Týǵan kún — adamnyń ómir jolyndaǵy belesti saralaıtyn kún. Qazaqta týǵan kúnge aıtylatyn tilek jasqa qaraı ózgeredi: jasóspirimge arman men bilim, ortajasarǵa turaqtylyq pen bereke, aqsaqalǵa densaýlyq pen urpaq qyzyǵy tilenedi.

Bul bólimde týǵan kúnge arnalǵan tilekterdi jas mólsheri boıynsha toptastyrdyq: 18, 25, 40, 50, 70 jas. Sonymen qatar qurbyǵa, áripteske arnalǵan quttyqtaýlar jáne merekede oınaıtyn oıyn túrleri berilgen.

25 jasqa tilek

Murat dosym, 25 jasqa tolǵan kúniń qutty bolsyn.
Saǵan zor densaýlyq, mol baqyt, uzaq ǵumyr, otbasyńa amandyq pen baqyt,
shańyraǵyńa shattyq pen mereke, dastarhanyńa bereke tileımin!
Jasyńa jas qosylyp, eńbegińniń jemisin kórip, otbasyńnyń tiregi,
baýyrlaryńnyń aqylshysy bolyp, árdaıym syıly ortada mártebeńiz bıikteı
bersin!
Tileımin baqytty ómir ashyq aspan,
Jalǵanda tilek bar ma odan asqan.
Aman bop januıań men baýyrlaryń,
Jalǵansyn aq tańdaryn nuryn shashqan!
Kelgendeı jaz oralyp, kúzder ótip,
Kelmeısiń nege, jastyq, júzden ótip?
Kim saǵan, o jıyrma bes, naz aıtpady,
«Taptyń»,- dep,- ne marhabat bizden ótip?!».
Bilmeımin, taptyń ba sen, tappadyń ba,
Kóp boldy júrmegeli qaptalyma.
«Qosh» aıtyp aqyrǵy ret qalyp ediń
Bir túni bizge málim qaqpa aldynda....
Men seni sonan soń da izdep edim,
Áldılep úmitimdi úzbegenmin.
Bir baryp sol bir jazǵy qaqpa aldynda...
Sezgen soń, ketip qaldym, kúzdiń demin...
Sonda da ókinbes em óz basyma,
Kim kepil ózgeden de ozbasyńa?
Talaıǵa jetkizbeı de ketip júrsiń,
Jıyrma bes, bir túnetpeı óz qasyńa!
Nege sen kárige de, jasqa da arman,
Bolsa da joldasyń joq tastamaǵan?
Álde bir kózdiń ǵana qurty ma ediń,
ótkinshi ómiri bar basta jalǵan?
Jıyrma bes, jóniń bolsa oralatyn,
Ázirge aramyzǵa jol da jaqyn.
Kári jar – jas jubaıyn ardaqtaǵysh,
Oılama qadirsiz dep qoldaǵy altyn.
Baıansyz bala emespin men keshegi,
Kelshi, kel, mápeleıin men de seni.
Júrsek te jaqsy ómirdi birge jasap,
Jastyqtyń oty máńgi sónbes edi.
25 jasqa tilek, 25 múshel jasqa arnalǵan tilek, týǵan kúnge arnalǵan

50 jasqa tilek

Jan aǵa, qutty bolsyn 50 jasyń,
Ár ýaqytta domalap órge tasyń.
Bizdi árqashan baýyryńa jaqyn tarttyń,
Árdaıym aman bolsyn altyn basyń.
Tilek ettim alǵy kúnniń ajaryn,
Sarqylmasyn ómir — ózen bazaryń.
Abyroıyń arta túsip únemi,
Haq — Táńiri kórsetpesin azabyn.
Qyzyq — shattyq jaqsylyqty kóre ber,
Jurtshylyqtyń alǵysyn tek tere ber.
Bedeliń de artsyn ylǵı ortada,
Eńbegińmen alda ósip óne ber.
Qutty bolsyn 50 jasyń belesiń,
Barlyq jannan maqtaý alyp kelesiń.
Aman bolyp jasyńa jas qosylsyn,
Alla jazsa, taǵy bir 50 jas jasarsyń.
50 jasqa tilek 50 jas mereı toıǵa arnalǵan quttyqtaýlar 50 jasqa
arnalǵan tilekter týǵan kúnge tilekter quttyqtaýlar 50 jas

