Túlki men qoıan
Áýeli túlkiniń quıryǵy joq edi. Árqashan qasqyrmenen tatý turmaǵan sebepti quıryǵynyń joqtyǵy júrgen izin jasyra almaı, oǵan bek qatty zalal keltirgen. Sonyń úshin qasqyr árdaıym túlkiniń artynan túsip, ańdyp júrip, bir kúni qasqyr baryp onyń inine kirgen. Ágárdá túlki inniń basqa jaǵyndaǵy aýzynan shyǵyp ketpese, óltirip tastar edi. Álden soń túlki aǵash ishine kirip ketip, aǵashtyń túbinde turǵan qoıandy kórdi. Ol mezgilde qoıandardyń quıryǵy uzyn bolyp, shapshań júrgenderine yńǵaısyz bolyp turýshy edi. Sol jerde túlki qoıandy ustap alyp, óltirmekshi bolyp jatqanda, qoıan surapty: «Meni óltirme, saǵan quıryǵymdy syıǵa bereıin», — dep ýaǵda qylady. Munysyna túlki kónip, ekeýi sol jerde quıryqtaryn aıyrbastaıdy. Sonan beri túlkiniń quıryǵy uzyn bolyp, qoıannyń quıryǵy qysqa bolyp qalǵan eken.
You Might Also Like
-
Qazaqtyń esepterinde jyldan úlken múshel degender bar. Múshel — on eki jyl bolady. Sol jyldardyń attary ár haıýannyń attaryna uqsaıdy. Mysaly: Áýeli jyl múshelde — tyshqan, ekinshi — s...
-
Burynǵy zamanda bir baıdyń bir ıt, bir mysyǵy bar eken. Iti kári, mysyǵy jas eken. Kúnderdiń birinde álgi baı ıt pen mysyqqa jumys tapsyrypty. Ol:
