InfoHub Logo

Tórlet, Qutty Jańa jyl!
Maqsaty: Oqýshylarǵa Jańa jyl týraly uǵym berip. jańa jyldy tatýlyqpen, dostyqpen, birlikpen ótkizýge baýlý. Jańa jylda barlyq boıynda bar ónerlerin ortaǵa salyp úıretý. Kóńildi ótkizý óz qoldarynda ekenin túsindirý.

Barysy:
Eki júrgizýshi ortaǵa shyǵady.
1 - júrgizýshi: Armysyzdar ardaqty aǵaıyn, ulaǵatty ustazdar!
2 - júrgizýshi: Barmysyzdar zamandas baýyrlar, shabytty shákirtter!

1 - júrgizýshi: Búgin bizge jyrdan alqa taǵaıyn,
Shat kúlkige toly bolsyn mańaıyn.
Kórgender de, kórmegende armanda
Jańa jylyń qutty bolsyn aǵaıyn!

2 – júrgizýshi Zeńgir kókte juldyz bolyp janaıyn,
Aı júzindeı aıshyqtanyp araıyń.
Janǵa shýaq, boıǵa qýat ákelgen,
Jańa jylyń qutty bolsyn aǵaıyn!

1 - júrgizýshi: Eleonora baıqaımysyń, bul keshte bizdiń synyptas dostarymyz kórinbeıdi goı. Myna shyrsha janyndaǵy qaptaǵy ne boldy eken?

2 – júrgizýshi Múmkin bizge dostarymyzdyń jasaǵan syıy, jańa jyldyq tartýy bolar. Qane ashyp kórelik. Álisher, qane sen ashyp kór. Múmkin mystan bolar dep men qorqyp turmyn.

1 - júrgizýshi: Jaraıdy, ashsam ashaıyn. Bylaı keliseıik. Ekeýmiz 1.. 2.. 3 degende eki qaptyń aýzyn birge ashaıyq.

2 – júrgizýshi Jaraıdy, men kelistim.
Endeshe bastasaq, bastaıyq.
(qaptyń aýzyn ashqanda kloýndar atyp shyǵady)

Kloýn1: Sálem saǵan, týǵan el!
Kloýn2: Sálem, sálem dostar!
Oı, oı, oı bizdiń synyptas dostarymyz kórinbeıdi ǵoı. Kóp soza bermeıik. Dostarymyzda ertip keleıik qane?!
Kloýn1: Keshti kóńildi ótkizý óz qolymyzda ǵoı. Ertsek, ertip keleıik.
(kloýndar shyǵyp ketedi, synyptaǵylar keledi)
Mýzyka oınaıdy (oqýshylar shyrshany aınalyp «Jańa jyl» ánin oryndaıdy).

1 - júrgizýshi: Bárekeldi, bárekeldi! Qurmetti halaıyq jańa jyl keshin barlyǵymyz kóterińki kóńil kúımen, ásem án, sándi bımen ótkizýge at salysaıyq.
2 – júrgizýshi Olaı bolsa, kóńilimizdiń keregesin keńeıtip, barshamyzǵa bereke syılar merekeli keshimizdiń shymyldyǵyn ashýǵa ruqsat etińizder!
Án:_____________________________
1 - júrgizýshi: Armysyń, amanbysyń, Jańa jyrym,
Jańa jylym! O meniń Jańǵa jylym!
Ulý jyly kelgende, syı ǵyp tartyp,
Aqtaraıyq ánmenen kóńil syryn – deı kele júrekke jylylyq uıalatar alǵashqy Jańa jyldyq quttyqtaý sózdi aqyl oıy jetilgen, sanaly urpaqty sezimi sergek, armanshyl dana urpaqty tárbıelep jatqan bilim uıasynyń bilikti basshysy, mektep dırektory ______________ aǵaıǵa beremiz.