70 jasqa tilek

70 jasyń qutty bolsyn búgingi kún mereıli,
Tilekterdi aıtaıyn búlkildetip kómeıdi.
Aq jaýlyǵyń aqyldyń týy bolǵan, Anashym,
Perishteler áýmın dep tilegimdi jebeıdi.
Shýyldassyn aınalyp nemereń men shóbereń,
Shańyraǵyń shaıqalmaı keńeısin taǵy keregeń.
Kóretin áli qyzyq kóp, 100-den assyn ǵumyryń,
Ortamyzda otyrshy aqyldy berip demegen.
Óz baqytyn, qýanyshyn ózi ómirge ákelgen perzentteriniń qylyǵynan,
qyzyǵynan izdeıtin aıaýly Anam meniń! Saǵan álemdegi bar jaqsy tilekti
úıip — tóksem de az. Alla sizge eń aldymen myqty densaýlyq bersin!
Árqashan júzińizden meıirim nyshany ketpeı, aınalańyzǵa nuryńyzdy shashyp,
Analyq baqytqa kenelip júre berińiz!
Aýzyn ashsa kórinetin júregi,
Bar týystyń, janashyry tiregi.
Seniń asyl qasıetiń, anashym,
Ómirime shamshyraq bop keledi.
Júregimmen aıtar bolsam bar shynym,
Bir ózińdeı uǵa almaıdy jan syryn.
70 jasyń qutty bolsyn Anashym,
Bilem ómiriń bolmaǵanyn bal shyryn.
Úlgi tutam árbir isińdi
Qandaı jumsaq alaqanyń, júziń sondaı shýaqty.
Júz jasańyz jan anashym, kórmeı endi taýqymet,
Báıtereksiz saıa bolǵan urpaǵyńa árqashan
İzgi tilekpen balalary:
70 jasqa tilek 70 jasqa arnalǵan tilekter 70 jas mereı toı 70 jasqa

Týǵan kúnge tilekter

Týylǵan kúnińizben quttyqtaımyn! Sizdiń ómirińizdiń mándi de sándi
bolsyn dep tileımin. Alǵa qoıǵan maqsatyńyzǵa jetý jolynda esh qıyndyqqa
moıymańyz. Qandaı qıyndyq bolsa da qoryqpaı alǵa qaraı basa berińiz,
ómirdiń ózi osy qıyndyqtardy jeńip, jeńiske jetýden turady emes pe?
Qıyndyqta dostaryńyz qasyńyzdan tabylsyn, dushpanyńyz qashyq bolsyn.
Ómirde árqashan sáttilik sizdiń serigińiz bolsyn, shańyraǵyńyzda shattyqqa
toly kúnder kóp bolsyn. Taǵy da týylǵan kúnińiz qutty bolsyn, ómirde bar
jaqsylyqty tileımin!\
Týǵan kúnińizben quttyqtaımyn. Men sizge mol tabys, zor densaýlyq
aınalańyzda senimdi dostaryńyz kóp bolsyn dep tileımin. Úıińiz árdaıym
meıirim shýaǵyna toly bolsyn. Jaıly ómir súrý úshin ómirge degen
qushtarlyǵyńyz, shabytyńyz artyp, alda alar asýlaryńyz kóp bolsyn, dep
tileımin. Aınalańyzǵa árdaıym shýaǵyńyzdy tógip, meıirimge bóleı berińiz.
Týylǵan kúnińizben quttyqtaımyn! Sizdiń barlyq bastamalaryńyzǵa
sáttilik, árqashan jarqyn jáne jaqsy kóńil — kúı, senimdilik tileımin.
Sonymen qosa myqty densaýlyq, ár kúnińiz merekege toly bolsyn!
Qyzmettester arasynda mártebeńiz joǵarylap, shyǵarmashylyq jetistikterge
jete berýińizge tilektespin.
Avtory: Jadyra
Týylǵan kúnge arnalǵan óleńder nemese túrli quttyqtaýlar bilseńiz, pikir
qaldyrý jolyna jazyp qaldyrýǵa bolady, saıtta jarıalanady.
Týǵan kúnge arnalǵan tilekter týǵan kúnińmen týylǵan kúnińizben týǵan

