InfoHub Logo

Taqyryby: Týma talant-tuǵyrly ǵalym
Maqsaty: Oqýshylardy fızıka-matematıka ǵylymdarynyń doktory, profesor Orynbek Ahmetbekuly Jáýtikovtiń ómiri men ǵylym jolynda eńbekterimen tanystyra otyryp matematıka ǵylymyna qosqan úlesi týraly maǵlumat berý, bolashaq matematıkterdiń óz mamandyǵyna degen qyzyǵýshylyǵyn arttyrý.

Túri: Suhbat
Barysy:
1-júrgizýshisi: Armysyzdar qurmetti oqytýshylar!
2-júrgizýshi: Sálemetsizder me, baıandy eldiń bolashaqtary, jas matematıkter! Jańashyldyqqa jany qumar jastar!
1-júrgizýshi: «Ár kezeńniń óz mindetteri bar» dep uly Geıne aıtqandaı, árbir oqý jyly jarqyn ister, jańa ıdeıa, tyń dúnıelermen bastalady.
Ustazdyqty ulyq tutqan, óz isine úlken jaýapkershilik sezimimen qaraıtyn oqytýshynyń da, bilimdi ómiriniń maqsuty etken oqýshynyń da árbir oqý jylynan kóp jańalyq kútetini daýsyz.

2-júrgizýshi: Oqý ornymyzdyń jańa oqý jylyndaǵy jumys taqyryby QR bilim berýdi damytýdyń 2011 – 2020 jyldarǵa arnalǵan memlekettik baǵdarlamasy talaptaryna saı bilim sapasyn damytý arqyly kásibı quzyretti mamandar daıarlaý deńgeıin arttyrý bolyp otyr.

1-júrgizýshi: Kásibı quzyretti maman degenimiz - ózindik quzyrettiligi joǵary, óz mamanynyń sheberi, ıaǵnı jan-jaqty mamandyǵyn tolyq ıgergen tulǵa. Sondyqtan túrli quzyrettilikti boıymyzǵa sińirý-bul bizdiń mindetimiz. Kásibı quzyretti maman bolýdyń alǵy sharty-tulǵa bolý. Al, tulǵa bolý úshin joǵary jetistikterge talpynatyn, fýnksıonaldy damyǵan, qazirgi qoǵamǵa qajetti bolýymyz qajet.

2-júrgizýshi: Osy maqsatta jas matematıkterge aıtýly tulǵalardyń biri - ashqan jańalyqtarymen álemge tanymal bolǵan matematık Orynbek Ahmetbekuly Jáýtikov týraly jan-jaqty maǵlumat bersek degen oıdamyz.

1-júrgizýshi: «Matematıka – tank júrgizýshige qajetsiz bolǵanymen,tank jasaýǵa qatysatyn ǵylym»-dep matematıka ǵylymynyń doktory, profesor, akademık Serikbaı AISAǴALIEV aıtqandaı Orynbek Jáýtikovtiń zerttegen jumysynyń, ashqan jańalyǵynyń qoǵam men matematıkanyń damýyna zor úlesi bolǵany sózsiz.

2-júrgizýshi: Endeshe alǵashqy sóz kezegin BM-L-09 tobynyń stýdenti Jánábilova Úmitaıǵa bersek.
Jánábilova Úmitaı: «Ultyna ǵumyryn arnaǵan uly tulǵa»

1-júrgizýshi: Matematıka-adam úshin, adam matematıka úshin jaralǵan. Men Jáýtikovti matematıka úshin jaralǵan der edim. «Jáýtikov ǵylym jolynda...». Sóz kezegin M-L-10 tobynyń stýdenti Buldyryqova Balǵynǵa bersek.

2-júrgizýshi: «Jaqsy kitapty oqý ótken ǵasyrdaǵy kemeńgerlermen aýyzba-aýyz sóıleskenmen birdeı jáne olar ózderiniń eń ozyq aqyl-oılaryn aldymyzǵa jaıyp salady»-dep R. DEKART oqýlyq pen kitap jaıynda osyndaı tamasha oılaryn bildirgen eken.

1-júrgizýshi: Endeshe Jáýtikov jazǵan kitaptary jaıynda M-L-10 tobynyń stýdenti Seralıeva Raıhan tarqatsyn.

2-júrgizýshi: Osyndaı tamasha kitaptardyń avtory, daryndy matematık Orynbek Jáýtikovtiń atynda daryndy balalarǵa arnalǵan fızıka-matematıka mektebi bar ekeni barshamyzǵa málim. Osy mektepti jan-jaqty zerttegen, óz oıymen bólisýge ortaǵa Qońyrbaeva Aıbanýdy shaqyramyz.

1-júrgizýshi: Jıenqojaeva Quralaı: «O.Jáýtikov atyndaǵy olımpıadalar»

2-júrgizýshi: Qurmetti oqýshylar! Sizderdi Fızıka-matematıka ǵylymdarynyń doktory, profesor Orynbek Ahmetbekuly Jáýtikovtiń ómiri men ǵylym jolyndaǵy eńbekteri týraly tolyq maǵlumat aldy degen oıdamyz.

1-júrgizýshi: «Aqyl-oıdy tártipke keltiretindikten matematıkany oqý kerek» dep M.V.Lomonosov aıtqandaı, matematıka ǵylymyn súıip oqıyq.

2-júrgizýshi: Qosh, saý bolyńyzdar!