Túlekterdiń mektebine, ustazdaryna syılyq berýine tyıym salynady
Mektep túlekteriniń bilim ordasyna, ustazdaryna syılyq berýine tyıym salynady. Bul týraly QR Bilim jáne ǵylym vıse-mınıstri Sholpan Karınova aıtty.
«Bıylǵy oqý jylynyń bitýine, mektep sharalaryn ótkizýge baılanysty qarajat jınalmaýy qatań tártipte baqylanýy tıis. Oǵan árbir mekteptiń basshysy jeke jaýap beredi. Mekteptiń ákimshiligi jáne qamqorshylyq keńesi barlyq ata-analarmen mektepke nemese muǵalimderge, synyp jetekshilerine syılyq jasaýǵa bolmaıtyndyǵy jóninde jumys júrgizýi qajet», — dedi Sholpan Karınova mınıstrliktiń Facebook paraqshasynda onlaın rejımde ótken apparat jınalysynda.
Onyń atap ótýinshe, túlekterdiń qatysýymen ótetin is-sharalar mektepte 11-synyppen jumys isteıtin pedagogterdiń, synyp jetekshileriniń uıymdastyrýymen júrgizilýi qajet.
«Osy is-sharalardy ótkizý barysynda jasaýǵa bolmaıtyn jaıttarǵa taǵy bir nazarlaryńyzdy aýdaramyz. Birinshiden, is-sharalardy ótkizý barysynda ártúrli agenttikterdi, jekemenshik stýdıalardy ne anımatorlardy shaqyrýǵa bolmaıdy. Mundaı is-sharalar keń aýqymdy bolmaýy da qajet. Merekelik dastarqan jaıaý máselesi múldem qarastyrylmaýy tıis. Mektep bitirýshiler birneshe avtomobıl jaldap, qala ishin, jergilikti jerlerdi aralamaýy kerek. Meıramhana, dámhana jáne basqa da kóńil kóterý oryndarynda túlekterdiń qatysýymen sharalar boldyrmaý úshin ata-analarmen tıisti jumysty júrgizilýi qajet», — dedi Sholpan Karınova.
You Might Also Like
-
Uqsaıtyn sheńberge Qabyrǵasy jıylyp, keriledi. Jıhazy ol keń bólme, Tóbesinen juldyzdar kórinedi. (Kıiz úı)
-
Bıyl pedagogtterdi atestattaý 3 kezeńmen ótedi. Bul týraly QR Bilim jáne ǵylym mınıstrliginiń Mektepke deıingi jáne orta bilim komıtetiniń tóraıymy Maıra Meldebekova aıtty.