Týǵan kúnge arnalǵan tilekter

Emen aǵashy jýan, japyraǵy qalyń bolǵanyna qaramastan qatty jel tursa
tamyrymen qoparylyp qulap qalady. Al qaıyń aǵashy jińishke, názik
bolǵanymen qatty jel turǵanda sál maıysady da, jel basylǵan soń boıyn
qaıta tiktep, japyraqtaryn kúnniń nuryna malyndyryp jaıqalyp turady.
Búgingi
týylǵan kún
ıesi de osy qaıyn aǵashy tárizdes – ómirde de, qyzmette de basyna qandaı
qıyn is tússe de jasymaǵan, baǵy jansa tasymaǵan, tirshiliktiń qandaı
aýyrtpalyqtaryn, qıyn kezeńderin kórse de moıymaı, kúrese bilgen azamat,
myqty qyzmetker, aıaýly jar, ardaqty áke jáne de aınymas adal dos.
Dosym, aldaǵy ómirde de abyroıyn artyp, eńbegiń jana bersin! Ul —
qyzdaryńnyń, týǵan — týys, dos — jarandaryńnyń ortasynda syıly
bolyp, baqytty ǵumyr keshe ber!
Ómir mynaý qatar soqqan jeńilimen aýyryn, shýaǵymen daýylyn.
Búgin mynaý seniń týǵan kúninde, qandaı tilek aıtsam eken baýyrym.
Saǵan, baılyq tiler em, biraq ol bir áńgúdik, esigińnen kirgenmen tań
kúlip
Júrgenimen sherý tartyp tań quryp, saǵan joldas bola almaıdy máńgilik.
Bálkim, erlik tiler em men tamyr alǵan tózimmen, erlik sezim biraq seniń
tabylady ózińnen.
Onsyz adam júre alama toqpaqtar men shoqsyzda.
Al sulýlyq tiler em men, sulýsyn sen onsyz da.
Qaıtsem eken, men odan da barlyq adam ańsaǵan
Barlyq adam san myń jyldar arman etip sharshaǵan
Al san myńy tegelesip tamsanǵan,
Kez kelgenniń ýysyna túspeıtin, kez kelgenniń baqshasynda pispeıtin
Zor MAHABBAT tileıinshi men saǵan!
Búgin seniń týylǵan kúniń — tól merekeń, qýanyshyń. Biz seni osy
merekeńmen quttyqtap, qýanyshyńdy bólisýge kelip otyrmyz. Eger qyp —
qyzyl shoqqa maı tamyzsań lapyldap janady, al sý tamyzsań byqsyp sónedi.
Baýyrym, seniń baǵyń sol bir tamshy maımen — aq jansyn, sol baǵyńnan
shyqqan jalyn senin ómirińdi jaryq etsin! Baqytty bol!
Saǵan aıtar tilek
Taýsylma eshqashan
Qınalsań — tóz
Jaryssań — oz
Oınasań — ut
Kúresseń — jyq
Eshkimdi basynba
Basyńnan asyrma
Tabysqa tasyma
Namysqa jasyma
Eshkimdi kún deme
Eshkimdi tildeme
Sózińnen tanba
Qataryńnan qalma
Bireýdi dattama
Eshqashan kek saqtama
Bireýdi syrtynan aıdama
Ósekti tyńdama
Shynyǵyp shyńdal
Jaqsydan úlgi al!
Týǵan kúniń qutty bolsyn,
Densaýlyǵyń myqty bolsyn.
Ár tańyń araılap atyp,
Ómiriń máńgi nurǵa tolsyn!
Ómir saǵan jyly sózin arnasyn,
Qaıǵy-muńǵa júrekte oryn bolmasyn.
Janaryńnan kún kúlimdep árqashan,
Aı men juldyz keýdeńe kep ornasyn.
Týǵan kúnge  arnalǵan tilekter týǵan kútiń qutty bolsyn quttyqtaý

Týǵan kún

Týǵan kún (Muhtar Shahanov)
Ómir mynaý qatar tosqan
Jeńili men aýyryn,
Shýaǵy men daýylyn.
Búgin myna seniń týǵan kúnińde
Qandaı tilek aıtsam eken, baýyrym?
Saǵan baılyq tiler em men,
Biraq ol bir áńgúdik,
Esigińnen kirgenimen pań kúlip,
Júrgenimen sherý tartyp, sán quryp,
Saǵan joldas bola almaıdy ol máńgilik.
Bálkim, erlik tiler em men,
Tamyr alǵan tósińnen,
Erlik sezim biraq seniń tabylady ózińnen,
Onsyz adam júre ala ma
Soqpaqtar men jolsyz da,
Al sulýlyq tiler em,
Sulýsyń sen onsyz da.
Qaıtsem eken?
Men odan da barlyq adam ańsaǵan,
Barlyq adam san myń jyldar arman etip sharshaǵan,
Azy jetip, al san myńy tek elesin tamsanǵan,
Kez kelgenniń ýysyna túspeıtin,
Kez kelgenniń baqshasynda pispeıtin,
Zor mahabbat tileıinshi men saǵan.

