InfoHub Logo

Negizgi UBT bastalǵannan beri 220 myń ret test tapsyryldy. Onyń ishinde túlekterdiń 75,8% – qazaq tilinde, 24% - orys tilinde, 0,1% - aǵylshyn tilinde testileýden ótti.

UBT bastalǵaly shekti baldy 68% jýyq talapker jınady, ótken aptamen salystyrǵanda 1%-ǵa artty. Ortasha balǵa keletin bolsaq, ol - 66 bal.

«Testileýdiń altynshy aptasy aıaqtaldy, barlyǵy shtatty rejımde ótip jatyr. Jalpy negizgi ulttyq biryńǵaı testileýge qatysýǵa 290 myńǵa jýyq ótinish kelip tústi, onyń ishinde 160 myń ótinish - birinshi múmkindikke, 130 myń ótinish - ekinshi múmkindikke berilgen. Qazirgi tańda 220 myń ret test tapsyryldy, ıaǵnı talapkerler ekinshi múmkindigin tapsyryp jatyr. UBT 5 shildede aıaqtalady», – dep atap ótti Ulttyq testileý ortalyǵynyń dırektory Rýslan Emelbaev.

Talapkerlerdiń, sonyń ishinde erekshe bilim berý qajettilikteri bar talapkerlerdiń testileýdi yńǵaıly tapsyrýy úshin UBT tapsyrý ýaqyty 40 mınýtqa uzartyldy.

Sonymen qatar, olar úshin syzba jáne dıagramlarsyz suraqtar jasaldy. Qabyldanǵan sharalar arqasynda erekshe bilim berý qajettilikteri bar testilenýshiler sany artyp keledi.

Bıyl talapkerlerge yńǵaıly bolý úshin alǵash ret UBT-nyń kúnin, ýaqytyn, orny men beıindik pánderin eske salatyn SMS joldanady.

Habarlama UBT-ǵa qatysýshylardyń ózderine, sondaı-aq kámelettik jasqa tolmaǵan testilenýshilerdiń ata-analaryna nemese zańdy ókilderine jiberiledi.

Akademıalyq adaldyqty saqtaý maqsatynda talapkerlerdiń test nusqasy tańbalandy. Iaǵnı UBT-nyń árbir qatysýshysynyń jeke test nusqasy bolady. Ereje buzǵan jáne test tapsyrmalaryn aýdıtorıadan shyǵarýǵa talpynǵan jaǵdaıda Ulttyq testileý ortalyǵy ereje buzýshylardy anyqtap, olardyń nátıjelerin joıady.

Búgingi tańda 267 talapker smartfon, shpargalka jáne basqa da tyıym salynǵan zattardy alyp ótý áreketi saldarynan test tapsyrý múmkindiginen aıyryldy.

Testileý kezinde ereje buzǵany úshin aýdıtorıadan 262 adam shyǵarylyp, olardyń nátıjesi joıyldy.

Esterińizge sala keteıik, UBT-ǵa kirgizý úsh deńgeıli júıe boıynsha júzege asyrylady: Face ID jeke basyn sáıkestendirý arqyly, jeke kýálik boıynsha, sondaı-aq otyrǵyzý ornynda jeke basyn sáıkestendirý júrgiziledi.

Bıyl testileý «1 kompúter – 2 kamera – 1 testilenýshi» qaǵıdaty boıynsha ótedi.

Eger buǵan deıin testileý prosesin ár kompúterdiń joǵarǵy jaǵynan baqylap otyratyn bir kamera ǵana bolsa, endi testilenýshiniń jeke basyn sáıkestendirýge jáne bógde adamdardyń kirýine jol bermeýge múmkindik beretin ekinshi (frontaldy) kamera ornatylǵan.

Aıta keteıik, talapkerler testileý aıaqtalǵannan keıin 30 mınýt ishinde apelásıaǵa bere alady. Sertıfıkat apelásıa týraly sheshim qabyldanǵannan keıin testilenýshiniń jeke kabınetinde qoljetimdi bolady.

---