InfoHub Logo

Búgin, 19 mamyrda Túrkistandaǵy Qoja Ahmet Iasaýı atyndaǵy Halyqaralyq qazaq-túrik ýnıversıtetinde IýNESKO-nyń 2016 jyldy «Qoja Ahmet Iasaýı jyly» dep jarıalaýyna oraı túrki áleminiń zıalylary bas qosty.

Túrki áleminiń túp qazyǵy Túrkistan shaharynda ótken bul jıynnyń Túrki álemi úshin mańyzy zor. Saltanatty jıyn, Túrkıadaǵy «Túrki áleminiń jazýshylary jáne kórkemónerpazdary qorynyń» kezekti «XX halyqaralyq túrki álemine eńbegi sińgen tulǵalardy marapattaý» rásimimen bastaldy. Ol «Túrki tildes respýblıkalardyń Táýelsizdigine 25 jyl» atty ǵylymı jıynǵa ulasty.

Ǵylymı basqosýdy Halyqaralyq Túrki Akademıasynyń prezıdenti Darhan Qydyráli júrgizdi. Jıynǵa kelgen túrki áleminiń zıalylary, QR Táýelsizdiginiń 25 jyldyǵy, IýNESKO boıynsha atalǵan «Ahmet Iasaýı jyly», ýnıversıtet qurylýynyń 25 jyldyǵy mereıtoılarymen quttyqtady. Ári búgingi 19 mamyr, Túrkıa memleketiniń «Atatúrikti eske alý jáne jastar men sport kúni» merekesimen quttyqtap, izgi tilekterin bildirdi. Zıaly tulǵalar túrki halyqtarynyń tarıhyna toqtalyp, ortaq maqsat-murattar, aldaǵy atqarylar ıgilikti ister jaıynda sóz qozǵady.

Buǵan deıin álemniń Lefkosha (Kıpr), Baký (Ázerbaıjan), Ýskýf (Makedonıa), Nú-Iork (AQSH), Bishkek (Qyrǵyzstan) sıaqty qalalarynda shymyldyǵy túrilgen «Halyqaralyq túrki álemine eńbegi sińgen tulǵalardy marapattaý rásiminiń» kezekti jıyrmasynshy rásiminiń Túrkistanda ótýi kezdeısoqtyq emes.

Bıylǵy aıtýly sharanyń marapat ıeleri qatarynda Ázerbaıjan memleketiniń saıasatkeri, jýrnalıs G.Pashaeva, Qyrǵystan memleketiniń Túrkıadaǵy burynǵy Tótenshe jáne Ókiletti Elshisi B.Qalambekova, makedonıalyq T.Ibraımı, Ahmet Iasaýı ýnıversıteti Ókiletti Keńesiniń tóraǵasy, profesor Musa Iyldyz, Álem jáne Túrki halyqtarynyń aqyny, jazýshy O. Súleımenov jáne jazýshy, Halyqaralyq Alash syılyǵynyń laýreaty M. Baıǵut bar. Sonymen qatar Túrkıanyń «Gazıantep»  ýnıversıtetiniń rektory, profesor M.Ia.Joshkýn, Túrki álemi bilimine eńbek sińirgen Q.Bulbul,  TRT-1 telearnasynyń jýrnalısi M.Bozdaǵ, profesor H.Koshan, Til  mamany, jazýshy Iý.Gedıklı, qylqalam sheberi, profesor A.Karaoǵlý, «Anadoly aýyl qorǵaýshylary jáne sheıit otbasylary konfederasıasynyń» basshysy Z.Sózen, Túrki álemi jazýshylar jáne kórkemónerpazdar qorynyń tóraǵasy Ia.Akengın,  jýrnalıs, jazýshy, aqyn M.Ý.Iylmaz, Samsýn qalasy ákimshiliginiń mádenıet jáne áleýmettik departamentiniń basshysy N.Chamash qordyń arnaıy estelik kádesyıymen marapattaldy. Munymen qatar túrki álemi zıalylaryna ýnıversıtettiń «Iasaýı jyly» medali de tabystaldy.

Sondaı-aq, ýnıversıtettiń 60-tan asa ardager oqytýshy-professorlary men qyzmetkerlerine mereıtoılyq «25 jyl» jáne «Iasaýı jyly» medali saltanatty túrde tapsyryldy, dep habarlaıdy ýnıversıtettiń baspasóz qyzmeti.

---