Bir jas bar – 10 jas degen oınaqtaǵan

Taı minip, jabaǵyny oınaqtatqan.
Kelgen soń odan ári – 15 jas bar,
Jastyq shaq esh nárseni oılatpaǵan.
20 — da óz júzińdi túzeısiń ǵoı,
Shashyńdy keıin qaraı kúzeısiń ǵoı,
Úlgisin aǵalardyń kórgennen soń,
Oı — oılap ár nárseni júdeısiń — ǵoı.
30 — da, 30 — da úı ıesi bolasyń — ǵoı,
Balańdy áldı qaǵyp alasyń — ǵoı,
Kelgen soń odan ári – 35 jas,
Jigittik qydyrystan qalasyń — ǵoı.
Bir jas bar – 40 degen – qylysh eken,
Moınyńdy bir jumysqa burys eken,
Kelgen soń odan ári – 45 jas,
Boryshty bolmaǵanyń durys eken.
Elýde ebiń kelmes eńkeıgenmen,
Qyzdarǵa qolyń jetpes kórkeıgenmen.
Kelgen soń – 55 jas, 60 jasqa,
Shal bolyp oınaısyń ǵoı kempirlermen.
70 — te jer taıanbaı tura almaısyń,
Qolyńa taıaq almaı júre almaısyń.
Balań men kempirińe tiliń ótpeı,
Áńgime kóp ishinde qura almaısyń.
80 — de shal bolarsyń selkildegen,
Jel soqsa jelmen birge úlpildegen,
Balań men kelinińe tiliń ótpeı,
Renjisip otyrǵanyń kempirmenen.
90 — da shal bolarsyń tomyrtqadaı,
Tastaǵan shala mujyp omyrtqadaı,
Ómirden óterińe sengiń kelmes,
Dushpanǵa jazataıym bergiń kelmes.
Jetkende jasyń 100 — ge, janyń tátti,
Qoınyna qara jerdiń kirgiń kelmes.

Týǵan kúnde túrli merekede oınaıtyn oıyndar

Týǵan kún keshterinde oınaıtyn oıyn túrleri
Men qarańǵyda da kóremin.

Qajetti zattar: kózdi baılaǵysh oramal
Tásili: Júrgizýshi bir jigitti shyǵaryp kózin baılaıdy, sodan soń 3 — 4
qyzdardy shaqyrady.

Jigit kózi baılaýly kúıinde qyzdardyń atyn durys ataýy kerek.

Laqtyrý
Qajetti zattar: ydys jáne tıyndar (15 — 20) tıyndar.

Tásili: Oıynǵa 2 — 3 oıynshy qatysady. Ydystan alysyraq turyp tıyndardy
laqtyryp ydystyń ishinde túsirý tapsyrylady. Kim ydysqa tıyn túsirse sol
jeńimpaz.

Tabys tabý
Qajetti zattar: eki plasmassa stakan, 20 – ǵa jýyq maıda tıyndar.

Tásili: Bul oıynǵa eki jup qatysady. eki jigit, eki qyz shyǵady, jigit
qolyn artqa qaratyp stakandy ustap turady, qyz 2 metr alys turyp,
jigittiń ustap turǵan ydysyna tıyndy laqtyryp túsirýi qajet. Múmkindik
bolsa, ydysty jigittiń beline bekitip qoıýǵa bolady, oıyn odan da qyzyq
bolýy múmkin. Qaı jup tıyn kóp jınasa sol jup jeńimpaz.

Shar úrleý
Qajetti zattar: 9 shar, baılaıtyn jip qajet.

Oıynnyń tásili: shardy tez úrlep jippen baılaý.

Júrgizýshi úsh oıynshyǵa úsh shar jáne baılaıtyn jipti usynady. Kim tez úrlep
bitirse, sol jeńimpaz.

Súıiktim
Qajetti: eki oıynshy
Tásili: ekeýi bir — birine jyly sózder aıtyp jarysady. Toqtap qalǵan
adam jeńilis tabady.

Sý tasýshy
Qajetti zattar: sý toltyrylǵan eki ydys, 2 qasyq, 2 stakan
Júrgizýshi eki oıynshyny shaqyrady.

Tásili: eki ústel ústinde sý toltyrylǵan eki ydys turady, eki stol
ústinde qasyq turady. Árirekte eki stoldyń ústinde stakan turady.

Ydystaǵy sýdy qasyqpen tasyp stakanǵa quıý tapsyrylady. Kim stakanǵa kóp
sý quısa sol jeńimpaz.

Alma jegiń kele me?

Qajetti zattar: 4 alma, 4 kóz baılaǵysh oramal.

Júrgizýshi eki jupty shaqyrady, eki qyz, eki jigit bolǵany durys.

Tásili: Tórteýiniń kózin baılaıdy. Bir — birine qarama qarsy turyp,
qolyndaǵy almany kózi baılaýly kúıinde jegizý qajet. Almany kim tez jep
bitirse sol jeńimpaz. Ár oıynshy óz qolyndaǵy almany jeýine bolmaıdy.

Túrli oıyn túrlerin bilseńiz bólise otyryńyz, pikir qaldyrý jolyna jazba
qaldyrýǵa bolady.

