bizdiń elimizdiń táýelsizdigi – bul úsh júz jyl boıy úzilip qalǵan ulttyq bostandyqty qalpyna keltirgen qazaq halqynyń eń qasıetti jetistigi. Respýblıkamyzdyń týyn, eltańbasyn jáne ánuranyn baǵalap, qurmetteý árqaısymyzdyń mindetimiz. Olardyń kómegimen biz óz elimiz úshin maqtanysh sezimine bólenemiz. Olarmen biz ózimizdi birtutas otbasy retinde sezinemiz.

 Qazaqstannyń shuraıly jerleri, bıik taýlary, móldir ózen, kólderi , óziniń salt-dástúri, dini, ana tili bar baı memleket. Biraq Qazaqstannyń eń mańyzdy baılyǵy - aýyzbirshilik. Sebebi munda túrli ulttardyń adamdary turady, árqaısysynyń óz tili, óz ádet-ǵurpy bar. Biraq barlyq adamdardy dostyq pen aýyzbirshilik biriktiredi.

  Qysqasha aıtqanda qazirgi Qazaqstan – bul táýelsiz, egemen, demokratıalyq , ekonomıkasy turaqty jáne bolashaqqa nyq qadam basa alatyn memleket.

 Qazir HHİ ǵasyr – jas memlekettiń tiregine aınalatyn jańa urpaqtyń ǵasyry. Biz oqýǵa úlken kóńil bólýimiz kerek, barynsha bilim alýǵa tyrysýymyz kerek. Jańa myńjyldyqtyń memleketine bilimdi, belsendi adamdar qajet. Memlekettiń bolashaǵy bizge baılanysty bolady. «Qazaqstanǵa ultymyzdyń áleýetin oıatýǵa jáne iske asyrýǵa múmkindik beretin zıatkerlik revolúsıa qajet», - deıdi N.Nazarbaev. Men jeke ózimniń týǵan jerim Qazaqstan Respýblıkasynyń damýyna úles qosý úshin oqýǵa, memleket ıgiligi úshin jumys isteýge tyrysamyn. Men óz Otanymdy maqtan tutamyn!

 

---