Mereıtoı batasy

Toı dastarqany mol bolsyn,
Berekeli qol bolsyn,
Toıǵa kelgen qonaqtyń,
Bárine sátti jol bolsyn.
Tilekteriń oń bolsyn,
Juqarmaıtyn qoń bolsyn,
Ekeýińniń kıgeniń,
Altyn jaǵaly ton bolsyn.
Qurmetti toı ıesi,
İsińdi taǵdyr ońdasyn,
Qaıda júrseń qoltyqtap,
Qydyr babań qoldasyn!
Jambylǵa uqsap kóp jasa,
Deneńde dert bolmasyn,
Toıyń toıǵa ulasyp,
Jan — júregiń tolǵansyn!
Kúnnen — kúnge kóbeısin,
Dos — jaranyń, joldasyń.
Baqytyń tassyn ámanda,
Bergenin Táńiri almasyn!
Ómirińdi uzartyp,
Bala menen nemereń,
Shóbereń men shópshegiń,
Týajattar jalǵassyn!
Áýmın!
Nemereńdi ósirip,
Shóbereńdi jetektep,
Shashqan Alla yrzyǵyn,
Tere bergin etektep,
Qut bolyp, meken turaǵyń,
Jaıqala bersin quraǵyń,
Laılanbasyn bulaǵyń.
Jarqyraı bersin shyraǵyń,
Jastaryń júzge jetkenshe
Tarqamasyn bir — birińe qumaryń.
Áýmın!
Qabyl ǵyp Alla tilekti,
Qýanta bersin júrekti.
«Altyn toıym bolǵaı» dep,
Tileýmen qansha kún ótti.
Tilekti Alla bergeni,
Toıyń ótip dúbirlep,
Osynsha jannyń kelgeni.
Baqytty jandar bolyńdar.
Mereıi bıik eldegi,
Arýaqtar qoldasyn,
Jamandyq eshbir bolmasyn.
Dáýletiń tasyp budan da,
Tepseń ketpes basyńa,
Baıandy baqyt ornasyn.
Uzaq bolyp jastaryń,
Qyzyǵyn kórip balalardyń,
Ashyq bolsyn aspanyń.
Áýmın!
Qutty bolsyn kúmis toı,
Toı degeniń yrys qoı.
Altyn jamby bersem de,
Ekeýińe durys qoı.
Kúmis toıdyń aıaǵy,
Altyn toıǵa jalǵassyn.
Jarylqasyn jandaryń
Júzindeı aq almastyń.
Tası bersin dáýletiń,
Jarasyp sán — sáýletiń.
Qara qaýym el bolyp,
Ósip — ónsin áýletiń.
Syıly bolyp bastaryń,
Ajyramaı juptaryń,
Júzge jetsin jastaryń!
Áýmın!

18 jasqa arnalǵan quttyqtaý, tilek

Qaryndasym!

Búgin, mine, sen úshin
Aspan nurdan áshekeıin taǵyndy.

Kúmis ózen kúlip sylq — sylq aqty da,
Ózi quıar kók teńizin saǵyndy.

Búgin, mine, sen úshin
Dala shat bop jasyl jibek jamyldy.

Óıtkeni sen 18 — ge tolǵan kún!!!

Bir sen úshin mynaý shárbat ómirdiń
«On segiz!!!» dep qońyraýy qaǵyldy!

Seni búgin 18 — ge toldy dep,
Ata — anamyz qýanysty, shattandy.

Saǵan tilep baqyt toly aq tańdy.

Men de aǵań bop — baýyryń bop qýandym,
Kórgendeı bop nur júzińnen
Naýryzdaǵy kirshiksiz bir aq qardy.

Seniń janyń sol aq qardaı kirshiksizin bilemin,
Armandarǵa toly seniń júregiń.

Sondyqtan da sen shyqqanda 18 — diń qyryna,
Sol armandar oryndalsa eken dedim —
Tiledim!

Qaryndasym!!!

Qutty bolsyn týǵan kúniń búgingi!

Dostaryń da kórer seniń shattyq toly túrińdi.

Saǵan bári,
bári mynaý adamdardyń tilekshi,
Ákelgendeı 18 jas eń baqytty kúnińdi.

Sen asyqtyń, bilem, ylǵı búginge,
Jazylyp — aq turatuǵyn ishki alańyń túrińde.

Búgin sen de 18 — diń qushaqqa aldyń shat gúlin,
Ómir — ózen,
Sol ómirde eshqashan da súrinbe!

Aǵa bolyp, bir úıde ylǵı ótse — daǵy kúnderim,
Aǵalyqty qansha jasaı alǵanymdy bilmedim.

Maǵan jaqsy seniń mynaý tek kóktemnen turmaıtuǵyn ómirde
Kóz jasynsyz júrgeniń.

Týǵan kúniń!!!

18 — ge tolypsyń.

Dostaryń da búgin seni burynǵydan kóp uqsyn!

Seniń mynaý osy shaqtan bastalatyn albyrt, arman jolyńda
Tek jaqsylyq jolyqsyn!

Búgin, mine, 18 dep baqyt tańy atypty,
Senen buryn osy jastyń bal dámin
gúl ómirde talaı ápke tatypty.

Sen kishkentaı qyz ediń,
Toqtata almas degen osy ýaqytty.

Saǵan búgin 18 bop kelsin barlyq shattyǵyń!

Aǵa bolyp tilerim:
Ómirde bol baqytty!

Avtory:
Ǵabıden QOJAHMET,

40 jasqa tilek

40 jasqa tilek – quttyqtaý
40 jasqa tilek
40 jasqa
Jylqyda da jylqy bar – (qazanaty bir bólek»,
Jigitte de jigit bar – azamaty bir bólek, dep – eline eleýli, halqyna
qalaýly ózińdeı azamatqa arnalyp aıtylsa kerek. Qyryq jas mereıtoıyń
qutty bolsyn!
Qyryq jasqa tolǵanyń –
Qyrdan asyp qalǵanyń.
Armanyńdy jalǵa myń,
Baq syılasyn aldy kún.
Ómir mánin shyn uq ta,
Qıalǵa órle qyryqta.
Ósıetin babalar
Eshqashanda umytpa.
Qyzyǵy kóp qyryqtyń,
Ómir alǵa basty anyq.
Gúli jaınap úmittiń,
Júr árdaıym jas bolyp.
40 degen kónbeıtin jas quryqqa,
40 degen unaıtyn jas bar jurtqa.
Qamal alǵan qutty bolsyn jasyńyz,
Órleı bersin órge qaraı tasyńyz.
40 degen kónbeıtin jas quryqqa,
40 degen unaıtyn jas bar jurtqa.
Qamal alǵan qutty bolsyn jasyńyz,
Órleı bersin órge qaraı tasyńyz.
At jalyn tartyp qamal buzatyn 40 jasqa kelgen týǵan kúnińiz qutty
bolsyn!
Siz talap pen jiger jetelegen ómir órisinde ózgelerden ozyp
daralandyńyz.
Igi isterińizdiń qashanda ońǵa basýyna, ár qadamyńyzdyń qarymdy bolýyna,
el — qoǵam aldynda abyroıyńyzdyń arta berýine tilektespiz.
Aspanyńyz ashyq, júzińiz jarqyn, otbasyńyz berekeli, ár kúnińiz merekeli
bolsyn!

Qurbyǵa tilek

Ómir mynaý qatar soqqan jeńilimen aýyryn, shýaǵymen daýylyn. Búgin mynaý
seniń inde, qandaı tilek aıtsam eken baýyrym. Saǵan, baılyq tiler em,
biraq ol bir áńgúdik, esigińnen kirgenmen tań kúlip Júrgenimen sherý
tartyp tań quryp, saǵan joldas bolmaıdy ol máńgilik. Bálkim, erlik tiler
em men tamyr alǵan tózimmen, erlik sezim biraq seniń tabylady ózińnen.

Onsyz adam júre alama toqpaqtar men shoksyzda. Al sulýlyq tiler em men,
sulýsyń sen onsyzda. Qaıtsem eken, men odanda barlyq adam ańsaǵan Barlyq
adam san myń jyldar arman etip sharshaǵan Al san myńy tegelesip tamsanǵan,
Kez kelgenniń ýysyna túspeıtin, kez kelgenniń baqshasynda pispeıtin Zor
MAHABBAT tileıinshi men saǵan!

..... seni men quttyqtaımyn! Ómirde baqytty bol! Qyzmetińde tabysty
bolýyńa tilektespin! Myqty densaýlyq, zor baqyt, qajymas qaırat
tileımin. Mahabbatyń móldir, aspanyń árdaıym ashyq bolsyn! Eńbekte
tabystan tabysqa jete berýińe shyn júrekten tilektespin. Aldaǵy maqsatyń
men ańsaǵan armanyńa jete ber! Jyl saıyn aǵaıyn týys baýyrlar jınalyp,
seniń týǵan kúnińdi toılaı berýge jazsyn!

Qutty bolsyn —— kelgenińiz,
Tilekshi kóp, bizde sonyń birimiz.

Ortamyzda janashyr bop júresiń,
Bolǵannan soń birge shyqqan túbimiz.

Úzilmesin ómirińniń jyr – áni,
Baqytyńnyń órge tartyp bulaǵy.

Eńbegińniń tek zeınetin kóre ber,
Keler kúnniń sáýleli bop shýaǵy.

Seni týǵan kúnińmen shyn júrekten quttyqtaımyz, oılaǵan armanyńa jetýińe
tilektespiz. Seni tek bıikterden kóreıik. Qadamyńa — gúl, kelbetińe
— nur, qıalyńa qanat bitsin, jasyńa — jas, basyńa bas qosylsyn!

Shańyraǵyńa qut — bereke, beıbit kúnniń araıly shýaǵy meılinshe tógile
tússin, otbasyńa — amandyq, denińe — saýlyq, uzaq ǵumyr tileımiz,
armanyń — asqaq, shyǵar bıigiń asqaraly bolsyn! Árdaıym qushaǵyń —
gúlge, qadamyń nurǵa tola bersin! Baqytty ómir súrýińe shyn júrekten
tilektespiz!

Qurmetti dosym týylǵan kúniń qutty bolsyn. Seni shyn júrekten quttyqtaı
otyryp saǵan densaýlyq, taý sýyndaı sarqylmas baqyt tileımin. Aıta
bersem tileıtin tilek kóp, jaza bersem maıysatyn qalam kóp, aspanyn ashyq
bolsyn, súıgenin bir ózińe ǵashyq bolsyn. Súıgenine súrinbeı jet, súrinip
qalsań eńbektep jet!

Qyzǵaldaqtaı jaınaı bersin ómiriń,
Sýdaı tolyp kóterilsin kóńiliń.

Esh Qashanda kóńilińdi kir shalmaı,
Baqytty da uzaq bolsyn ómiriń.

Qansha juldyz álemde!

Qansha tolqyn teńizde!

Sonsha baqyt tileımin
Baqytty bol ómirde!

Jeńili men aýyry, shýaǵy men daýyly qatar júretin Ómir atty uzaq joldyń
aıaǵy talmas jolaýshysy bol! Ómir qýanyshyn syılaǵan ata — anań men
janashyr baýyrlaryńnyń kóz qýanyshy, súıiktińniń aıaýlysy, dostaryńnyń
qalaýlysy bol! Araılap atqan árbir tań men nurlana batqan árbir kesh
baqyt syılasyn!

40 jasqa tilek, quttyqtaýlar, óleńder

Beý, dosym, qutty bolsyn qyryǵyńyz,
Qyryqtyń baqshasynda qydyryńyz.
Bereri az bolmasyn bes kún jalǵan,
Alqyzyl gúldeı bolsyn ǵumyryńyz.
Elý men alpysta da nar bolǵaısyń,
Jetpis pen seksende de bar bolǵaısyń.
Toqsannyń tóbesine shyqqan shaqta
Nemere — shóbereli shal bolǵaısyń.
Qyryq degen kónbeıtin jas quryqqa,
Qyryq degen unaıtyn jas bar jurtqa.
Qamal alǵan qutty bolsyn jasyńyz,
Órleı bersin órge qaraı tasyńyz.
Qyryq jasqa tolǵanyń –
Qyrdan asyp qalǵanyń.
Armanyńdy jalǵa myń,
Baq syılasyn aldy kún.
Ómir mánin shyn uq ta,
Qıalǵa órle qyryqta.
Ósıetin babalar
Eshqashanda umytpa.
Qyzyǵy kóp qyryqtyń,
Ómir alǵa basty anyq.
Gúli jaınap úmittiń,
Júr árdaıym jas bolyp.
Qyryqtyq qyryna shyǵyp, qamal alatyn 40 jasqa kelgen týǵan kúnińiz qutty
bolsyn!
Áýelgi baqyt – densaýlyq, ekinshi baqyt – aq jaýlyq, úshinshi baqyt – on
saýlyq tileımin. Siz talap pen jiger jetelegen ómir órisinde ózgelerden
ozyp daralandyńyz. Bastaǵan isterińizdiń qashanda ońǵa bolýyna, ár
qadamyńyzdyń qarymdy bolýyna, el — qoǵam aldynda abyroıyńyzdyń arta
berýine tilektespiz. Aspanyńyz ashyq, júzińiz jarqyn, otbasyńyz berekeli,
kúnderińiz merekeli bolsyn!

Týǵan kúnde oınaıtyn oıyn túrleri

Merekelik keshterde nemese týǵan kún keshterinde oınalatyn
oıyn túrleri
Matematıkalyq oıyn
Bul oıyn mýzyka arqyly oryndalady. Birneshe oıynshy shyǵyp bı arqyly aýada
san (sıfr) jazady. Al kórermender qandaı san jazylǵanyn tabýy kerek.
Esep jazýǵa da bolady biraq, ońaı bolýy kerek mysaly: 2+5. Qalǵandary
sheshýin tapqansha oıynshylar bıin jalǵastyra beredi.
Bul oıyn túri óte qyzyq. Barlyq oıynshy óziniń ne qalaıtynyn qaǵazǵa
jazyp, qaǵazdaǵy jazýy kórinbeıtindeı etip búktep, bankige nemese aýzy
keń býtylkaǵa salady. Stoldyń ortasyna qoıyp aınaldyrady, bankiniń aýzy
kimge qarap tursa, sol adam qaǵazda jazylǵan tapsyrmany oryndaıdy.
Qaǵazǵa jazylǵan tapsyrma qyzyq bolýy kerek. Mysaly: strıptız bılegim
keledi nemese bir bokal shampan ishkim keledi t. b.
Jemister
Bul oıyn eki komandaǵa bólinip oınalady. Úlken eki ydysqa sý quıyp ishine
alma, almurt, apelsın, mandarın t. b. jemisterdi salýǵa bolady. Eki
ydystaǵy jemister sany birdeı bolýy kerek. Oıynshynyń qolyn artqa baılap,
ydystyń ishinen jemisti aýzymen alyp shyǵarý tapsyrylady. Oıyn barysynda
jaqsy áýen oınap turýy kerek.
Qımyl arqyly
Bul oıynǵa otyrystaǵy barlyq adam qatysýǵa bolady. Qaǵazdy bólikterge
bólip alyp, otyrysta otyrǵan adamdardyń aty jeke — jeke jazylyp,
búktep ydysqa salynady. Oıynshylar bir qaǵazdan alady. Qaǵazda kimniń aty
jazylǵan bolsa, sol adamdy qımyly arqyly kórsetýi qajet. Qalǵandary kim
ekenin tabýy kerek.
«Óte mańyzdy málimet»
Tutqyndardyń qolyna mańyzdy qujat bar, sol qujaty dittegen jerge jetkizý
qajet. Ol úshin oıynshylar eki topqa bólinedi. Qujat jyrtylmaıtyndaı qaǵaz
bolǵany durys. Oıynshylar ekige bólinip qatar turady. Barlyǵynyń qoldary
artqa baılanady, qaǵazdy aýzymen bir — birine berý arqyly sońǵy adamǵa
jetkizýi qajet. Munda jyldamdyq qajet. Qaǵaz jerge qulamaýy kerek. Qaı
top birinshi bolyp oryndasa sol top jeńimpaz.
«Qolǵap pen túıme»
Birneshe jup ortaǵa shaqyrylady. Er adamdarǵa qalyń qysqy qolǵaptar
beriledi. Al qyzdardyń kıiminiń ústinen kóılek nemese halat kıgiziledi.
Er adamdar seriktes áıeliniń ústindegi túımelerdi qolǵappen tez taǵyp
shyǵýy tıis.
Tilekter saıysy
5 qatysýshyny ortaǵa shaqyramyz. Olardyń árbireýi kezekpen bir tilek aıtýy
tıis. Bes sekýndtan artyq oılanǵan oıynshy oıynnan shyǵarylady. Sońyna
deıin jetken adam jeńedi.
Týǵan kúnde oınaıtyn oıyndar №2
týǵan kúnde oınalatyn oıyn oıyn túrleri jańa jylǵa arnalǵan oıyn túrleri

Týǵan kúnge arnaý

Mineziń bar ákeńdeı bir salmaqty,
Jigit bolyp óse bergin jan — jaqty.
Quttyqtaıdy naǵashylar áýleti,
Tarazdyq Mýhıt atty naǵashy!
Kózimizdiń aǵy menen qarasy,
Aman júrshi Quraqbaıdyń balasy.
Týǵan kúniń qutty bolsyn Qaısarjan,
Qamqorshy ǵoı árqashan da naǵashy.
Basqalardan óte jaqyn bolady,
Jıen menen naǵashynyń arasy.
Tıip ketse qol qaltyrap qalatyn,
Qudirettiń kúshtiligin qarashy!
Syrlasatyn, syılasatyn ózińmen,
Eń birinshi naǵashym dep sanashy.
Pikir qaldyrý jolyna týylǵan kúnge arnalǵan tilekterińiz bolsa qaldyrýǵa
bolady.

Jıi qoıylatyn suraqtar

50 jasqa qandaı tilek aıtqan jón?

50 jas — mereıtoı sanalady. Bul jasta densaýlyq, nemere qyzyǵy, urpaǵynyń órkendeýi jáne eńbeginiń jemisin kórý tilenedi.

Týǵan kúnge óleńmen tilek aıtý durys pa?

Iá, qazaq dástúrinde tilekti óleńmen aıtý joǵary baǵalanady. Óleń túrindegi tilek este jaqsy qalady jáne merekege erekshe kórik beredi.

Áripteske qandaı tilek aıtýǵa bolady?

Áripteske qyzmettik ortaǵa saı, shekten shyqpaıtyn tilek aıtylady: mansap ósýi, ujymdaǵy syılastyq, otbasy amandyǵy.

Uqsas bólimder